FC Prishtina

ℹ️ Pas një sezoni me fanellën bardhekaltër, Gjelbrim Taipi dhe FC Prishtina kanë vendosur të mbyllin bashkëpunimin me marrëveshje të dyanshme. 🤝

Taipi iu bashkua bardhekaltërve në prag të sezonit 2025/26 dhe gjatë një viti me fanellën e Prishtinës regjistroi 33 paraqitje në të gjitha garat, duke kontribuar me 2 gola dhe 2 asistime. Mesfushori ishte pjesë e skuadrës edhe në arenën ndërkombëtare, ku zhvilloi tri ndeshje në garat evropiane, në UEFA Europa League dhe UEFA Conference League.

⚪🔵FC Prishtina e falënderon Gjelbrim Taipin për angazhimin, profesionalizmin dhe kontributin e dhënë gjatë periudhës së tij në klub, duke i uruar suksese në vazhdim të karrierës së tij sportive.

ℹ️ FC Prishtina njofton se Leonat Vitija nuk do të jetë më pjesë e klubit pas përfundimit të kontratës së tij.🤝

Qendërmbrojtësi 25-vjeçar ishte pjesë e bardhekaltërve për dy sezone, ndërsa në edicionin e fundit regjistroi 31 paraqitje në të gjitha garat, duke kontribuar në kampionat, kupë dhe ndeshjet evropiane.

⚪🔵FC Prishtina i shpreh mirënjohje për angazhimin dhe kontributin e dhënë gjatë këtyre dy viteve dhe i uron suksese në vazhdim të karrierës së tij.

ℹ️ FC Prishtina njofton se ka përfunduar bashkëpunimin me futbollistin Elton Krasniqi.🤝

21-vjeçari me tipare sulmuese ishte pjesë e bardhekaltërve gjatë edicionit të kaluar, duke dhënë kontributin e tij me fanellën e klubit.

⚪️🔵FC Prishtina e falënderon Elton Krasniqin për profesionalizmin dhe angazhimin e treguar gjatë kohës sa ishte pjesë e skuadrës, duke i uruar suksese në vazhdim të karrierës së tij sportive dhe në sfidat e ardhshme.

Diar Halili vazhdon me FC Prishtinën deri në vitin 2029.✍️

FC Prishtina njofton se Diar Halili ka nënshkruar marrëveshje të re me klubin, e vlefshme deri në verën e vitit 2029.

Pas periudhës së huazimit te Tirana gjatë gjysmës së dytë të sezonit të kaluar, Halili rikthehet në skuadër më i përgatitur dhe me përvojë të vlefshme të fituar në Superligën e Shqipërisë.
Me fanellën e Tiranës, ai regjistroi paraqitje pozitive dhe u shndërrua në një nga lojtarët e rëndësishëm të ekipit në objektivat e tij gjatë kampionatit.

22-vjeçari tregoi pjekuri dhe siguri në repartin defensiv, duke konfirmuar potencialin e tij si një prej mbrojtësve më premtues të klubit. Vazhdimi i bashkëpunimit deri në vitin 2029 është dëshmi e besimit që FC Prishtina ka në cilësitë dhe zhvillimin e tij.

FC Prishtina i uron Diarit shumë suksese dhe sa më shumë paraqitje të mira me fanellën bardhekaltër.

Mario Ilievski dhe FC Prishtina do të vazhdojnë rrugëtimin së bashku deri ne 2029.

Sulmuesi më efikas i skuadrës sonë në edicionin e kaluar ka vazhduar bashkëpunimin me klubin, duke mbetur pjesë e bardhekaltërve edhe për tri vite të tjera.

24-vjeçari zhvilloi një sezon të shkëlqyer, duke realizuar 13 gola dhe 5 asistime në të gjitha garat. Me këtë kontribut, ai ishte golashënuesi më i mirë i ekipit dhe asistuesi i dytë më i suksesshëm i skuadrës gjatë edicionit që lamë pas.

Ilievski aktualisht po vazhdon rikuperimin pas lëndimit të pësuar në fund të sezonit të kaluar, ndërsa të gjithë në klub i dëshirojmë shërim te shpejtë dhe e presim rikthimin e tij në fushë, për të vazhduar aty ku e la dhe për të udhëhequr repartin ofensiv të FC Prishtinës me gola, asistime dhe paraqitje të rëndësishme.

Dren Zeqiri do të vazhdojë të jetë pjesë e FC Prishtinës deri në vitin 2029, pasi ka vazhduar bashkëpunimin me klubin edhe për tri sezone të tjera.✍️

Mesfushori 22-vjeçar shpërblehet pas një sezoni debutues shumë të suksesshëm me fanellën bardhekaltër, ku u shndërrua në një prej lojtarëve më të rëndësishëm të skuadrës.

Që në vitin e tij të parë te Prishtina, Zeqiri la gjurmë me paraqitjet e tij në mesin e fushës, duke spikatur me energjinë, angazhimin dhe cilësitë e tij në të dy fazat e lojës. Ai zhvilloi 28 ndeshje në të gjitha garat, duke kontribuar me 2 gola dhe 3 asistime.

Përveç kontributit të drejtpërdrejtë në sulm, Zeqiri ishte një ndër futbollistët me kilometrat më të shumtë të përshkuar në Superligën e Kosovës, duke dëshmuar rëndësinë dhe ndikimin e tij në lojën e ekipit gjatë gjithë sezonit.

