90minuta

Kanë kaluar gati tri javë qëkur Drita e siguroi titullin e kampionit në Superligën e Kosovës, për herë të dytë radhazi dhe për herën e pestë në histori.

Klubi gjilanas, me një xhiro nga fundi, ka 66 pikë të tubuara në 35 ndeshje - në xhiron e fundit do të luajë ndaj Malishevës në “Liman Gegaj”.

Me të siguruar titullin, Drita ka siguruar një vend në fazën e parë kualifikuese të Ligës së Kampionëve.

Gjilanasit - duke pasur një koeficient të mirë në ranglistën e UEFA-s - janë në vazon bartëse të shortit për fazën e parë kualifikuese të Championsit, që nënkupton se do të ndeshet me kundërshtar më të lehtë, të paktën në letër. Poqëse e kalon fazën e parë, Drita me shumë gjasë do të jetë në vazon bartëse edhe në fazën e dytë, dhe kështu mund të kalojë fare lehtë në fazën e ligës së Ligës së Evropës.

Sezonin e kaluar, Drita siguroi kualifikimin historik në fazën e ligës së Ligës së Konferencës, madje duke shkuar në fazën e “play-offit”, pas dy fitoreve (Shelbourne, Shkëndija), dy barazimeve (KuPS, Omonia) dhe dy humbjeve (AZ Alkmaar, Rayo Vallecano). Në “play-off), Drita u mposht nga Celje e Sllovenisë, me shifrat prej 6-4, pas dy ndeshjeve.

Por, për të përsëritur suksesin ose për të shkuar më lart në Evropë, Drita duhet të bëj merkato të madhe.

Kjo pasi kampionia e Kosovës mund të mbetet pa disa lojtarë kryesorë.

Deri më tash, Drita ka konfirmuar largimin e Almir Ajzerajt, derisa raportohet se edhe Veton Tusha mund të largohet, së bashku me Liridon Balajn. Ka disa raportime që edhe Raddy Ovouka mund të largohet.

Përpos largimeve, Drita ka probleme edhe me lëndime. Kapiteni Rron Broja është momentalisht i lënduar, bashkë me Egzon Bejtullain (që e ka këputur ligamentin kryqëzor). Edhe Juan Camilo Mesa nuk është ende 100% nga lëndimi i rëndë.

Andaj, 𝟗𝟎𝐦𝐢𝐧𝐮𝐭𝐚 ka vendosur që sot ta luajë Drejtorin Sportiv të Dritës, duke propozuar disa emra, që klubi gjilanas mund të shkojë për ta, pasi tashmë qëndron edhe më mirë financiarisht, pas fitimeve në Evropë.

𝟗𝟎𝐦𝐢𝐧𝐮𝐭𝐚 ka mbledhur disa lojtarë të rinj e disa më me përvojë, nga gjitha trojet shqiptare, që ne besojmë se mund ta ngrisin nivelin te Drita.

Disa mund të jenë të paarritshëm, shkaku i rivalitetit, ndoshta edhe çmimit të lartë, por që në futboll gjithçka mund të ndodh.

(vlera sipas Transfermarkt) 💰

▫️ 𝐃𝐢𝐞𝐧𝐢𝐭 𝐈𝐬𝐮𝐟𝐢 (Dukagjini) – sulmues anësor, 23-vjeçar – 𝟐𝟕𝟓 mijë euro vlera

▫️ 𝐇𝐞𝐤𝐮𝐫𝐚𝐧 𝐁𝐞𝐫𝐢𝐬𝐡𝐚 (Dukagjini, në huazim nga Dinamo City) – qendërsulmues, 20-vjeçar – 𝟑𝟓𝟎 mijë euro vlera

