Klubi i Boksit Uniteti

09/10/2026

03/10/2026

🥇 PERFORMANCË E SHKËLQYER E BOKSIERËVE TANË NË TURNEUN “ZIZI OLIMPIK” 🥊

Një paraqitje e shkëlqyer e boksierëve tanë në turneun “Zizi Olimpik”, të organizuar në Prishtinë për nder të legjendës së boksit shqiptar, Aziz Salihu.

🥇 Kaon Zhitia, vetëm 10-vjeçar, në meçin e tij të parë zhvilloi një paraqitje fantastike. Me shpirt luftarak, guxim dhe energji të jashtëzakonshme, luftoi gjatë gjithë duelit si një luan dhe në fund u shpërblye me medaljen e artë. 🦁🏆

🥇 Anes Prishtina, gjithashtu në meçin e tij të parë, arriti fitore me ndërprerje, duke treguar potencial të madh dhe se një e ardhme e ndritur e pret në ring. 👊

🔥 Mensur Shabani, pas një pauze prej 10 muajsh nga ringu, u rikthye fuqishëm përballë një boksieri me përvojë nga Maqedonia e Veriut. Mensuri dominoi duelin gjatë të tre raundeve, por pavarësisht paraqitjes së tij, gjyqtarët vendosën në favor të kundërshtarit – një vendim që nga këndvështrimi ynë nuk e pasqyroi atë që u pa në ring.

Megjithatë, ky rezultat nuk e ndal Mensurin. Rikthimi sapo ka filluar dhe rruga vazhdon edhe më fuqishëm. 💪

🥊 Agnesa Veseli, Erdet Zeqiri, Shend Podrimaj, Ari Ferizaj, Andrin Ferizaj dhe Anik Prishtina, ndonëse ishin të përgatitur dhe të gatshëm për të garuar, mbetën pa duele për shkak të mungesës së kundërshtarëve në kategoritë e tyre.

👏 Falënderojmë të gjithë boksierët për përkushtimin dhe punën e tyre, si dhe trajnerët për punën e palodhshme në përgatitjen e ekipit.

24/09/2026

🥉 DONJETA SADIKU – MEDALISTE E BRONZTË E KAMPIONATIT EUROPIAN SOFIA 2026 🇽🇰

Pas dy fitoreve të mëdha ndaj boksiereve nga Rusia dhe Holanda, sot Donjeta luftoi për një vend në finalen e Kampionatit Europian.

Në përballjen ndaj rusës Kristina Kuluhova, Donjetës iu mohua fitorja përmes një referimi totalisht skandaloz dhe të padrejtë, në një vendim që për ne është i padiskutueshëm në padrejtësinë e tij. Me këtë vendim, Donjetës iu mohua kualifikimi në luftën për titullin europian.

Ne erdhëm në Sofia për titullin e Europës, por kthehemi me një medalje historike bronzi për Kosovën. Donjeta dëshmoi edhe një herë se është ndër boksiereve më të mira në skenën europiane dhe botërore.

🥉 Një tjetër medalje europiane për Donjeta Sadikun.
Një tjetër sukses historik për Kosovën. 🇽🇰

Vazhdojmë tutje, edhe më fuqishëm, drejt synimeve tona për ta përfaqësuar sa më lart Kosovën dhe boksin kosovar.

🙏 Faleminderit trajneres Marjola Sallauka për punën, mundin, përkushtimin dhe sakrificën e saj të jashtëzakonshme.

Faleminderit Federatës së Boksit të Kosovës dhe të gjithë përkrahësve tanë për mbështetjen e vazhdueshme.

Kjo rrugë nuk përfundon këtu.
Ne nuk ndalemi.
Shihemi në sukseset e radhës! 🥊🇽🇰

23/09/2026

🥇 DONJETA SADIKU NË GJYSMËFINALE! 🇽🇰

Donjeta Sadiku vazhdon rrugëtimin e saj triumfues në Kampionatin Evropian Sofia 2026! 🥊

Kampionia jonë e mposhti bindshëm edhe boksieren holandeze Maud Van der Toorn, duke i siguruar Kosovës medaljen e radhës evropiane! 🇽🇰🥇

Në gjysmëfinale, Donjeta do të përballet me një kundërshtare të njohur për ne, Kristina Kuluhova, përfaqësuese e Serbisë, të cilën Donjeta e mposhti edhe në finalen e Lojërave Mesdhetare, duke u shpallur kampione e Mesdheut. Trajnerja Marjola është e bindur se edhe këtë herë do ta kalojmë këtë sfidë🏆

Tani na pret edhe një betejë drejt finales.

Suksese, Kampione! Shkojmë tutje, drejt titullit Kampione e Evropës! 🥇🇽🇰

23/09/2026

21/09/2026

🥇 FITORE BINDËSE PËR DONJETA SADIKUN! 🇽🇰

Donjeta Sadiku e nis me fitore bindëse rrugëtimin e saj në Kampionatin Evropian Sofia 2026, duke triumfuar në xhiron e parë ndaj boksieres ruse Alina Pushkar. 🥊🇽🇰

Tani, në sfidën e radhës, Donjeta do të përballet me boksieren holandeze Maud Van der Toorn, në kërkim të hapit të radhës drejt majës së Evropës. 🏆

Trajnerja Marjola Sallauka beson fuqishëm në përgatitjen e kampiones sonë dhe synimi është i qartë: të rikthehemi nga Sofia me titullin Kampione e Evropës! 🥇🇽🇰

Suksese, Kampionja jonë!🥇🇽🇰