Vazhdimi i bashkëpunimit me Drenin është një tjetër hap i rëndësishëm në ruajtjen e boshtit të skuadrës, ndërsa presim që ai të vazhdojë zhvillimin dhe paraqitjet e tij të mira me fanellën e FC Prishtinës edhe në sezonet e ardhshme.

FC Prishtina njofton se ka arritur marrëveshje me Kastriot Selmanin, i cili do t’i bashkohet skuadrës sonë për sezonin e ri.

26-vjeçari është afrimi i parë i FC Prishtinës për edicionin e ri dhe rikthehet në klubin ku hodhi hapat e parë të karrierës së tij si futbollist, duke kaluar nëpër të gjitha grupmoshat deri te ekipi i parë.

Selmani u prezantua nga drejtori i ri sportiv i klubit, Mentor Zhdrella, i cili zyrtarisht nisi detyrën e tij të re duke i uruar mirëseardhje futbollistit që rikthehet në shtëpinë e tij futbollistike.

Gjatë karrierës së tij në Kosovë, Selmani ka qenë pjesë e Dritës dhe Llapit, me të cilat ka fituar edhe trofe, ndërsa së fundmi ishte pjesë e kampionëve të Shqipërisë, Egnatia.

Me skuadrën shqiptare, ai regjistroi 42 paraqitje në të gjitha garat, duke luajtur në kampionat, Kupën e Shqipërisë, si dhe në ndeshjet kualifikuese të UEFA Champions League dhe UEFA Europa League, duke fituar përvojë të vlefshme edhe në arenën ndërkombëtare.

Pas prezantimit, Selmani dha deklaratën e tij të parë për faqen zyrtare të klubit:

"𝐑𝐢𝐤𝐭𝐡𝐢𝐦𝐢 𝐧𝐞̈ 𝐏𝐫𝐢𝐬𝐡𝐭𝐢𝐧𝐞̈ 𝐩𝐞̈𝐫 𝐦𝐮𝐚 𝐤𝐚 𝐧𝐣𝐞̈ 𝐝𝐨𝐦𝐞𝐭𝐡𝐞̈𝐧𝐢𝐞 𝐭𝐞̈ 𝐯𝐞𝐜̧𝐚𝐧𝐭𝐞̈, 𝐩𝐚𝐬𝐢 𝐤𝐭𝐡𝐞𝐡𝐞𝐦 𝐧𝐞̈ 𝐯𝐞𝐧𝐝𝐢𝐧 𝐤𝐮 𝐟𝐢𝐥𝐥𝐮𝐚𝐧 𝐞̈𝐧𝐝𝐫𝐫𝐚𝐭 𝐞 𝐦𝐢𝐚 𝐝𝐡𝐞 𝐤𝐮 𝐧𝐝𝐞̈𝐫𝐭𝐨𝐯𝐚 𝐛𝐚𝐳𝐚𝐭 𝐞 𝐫𝐫𝐮𝐠𝐞̈𝐭𝐢𝐦𝐢𝐭 𝐭𝐢𝐦 𝐬𝐩𝐨𝐫𝐭𝐢𝐯. 𝐍𝐝𝐢𝐡𝐞𝐦 𝐢 𝐩𝐫𝐢𝐯𝐢𝐥𝐞𝐠𝐣𝐮𝐚𝐫 𝐪𝐞̈ 𝐝𝐨 𝐭𝐞̈ 𝐤𝐞𝐦 𝐦𝐮𝐧𝐝𝐞̈𝐬𝐢𝐧𝐞̈ 𝐭𝐞̈ 𝐯𝐞𝐬𝐡 𝐩𝐞̈𝐫𝐬𝐞̈𝐫𝐢 𝐤𝐞̈𝐭𝐞̈ 𝐟𝐚𝐧𝐞𝐥𝐥𝐞̈ 𝐝𝐡𝐞 𝐭𝐞̈ 𝐤𝐨𝐧𝐭𝐫𝐢𝐛𝐮𝐨𝐣 𝐩𝐞̈𝐫 𝐚𝐫𝐫𝐢𝐭𝐣𝐞𝐧 𝐞 𝐨𝐛𝐣𝐞𝐤𝐭𝐢𝐯𝐚𝐯𝐞 𝐭𝐞̈ 𝐤𝐥𝐮𝐛𝐢𝐭.”

Sot shënohen 27 vjet nga Dita e Çlirimit të Prishtinës, dita kur forcat e Ushtrisë Çlirimtare të Kosovës hynë në kryeqytet, duke shënuar fillimin e një epoke të re lirie për qytetarët e Kosovës.

Në këtë përvjetor, kujtojmë me nderim dhe mirënjohje të gjithë dëshmorët, martirët dhe ata që sakrifikuan për lirinë e vendit tonë. Sakrifica e tyre mbetet themeli mbi të cilin është ndërtuar Kosova e lirë dhe e pavarur.

Lavdi e përjetshme të rënëve për liri dhe urime Dita e Çlirimit të Prishtinës!

Sot kujtojmë me nderim legjendën tonë, Fadil Vokrri.

Vitet kalojnë, por emri, vepra dhe trashëgimia e tij mbeten të pavdekshme në historinë e FC Prishtinës dhe futbollit të Kosovës.

Përherë bardhekaltër. Përherë legjendë. 🤍💙