03/10/2026
🏓 Milot Makolli i jep fund një kapitulli, por jo rrugëtimit në Pingpong!
Pas më shumë se 27 viteve si lojtar aktiv, Milot Makolli i jep fund karrierës së tij si pingpongist.
Një karrierë e gjatë, e mbushur me suksese, trofe dhe paraqitje të shumta në nivel vendor dhe ndërkombëtar. Miloti është 4 herë Kampion i Kosovës, fitues i turneut prestigjioz TOP 12, 17 vite pjesë e reprezentacionit dhe fitues i shumë turneve të hapura përgjatë viteve.
Ai ka pasur nderin të përfaqësojë Kosovën në arenën ndërkombëtare, ndërsa gjatë karrierës së tij ka mbrojtur ngjyrat e disa klubeve kosovare, përfshirë Dardaninë (Art Foto), KPP Prishtina dhe KPP Hasan Prishtina.
Dy sezonet e fundit të karrierës së tij si lojtar, Miloti i kaloi me KPP PRiPING, klubin ku edhe vendosi ta mbyllë një rrugëtim prej më shumë se një çerek shekulli në tavolinën e pingpongut.
Por ky nuk është fundi i rrugëtimit të tij në këtë sport.
Së fundmi, Miloti është certifikuar edhe si trajner, duke hapur një kapitull të ri në karrierën e tij sportive. Përvoja, njohuritë dhe pasioni i fituar gjatë më shumë se 27 viteve tashmë do të përcillen te gjeneratat e reja.
Sukseset si trajner veq se i ka deshmuar me rezultatet kulminante te Denat Makollit ku e prejt një rrugëtimi gjatë me gjeneratat e reja.
Nga lojtar kampion, në trajner të brezave të ardhshëm. 🏓
Faleminderit Milot për mbi 27 vite përkushtim ndaj sportit të pingpongut!
Urime për një karrierë të jashtëzakonshme si lojtar dhe shumë suksese në kapitullin e ri si trajner!
