Kosovo Boccia Federation

10/10/2026

𝐌𝐢𝐬𝐢𝐨𝐧𝐢 ynë është zhvillimi i boccias në Kosovë dhe përkrahja e personave me aftësi të kufizuara, duke u krijuar mundësi që parasportistët tonë të garojnë edhe në arenën ndërkombëtare të World Boccia.

Me dashuri të madhe për sportin dhe Kosovën, çdo ditë angazhohemi dhe punojmë për një boccia më gjithëpërfshirëse. 🇽🇰🦽

10/10/2026

𝐁𝐨𝐜𝐜𝐢𝐚 𝐩𝐫𝐨𝐦𝐨𝐯𝐨𝐡𝐞𝐭 𝐭𝐞 𝐩𝐞𝐫𝐬𝐨𝐧𝐚𝐭 𝐦𝐞 𝐚𝐟𝐭𝐞̈𝐬𝐢 𝐭𝐞̈ 𝐤𝐮𝐟𝐢𝐳𝐮𝐚𝐫𝐚 𝐧𝐞̈ 𝐌𝐢𝐭𝐫𝐨𝐯𝐢𝐜𝐞̈

Në Qendrën Burime “Nëna Terezë” në Mitrovicë u zhvillua një aktivitet promovues për sportin e boccias, me pjesëmarrjen e personave me aftësi të kufizuara që deri më tani nuk e kishin luajtur këtë sport.

Aktiviteti kishte për qëllim t’i njohë pjesëmarrësit me parasportistin e boccias dhe t’u krijojë mundësi të reja për përfshirje në sport. Boccia është sport gjithëpërfshirës, që nxit pjesëmarrjen, përkushtimin dhe angazhimin aktiv.

Federata e Para Boccia e Kosovës do të vazhdojë me aktivitete promovuese edhe në komunat e tjera, për ta masovizuar parasportin e boccias për sa më shumë persona me aftësi të kufizuara.

🦽

07/10/2026

𝐁𝐨𝐜𝐜𝐢𝐚 𝐩𝐫𝐨𝐦𝐨𝐯𝐨𝐡𝐞𝐭 𝐭𝐞 𝐩𝐞𝐫𝐬𝐨𝐧𝐚 𝐦𝐞 𝐚𝐟𝐭𝐞̈𝐬𝐢 𝐭𝐞̈ 𝐤𝐮𝐟𝐢𝐳𝐮𝐚𝐫𝐚 𝐧𝐞̈ 𝐋𝐢𝐩𝐣𝐚𝐧

Sot, tek zyrat e Federatës në Lipjan, u zhvillua një aktivitet promovues për sportin e boccias, ku u përfshinë persona me aftësi të kufizuara të cilët deri më tani nuk kanë qenë aktivë në sport dhe nuk e kanë luajtur boccia-n.

Aktiviteti kishte për qëllim t’i njohë pjesëmarrësit me këtë sport dhe të krijojë mundësi të reja për përfshirjen e tyre në aktivitete sportive. Boccia është një sport gjithëpërfshirës që nxit pjesëmarrjen, përkushtimin dhe angazhimin aktiv.

Ky aktivitet i nisur sot në Lipjan do të vazhdojë edhe në komunat e tjera të Kosovës, me synimin për ta promovuar dhe masivizuar sa më shumë sportin e boccias në vend.

Federata e Para Boccia e Kosovës synon që përmes këtyre aktiviteteve, boccia të bëhet e qasshme për sa më shumë persona me aftësi të kufizuara dhe t’u ofrojë atyre mundësi të reja për të qenë pjesë e sportit.

🦽

30/09/2026

Drejtori Sportiv Luan Çabra në DTV Media

Boccia kosovare ne arenen nderkombetare - Luan Camra | Dita me Ne |...

23/09/2026

Murat Murati, Kryetar i Federatës së Para Boccia të Kosovës në emisionin Pasdite në RTK tek Mediana Rrahmani

Video zyrtare nga Radio Televizioni i Kosovës (RTK).Ndiqni RTK pë...

11/09/2026

𝐏𝐞̈𝐫𝐟𝐮𝐧𝐝𝐨𝐧 𝐫𝐫𝐮𝐠𝐞̈𝐭𝐢𝐦𝐢 𝐢 𝐒𝐚𝐛𝐫𝐢 𝐂̧𝐚𝐛𝐫𝐞̈𝐬 𝐧𝐞̈ 𝐏𝐢𝐥𝐬𝐞𝐧 🇽🇰

Parasportisti i Kosovës, Sabri Çabra, ka përfunduar paraqitjen e tij në fazën e grupeve të World Boccia Challenger Pilsen 2026.