▫️ 𝐐𝐥𝐢𝐫𝐢𝐦 𝐀𝐯𝐝𝐮𝐥𝐥𝐢 (Ferizaj) – mbrojtës i majtë, 26-vjeçar – 𝟑𝟎𝟎 mijë euro vlera

▫️ 𝐄𝐫𝐢𝐨𝐧 𝐒𝐚𝐝𝐫𝐢𝐮 (Ferizaj) – sulmues anësor, 21-vjeçar – 𝟐𝟓𝟎 mijë euro vlera

▫️ 𝐄𝐥𝐯𝐢𝐫 𝐆𝐚𝐬𝐡𝐢𝐣𝐚𝐧𝐢 (Llapi) – sulmues anësor, 19-vjeçar – 𝟑𝟓𝟎 mijë euro vlera

▫️ 𝐀𝐫𝐢𝐚𝐧𝐢𝐭 𝐇𝐚𝐬𝐚𝐧𝐢 (Llapi) – mesfushor sulmues, 22-vjeçar – 𝟑𝟓𝟎 mijë euro vlera

▫️ 𝐌𝐮𝐡𝐚𝐦𝐞𝐭 𝐇𝐲𝐬𝐞𝐧𝐢 (Llapi, i huazuar nga Horsens) – qendërsulmues, 25-vjeçar - 𝟔𝟓𝟎 mijë euro vlera

▫️ 𝐀𝐫𝐥𝐢𝐧𝐝 𝐕𝐞𝐥𝐢𝐮 (Malisheva) – mbrojtës i majtë, 24-vjeçar – 𝟓𝟎𝟎 mijë euro vlera

▫️ 𝐌𝐚𝐫𝐢𝐨 𝐈𝐥𝐢𝐞𝐯𝐬𝐤𝐢 (Prishtina) – qendërsulmues, 24-vjeçar – 𝟓𝟎𝟎 mijë euro vlera

▫️ 𝐕𝐚𝐥𝐞𝐧𝐭𝐢𝐧 𝐒𝐞𝐫𝐞𝐛𝐞 (Ballkani) – qendërsulmues, 23-vjeçar – 𝟔𝟎𝟎 mijë euro vlera

▫️ 𝐖𝐚𝐥𝐢𝐝 𝐇𝐚𝐦𝐢𝐝𝐢 (Ballkani) – sulmues anësor, 29-vjeçar – 𝟒𝟓𝟎 mijë euro vlera

▫️ 𝐁𝐥𝐞𝐚𝐫𝐭 𝐓𝐨𝐥𝐚𝐣 (Ballkani) – sulmuës anësor, 26-vjeçar – 𝟒𝟎𝟎 mijë euro vlera

▫️ 𝐈𝐠𝐛𝐚𝐥𝐥 𝐉𝐚𝐬𝐡𝐚𝐫𝐢 (Drenica) – sulmues anësor, 20-vjeçar – 𝟑𝟎𝟎 mijë euro vlera

▫️ 𝐀𝐫𝐛𝐞𝐧𝐢𝐭 𝐗𝐡𝐞𝐦𝐚𝐣𝐥𝐢 (Egnatia) – qendërmbrojtës, 28-vjeçar – 𝟔𝟎𝟎 mijë euro vlera

▫️ 𝐌𝐞𝐥𝐨𝐬 𝐁𝐚𝐣𝐫𝐚𝐦𝐢 (Vllaznia) – qendërmbrojtës, 24-vjeçar – 𝟐𝟕𝟓 mijë euro vlera

▫️ 𝐈𝐦𝐫𝐚𝐧 𝐅𝐞𝐭𝐚𝐢 (Shkëndija) – qendërmbrojtës, 23-vjeçar – 𝟔𝟎𝟎 mijë euro vlera

▫️ 𝐅𝐚𝐛𝐫𝐢𝐜𝐞 𝐓𝐚𝐦𝐛𝐚 (Shkëndija) – sulmues anësor, 22-vjeçar – 𝟔𝟎𝟎 mijë euro vlera

#𝟗𝟎𝐦𝐢𝐧𝐮𝐭𝐚

🚨 Si mund të shpallet Drita KAMPIONE qysh në xhiron e ardhshme? 🤨

Nëse Ballkani humb ose barazon me Llapin, Drita mund ta festojë titullin KAMPION për herë të dytë radhazi, një xhiro më pas, nëse fiton derbin me suharekasit në Gjilan 📝

