Klubi i Shahut Dardania

NJOFTIM

Shkolla e Shahut”Dardania”, do të filloj punën dhe regjistrimin e nxënësve të rinj nga data: 01.09.2026, në ora 18:00
Numrat kontaktues dhe informacionet e nevojshme mund të gjenden në faqen e internetit të Klubit të Shahut” Dardania”, në adresen:
www.dardania-rks.com

Ju mirëpresim♟️

Klubi i Shahut” Dardania “

Klubi i shahut Dardania

Klubi i Shahut Dardania, nën udhëheqjen e kapitenit IM Nderim Saraqi, mbrojti titullin e kampionit në Superligën e Kosovës në shah. Njëkohësisht, klubi falënderon të gjithë lojtarët për kontributin dhe angazhimin e dhënë gjatë kampionatit.

Vlen të theksohet paraqitja superiore e Ergit Ramaj, i cili e përfundoi garën me te gjitha fitore . Të gjithë lojtarët shkëlqyen dhe në fund festuan atë që e merituan me plot të drejtë.

Gjithashtu, klubi siguroi pjesëmarrjen në garën evropiane për klube, e cila do të mbahet në Mal të Zi.

Klubi i Shahut Dardania, nën udhëheqjen e kapitenit të pandalshëm IM Nderim Saraçi, arrin të shpallet kampion i Superligës 2025, kampion i Kupës së Kosovës, si dhe kampion në Rapid 2025 dhe kampion në Blitz 2025.

Klubi i Shahut Dardania falënderon të gjithë lojtarët e ekipit, të cilët gjatë gjithë vitit, me përkushtim dhe profesionalizëm, luajtën për klubin dhe arritën këtë sukses të jashtëzakonshëm.

https://youtu.be/nswL2T1hbGo?si=RATjzxFF2HyhkW6o

Pasdite - Armend Budina, kryetar i federatës së shahut 04.12.2025 𝐅𝐨𝐥𝐥𝐨𝐰 𝐑𝐓𝐊: Pasdite - Armend Budina, kryetar i federatës së shahut 04.12.2025𝐅𝐚𝐜𝐞𝐛𝐨𝐨𝐤: https://shorturl.at/vGHS8𝐖𝐄𝐁: 𝐫𝐭𝐤𝐥𝐢𝐯𝐞.𝐜𝐨?...

Nderim Saraqi shkëlqen në arenën evropiane të shahut!
Kampioni shumëvjeçar i Kosovës dhe lojtari i klubit të shahut Dardania, sot në Turneun Europian për Klube që po mbahet në Rodos, befasoi me një paraqitje të jashtëzakonshme duke barazuar (remi) me shahistin nga India që renditet në vendin e katërt në botë, pjesë e ekipit të njohur Alkaloid.
Një rezultat i madh që tregon nivelin e lartë, përkushtimin dhe karakterin garues të Nderim Saraqit, duke nderuar kështu shahistin kosovar dhe klubin Dardania në skenën ndërkombëtare.

Pra, ky është IM Nderim Saraqi

"Nje lajm i mirë për klubin e shahut Dardania: Kampioni i 11-fish i Kosovës, IM Nderim Saraqi, fiton turneun e luajtur në Gjevgjeli, Maqedoninë e Veriut, duke treguar një performancë të shkëlqyer me vetëm një barazim gjatë garave. Urime kampion! Me shumë kënaqësi, ish-kapiteni Ardi."

Jona dhe Rroni sjellin sukses në festivalin e mbajtur në Strugë

Me krenari, Klubi i Shahut Dardani njofton se Jona dhe Rroni kanë arritur rezultate të shkëlqyera në festivalin e mbajtur në Strugë, ku të dy janë shpallur kampionë në kategorinë e tyre. Ky sukses është një dëshmi e punës së palodhur dhe dedikimit që ata kanë investuar në këtë sport.

Pjesëmarrja e Jonës në këtë festival është veçanërisht e veçantë, pasi ajo është kampione aktuale e Kosovës. Rritja e saj si lojtare dhe arritjet e saj janë inspiruese për të gjithë ne. Jona dhe Rroni kanë treguar se me përkushtim dhe fokus, çdo gjë është e mundur.

Ne si klub, jemi shumë të lumtur për këto rezultate të shkëlqyera dhe urojmë të dyve të gjitha të mirat në garat e ardhshme. Jemi të sigurt se do të vazhdojnë të sjellin suksese dhe të përfaqësojnë me dinjitet klubin tonë. Suksese në rrugëtimin tuaj të ardhshëm

Ne jemi të lumtur të njoftojmë se Jon Pllana ka fituar titullin kampion në kategorinë U-10 në "Lake Queen Summer Youth Chess Festival" që u mbajt nga data 5 deri më 8 Shtator 2025 në Strugë!

Kjo është një arritje e jashtëzakonshme për Jonin dhe një dëshmi e përkushtimit dhe aftësive të tij në lojën e shahut. Ne jemi krenarë për suksesin e tij dhe e inkurajojmë ta vazhdojë këtë rrugëtim të shkëlqyer.

Urime, Jon! Le të vazhdojmë të mbështesim lojtarët e rinj dhe të promovojmë kulturën e shahut në rajonin tonë.

NJOFTIM,

Shkolla e Shahut "Dardania"do të fillojë punën dhe regjistrimin e nxënësve të rinj nga data 01.09.2025, në ora 18:00.

Numrat kontaktues dhe informacionet e domosdoshme mund të gjenden në faqen e internetit të Klubit të Shahut "Dardania", në adresën: www.dardania-rks.com.

Ju mirëpresim,

Klubi i Shahut "Dardania"

Arritje e Mrekullueshme e Shkollës së Shahut "Dardania" në Kampionatin e Kosovës për Grupmosha të Reja!

Shkolla e Shahut "Dardania" ka arritur një sukses të jashtëzakonshëm në Kampionatin e Kosovës për grupmosha të reja, duke shpallur kampionë të gjithë shahistët që kontribuan me përkushtim dhe dedikim në këtë event të rëndësishëm. Nën udhëheqjen e trajnerëve Gani Hamiti dhe Ajet Mahmuti, dhe tani nën drejtimin e trajnerit Ajet, këta të rinj kanë demonstruar talentin dhe aftësitë e tyre të shkëlqyera.

Organizimi i këtij kampionati ka sjellë në pah punën e palodhur dhe përkushtimin e jashtëzakonshëm të këtyre shahistëve, dhe rezultatet flasin vetë për suksesin e tyre.

Renditja finale ishte si më poshtë:

🥇 **Jona Reçica - G18**
🥇 **Lir Basha - U16**
🥇 **Rron Reçica - U14**
🥇 **Alba Pllana - G14**
🥇 **Troi Krasniqi - U12**
🥇 **Jon Pllana - U10**
🥇 **Mal Berisha - U8**

🥈 **Loant Shkololli - U16**
🥈 **Priam Krasniqi - U10**

🥉 **Gemi Krasniqi - U14**
🥉 **Gjon Buzhala - U8**

Shkolla e Shahut "Dardania" dhe klubi Dardania i uron suksese të gjithëve në të ardhmen dhe presim me padurim momentin kur të shpallen kampion ne superligen e Kosoves po këta që dje triumfuan me gjithë forcën e tyre. Shpresojmë që ky sukses të jetë vetëm fillimi i një rrugëtimi të mrekullueshëm për këta të rinj talentuar! 🏆✨