Në ndeshjen e tretë dhe vendimtare të grupit, Sabriu u përball me parasportistin slloven Enej Strazberger, ndaj të cilit pësoi humbje, duke e mbyllur kështu garën me bilanc prej një fitoreje dhe dy humbjesh.

Gjatë këtij turneu, Sabriu regjistroi fitore ndaj parasportistit të Zelandës së Re, Hamish Cleary, ndërsa u mposht nga kanadezi Olivier Roy dhe slloveni Enej Strazberger.

Pavarësisht përfundimit të garës në fazën e grupeve, paraqitja në një turne të këtij niveli përbën një tjetër përvojë të rëndësishme ndërkombëtare për Sabriun dhe boccian e Kosovës.

Sabriut i urojmë shumë suksese në garat e ardhshme dhe paraqitje sa më të mira për Kosovën!



Ministria e Sportit dhe Rinisë
Agjencia e Sportit



Korporata Rugove
Komiteti Paralimpik i Kosovës

11/09/2026

10/09/2026

𝐅𝐢𝐭𝐨𝐫𝐞 𝐞 𝐫𝐞̈𝐧𝐝𝐞̈𝐬𝐢𝐬𝐡𝐦𝐞 𝐩𝐞̈𝐫 𝐒𝐚𝐛𝐫𝐢 𝐂̧𝐚𝐛𝐫𝐞𝐧 𝐧𝐞̈ 𝐏𝐢𝐥𝐬𝐞𝐧

Parasportisti i Kosovës, Sabri Çabra, ka shënuar sot një fitore të vlefshme në kuadër të World Boccia Challenger Pilsen 2026.

Pas humbjes ndaj parasportistit të Kanadasë, Olivier Roy, Sabriu u rikthye fuqishëm dhe triumfoi ndaj parasportistit të Zelandës së Re, Hamish Cleary.

Nesër, Sabri Çabra do të përballet me sllovenin Enej Strazberger, në një ndeshje me shumë rëndësi, ku në rast fitore në këtë përballje, parasportisti jonë mund të sigurojë kualifikimin në çerekfinale të World Boccia Challenger Pilsen 2026.

I urojmë Sabriut shumë suksese në ndeshjen vendimtare të nesërme dhe sa më shumë fitore për Kosovën!

🇽🇰

Ministria e Sportit dhe Rinisë
Agjencia e Sportit



Korporata Rugove
Komiteti Paralimpik i Kosovës

09/09/2026

𝐌𝐢𝐫𝐞̈𝐧𝐣𝐨𝐡𝐣𝐞 𝐩𝐞̈𝐫 𝐨𝐫𝐠𝐚𝐧𝐢𝐳𝐢𝐦𝐢𝐧 𝐛𝐫𝐢𝐥𝐚𝐧𝐭 𝐭𝐞̈ 𝐖𝐨𝐫𝐥𝐝 𝐁𝐨𝐜𝐜𝐢𝐚 𝐂𝐡𝐚𝐥𝐥𝐞𝐧𝐠𝐞𝐫 𝐏𝐢𝐥𝐬𝐞𝐧 𝟐𝟎𝟐𝟔

Në kuadër të pjesëmarrjes në World Boccia Challenger Pilsen 2026, Federata e Para Boccia e Kosovës shprehu mirënjohjen e saj të veçantë ndaj Czech Boccia Federation për organizimin e shkëlqyer dhe mikpritjen e jashtëzakonshme.

Me këtë rast, Kryetari i Federatës së Para Boccia të Kosovës, Murat Murati, i dhuroi një dhuratë simbolike Roman Suda, President i Czech Boccia Federation, si shenjë respekti, falënderimi dhe vlerësimi për përkushtimin, profesionalizmin dhe organizimin brilant të këtij eventi të rëndësishëm ndërkombëtar.

World Boccia Challenger Pilsen 2026 iështë një ngjarje e organizuar në nivel të lartë, duke krijuar kushte të shkëlqyera për parasportistët, delegacionet dhe të gjithë pjesëmarrësit.

Federata e Para Boccia e Kosovës e vlerëson lart bashkëpunimin dhe miqësinë me Czech Boccia Federation dhe shpreh gatishmërinë për vazhdimin dhe fuqizimin e këtij bashkëpunimi edhe në të ardhmen.