#𝟗𝟎𝐦𝐢𝐧𝐮𝐭𝐚

🚨📝 𝐎𝐏𝐈𝐍𝐈𝐎𝐍: Nga lloçi në sukses, e nga suksesi në ’lloç’

Në sezonin 2012/2013, Llapi kaloi një nga sezonet më të dobëta në historinë e tij, duke qenë pjesë e barazhit për mbetje në Ligën e Parë, pasi përfundonte i 13-ti në tabelë.

Në barazhin për të siguruar mbijetesën në Ligën e Parë, Llapi pati punë me Kamenicën, të cilën e mposhti thellë, 5-0, dhe kështu siguroi edhe një sezon në nivelin e dytë më të mirë të futbollit në Kosovë.

Vera e atij viti solli një ristrukturim të klubit, i cili deri atëherë ishte ‘pronë’ e Komunës së Podujevës, e cila drejtohej nga Agim Veliu i LDK-së asokohe.

Me inicimin e Komunës së Podujevës, u organizua një Kuvend Zgjedhor, ku Llapi iu besua Nexhat Dumnicës, si president në ardhje i klubit dhe Tahir Batatinës, i cili u zgjodh si trajner i Llapit.

Pas një infuzioni financiar dhe një freskie në kryesinë e klubit, Llapi e përfundoi sezonin 2013/14 në vendin e katërt në Ligën e Parë, duke qenë kështu në ndjekje të Superligës.

Pas dështimit të promovimit atë sezon, Llapi më në fund arriti të sigurojë Superligën në sezonin 2014/15, duke u renditur i pari në tabelë me 72 pikë.

Që nga sezoni 2015/16, Llapi u konsolidua si një klub i rregullt i Superligës së Kosovës.

Llapi u drejtua nga presidenti Dumnica deri në vitin 2018, kur në nëntor të atij viti Beqir Batatina u zgjodh i pari i klubit të Llapit.

Kështu, Llapi ‘ra’ në duart e familjes Batatina, pasi trajneri i skuadrës ishte vëllai i Beqirit, Tahiri.

Nën drejtimin e këtij të fundit, Llapi ka fituar tre trofe: Dy herë Kupën e Kosovës (2021, 2022) dhe një herë Superkupën e Kosovës (2021).

Mirëpo, pas milionave të shpenzuara (sipas Tahir Batatinës), a janë të mjaftueshme vetëm këto trofe?

Familja Batatina e ka meritën e saj që e nxorri klubin nga lloçi i Merdarës, por është po aq fajtore që Llapi tashmë ka mbetur në ‘lloç’, në fund të pusit, duke rrezikuar seriozisht rënien në Ligën e Parë të Kosovës, pas një dekade.

Llapi ka 33 pikë pas 30 ndeshjeve në Superligën e Kosovës të këtij sezoni, duke qenë në vendin e nëntë, pozitë që të dërgon në një ligë më poshtë. Momentalisht, Llapi ka pikë të njëjta me Ferizajn që është i teti (pozita e barazhit), dhe pesë pikë më pak se Drenica, që zë vendin e shtatë në tabelë.

E, për këtë fajtor pa dyshim që është trajneri dhe kryesia e klubit. Trajneri, sepse ka një skuadër mjaft të mirë, e cila ndoshta nuk do t’i siguronte një garë për titull, por një garë për Evropë, me patjetër.

Kryesia, sepse po i besojnë Tahir Batatinës, vëllait të presidentit. Ndoshta, edhe ata thellë e dinë se ai nuk është i duhuri, por u mungon guximi t’i thonë...

Tahiri, ndonëse e posedon licencën “Pro” të UEFA-s për trajner, nuk po tregon aftësi “profesionale” si i tillë.

Përplasje të ashpra me gjyqtarë sa është në fushë, tentim-fajësimi ndaj tyre pas ndeshjeve, madje duke shkuar edhe më larg, duke i kërcënuar... Këto janë metodat e Tahirit për ta arsyetuar sa herë vetën kur dështon. Duke i shtuar këtyre, edhe akuzat që sa herë hidhen ndaj tij për trukime ndeshjesh, bëjnë që ai të mos jetë i denjë për të drejtuar një skuadër të Llapit, i cili është një nga klubet më me traditë në futbollin e Kosovës.

Tahiri duhet të lëshojë rrugë, për të mirën e tij, për të mirën e Llapit, por mbi të gjitha, për të mirën e djersës së tij, vëllait dhe tërë familjes Batatina, të cilët kanë ‘derdhur’ miliona në këtë klub, i cili ka nevojë për një figurë tjetër në krye të skuadrës.

Dhe, jo me Tahirin dhe të tjerët duke i qëndruar mbi kokë gjithmonë, sikur në dy rastet ndaj Bylbyl Sokolit dhe Bekim Shotanit.

Llapit i duhet një trajner që punon me duar të lira, një trajner që duhet ta gjejë një ambient pune të denjë për të punuar, pa presione nga kryesia dhe me një projekt të riformuluar, pasi ky i Tahirit po shkon drejt dështimit.

Pas më shumë se një dekade, Llapit i duhet edhe një ristrukturim i klubit, tashmë jo me qëllim futjen në Superligë, por fitimin e titullit të Superligës.

Ky rindërtim i klubit dhe ndoshta edhe i skuadrës duhet të fillojë këtë verë, qoftë si pjesë e Superligës së Kosovës, e qoftë edhe si pjesë e Ligës së Parë.

Familja Batatina e largoi Llapin nga lloçi një herë, andaj mos të kontribuojë ta rikthejë atë përsëri aty...

#𝟗𝟎𝐦𝐢𝐧𝐮𝐭𝐚

Lojtari i Kombëtares së Shqiperisë, Rey Manaj në instagram: “Hajde zemra e Shqiperisë 🇽🇰🇦🇱

𝐌𝐎𝐒 𝐄 𝐒𝐇𝐈𝐓𝐍𝐈 𝐊𝐎𝐒𝐎𝐕𝐄̈𝐍!

Është një turp i madh për ata që guxojnë të shesin bileta për tifozë të Turqisë, për finalen e “play-offit” në “Fadil Vokrri”.

Kosova nuk është mall për t’u sh*tur; nuk ka çmim që mund ta blejë krenarinë tonë, historinë tonë, gjakun që është derdhur për këtë tokë.

Paratë e pista nuk mund të kompensojnë tradhtinë që mund ta bëni ndaj kombit dhe tifozëve të vërtetë.

Çdo biletë që sh*tet për turqit është një kërcënim ndaj identitetit tonë - një turp që nuk mund të fshihet kurrë.

Ata që e bëjnë këtë gjest janë tradhtarë, dhe nuk kanë vend mes shqiptarëve të ndershëm.

Mos harroni, Kosova nuk blihet, nuk sh*tet, nuk dorëzohet!

#𝟗𝟎𝐦𝐢𝐧𝐮𝐭𝐚

“Kosova është atdheu i babait tim. Rrënjët e tij janë nga Prishtina. Arritjet e tyre nuk duhet të nënvlerësohen, Kosova është një vend plot me talent.”

“Ata janë një ekip i fortë. Përfunduan të dytët në një grup të vështirë dhe mund të kishin dalë edhe të parët. Turqia do ta ketë një punë shumë të vështirë.”

🗣️Legjenda e futbollit turk, Hakan Şükür për Kosovën. 🇽🇰🇹🇷

Është gjysma e muajit mars. Edhe 2 muaj e pak mbyllet sezoni në Superligën e Kosovës.

Almir Ajzeraj, 7-shi i Dritës, kampiones në fuqi të Kosovës, NUK ka asnjë gol e asnjë asistim!

Po, po! ZERO gola e ZERO asistime!

A është Ajzeraj i duhuri për sulmin e Dritës? 🤔

#𝟗𝟎𝐦𝐢𝐧𝐮𝐭𝐚

⌛️ 𝐍𝐔𝐌𝐄̈𝐑𝐈𝐌 𝐏𝐄̈𝐑 𝐒𝐄̈ 𝐌𝐁𝐑𝐀𝐏𝐒𝐇𝐓𝐈: Kanë mbetur vetëm 12 ditë deri te ndeshja më e madhe e kombëtares së Kosovës deri më tani! 🇽🇰

📆 Me 26 mars, Kosova do të jetë mysafire e Sllovakisë, në gjysmëfinalen e “play-offit” të Botërorit 2026, i cili mbahet në Kanada, Meksikë dhe SHBA 🌎

🤔 Në rast fitoreje, Kosova do të luante me 31 mars, në finale, ndaj fituesit të ndeshjes Turqi - Rumani 🇹🇷🇷🇴

Po ju si mendoni, a do të dalë fituese Kosova në këtë përballje, apo do mposhtet? Shprehuni në hapësirën për komente! 💭👇🏻

#𝟗𝟎𝐦𝐢𝐧𝐮𝐭𝐚

🤔 𝐃𝐈𝐒𝐊𝐔𝐓𝐈𝐌: A do t’i kushtojë Real Madridit penalltia e humbur nga Vinicius Junior?

Me 1 maj të vitit 2019, në “Camp Nou” po zhvillohej ndeshja e parë gjysmëfinale e Ligës së Kampionëve, mes Barcelonës dhe Liverpoolit.

Barcelona po avanconte 3-0, derisa në sekondat e fundit të ndeshjes, Ousmane Dembele lëshoi një super-mundësi për 4-0, që do të nënkuptonte ‘kapitullimin’ e anglezëve dhe do të siguronte një natë më të qetë në Merseyside gjashtë ditë më vonë.

Me 7 maj, megjithatë, Barça ra në “Anfield” dhe u mposht 4-0 nga Liverpooli - një nga rikthimet më të jashtëzakonshme në futboll.

Ndërkohë, mbrëmë, Reali i Alvaro Arbeloas e befasoi Manchester Cityn e Pep Guardiolës, me ndeshjen e luajtur në kuadër të ndeshjes së parë të fazës së 1/8-ës së finales.

“Los Blancos” fituan 3-0, pas “hattrickut” të Federico Valverdes në pjesën e parë.

Në pjesën e dytë, Reali pati mundësi të artë për të shkuar në 4-0, mirëpo ylli brazilian, Vinicius Jr. e humbi penalltinë.

Një gol i katërt, që (këtu po hamendësojmë) mund të sillte edhe golin e pestë, e kështu me radhë, pasi ishte vetëm minuta e 58-të - një gol që mund ta rëndonte Cityn psiqikisht për së tepërmi, për pjesën e mbetur të ndeshjes (më shumë se gjysmë ore).

A do të ndikojë ky ‘lëshim’ nga Reali në ndeshjen e dytë në “Etihad”, apo çështja e kalimit në çerekfinale për madrilenët është e ‘garantuar’?

Ndeshja Manchester City - Real Madrid luhet me 17 mars nga ora 21:00 në “Etihad Stadium”.

#𝟗𝟎𝐦𝐢𝐧𝐮𝐭𝐚

🚨🗣️ Ish-lojtari i Arsenalit, Theo Walcott, u pyet se ku do të përfundonte Real Madridi nëse do të luante në Premierligë. Ai u përgjigj:

“Në pozitën e 8-të. Mendoj se ata mund të kishin vështirësi në ndeshjet jashtë me Crystal Palace dhe Leeds. Edhe moti do të ndikonte”

#𝟗𝟎𝐦𝐢𝐧𝐮𝐭𝐚