FASK Kosova

Rregullore e veçantë për garën në disiplinën auto slalom, e cila mbahet më 13 shtator në Prizren

Të dielën, më 13 shtator, gara në disiplinën auto sllallom, e vlefshme edhe për FIA CEZ

Linku për aplikim:

KS Timing

"Molika 2026" - Canolli bindshëm më i shpejti, Dushi fitoi në konkurrencën e veturave

Bardhyl Canolli me Radicall SR8 ka pasur paraqitje fantastike në garën në disiplinën malore “Molika 2026”.

Anëtari i Eurogoma Racing Team, shtegun me gjatësi prej 3.9 kilometrave e kaloi për 01:52.480 dhe 01:48.947 minuta, koha e përgjithshme 03:41.427 minuta.

“Jam i kënaqur me rezultatin dhe fitoren, megjithëse mendoj se ka ende vend për përmirësime. Fitoren e sotme ia dedikoj nënës sime, e cila ndërroi jetë vetëm pak ditë më parë”, ka thënë Canolli i emocionuar pas garës.

Rrjedhimisht ai ishte më i miri në konkurrencën e njëvendësheve.

I emocionuar ishte edhe Përparim Dushi, i cili pas më shumë se tri vitesh u kthye në shtigjet e garave dhe atë në mënyrën më të mirë.
“Zhuqa” me Mitsubishi Evo 9 në cak arriti për 01:57.099 dhe 01:55.552 minuta (koha e përgjithshme 03:52.651).

Ky rezultat është rekord i ri i shtegut në konkurrencën e veturave.

“Pas një mungese bukur të gjatë, ishte ndjenjë e veçantë rikthimi në garë. Ky shteg është mjaft atraktiv, ndërsa edhe vetura punoi shumë mirë. Jam i kënaqur me rezultatin dhe fitoren edhe pse qëllimi im ishte ta shijoj ndjesinë e garës”, ka thënë anëtari i Prizreni D&G.

Në pozitën e dytë u rendit anëtari i Eurogoma Racing Team, Valon Rexhepi.

Ai me Opel Astra OPC pati kohë 01:57.674 dhe 01:57.605 minuta.
Në podium u gjend edhe Belkim Fazliu i Prizrenit D&G, i cili me Renault Megane RS në cak arriti për 01:58.415 dhe 01:58.199 minuta.

Në konkurrencën ekipore, në tri pozitat e para u renditën: Prizreni D&G, AK Ferizaj dhe Klubi Auto Kosova – Ferizaj.

Rezultatet komplete mund t’i shihni në linkun e mëposhtëm:
https://kstiming.com/

Tabelat aktuale (jozyrtare) e pikëve në disiplinën malore

Rregullore e veçantë për garën "Molika 2026", e cila mbahet më 5 e 6 shtator

Gara e pestë në disiplinën malore, “Molika 2026” po afron. Eurogoma Racing Team bashkë me Klubin Auto Kosova - Ferizaj janë në përgatitjet e fundit.

“Molika 2026”, sfida e parafundit në disiplinën malore

Pas një pushimi të shkurtër, garuesit tanë do të kthehen sërish në shtigjet e garave.

Në radhë është “Molika 2026”, gara e pestë (e parafundit) për kampionatin e sivjetmë në disiplinën e malore, disiplinë që mbyllet më 26-27 shtator në Cvilen.

Klube dhe garues të dëshmuar tashmë e kanë konfirmuar pjesëmarrjen në Molika, derisa aplikimi është ende i hapur.

Pikët nga kjo garë mund të jenë shumë të rëndësishme për renditjen përfundimtare, prandaj është e qartë se pjesëmarrësit nuk do të kalkulojnë.

Kaçandolli pa fat në këtë fundjavë

Gara e nëntë në kuadër të FIA European Hill Climb Championship, e cila këtë fundjavë u mbajt në Ilirska Bistrica, nuk ka shkuar mirë për garuesin tonë Valdet Kaçandolli.

“Pas shumë peripecish dhe një sezoni të jashtëzakonshëm, plot sfida dhe momente të vështira, gara e Ilirska Bistricës në Slloveni përfundoi për mua më herët nga sa dëshiroja. Një problem teknik në bolid më detyroi të tërhiqem dhe të mos e përfundoj garën. Ishte një garë shumë e rëndësishme për pikët e mia në klasifikimin e përgjithshëm të Kampionatit Evropian, ndaj sigurisht që është një zhgënjim i madh. Por, në motorsport duhet të dish të ngrihesh pas çdo vështirësie”, është shprehur Kaçandolli.

Gjithsesi, ai dëshiron të “harrojë” këtë fundjavë dhe të përqendrohet te gara e radhës (e fundit), në Buzet të Kroacisë.

“Do të japim maksimumin për ta përmbyllur sezonin në mënyrën më të mirë të mundshme. Faleminderit të gjithë atyre që më qëndruan pranë dhe më përkrahën gjatë gjithë këtij sezoni”, ka shtuar Kaçandolli.

Linku për aplikim për garën në disiplinën auto sllallom, e cila mbahet më 13 shtator në Prizren dhe është e vlefshme për Kampionatin e Kosovës dhe Kampionatin e FIA CEZ

KS Timing

Blin Shala, djaloshi ambicioz që synon podiumet e garave të mëdha

Blin Shala padyshim është njëri nga garuesit tanë të kartingut me të ardhme premtuese.

Përveç paraqitjeve të suksesshme në garat vendore, Blini është duke fituar edhe përvojë ndërkombëtare.

Sivjet, ai ishte pjesëmarrës në tri gara të njërit nga kampionatet në Itali, organizuar nga IRK PROMOTIN në bashkëpunim me TB Kart.

Fillimisht, në mars, ai ishte në Ottobiano Cirkuit në Milano, pastaj dy herë në Franciacorta të Bergamos, në prill dhe qershor.

Më 12 e 13 shtator, Blini do të jetë sërish në Itali, pasi ka marrë ftesë për të qenë pjesë e një ekipi italian për garën prestigjioze THE 24.

Në “Gare Enduranc” do të marrin pjesë mbi 50 ekipe me nga 6 garues dhe mbahet në Lenovo Otobiano Pista në Milano.

“Do të shkoj në Itali me synimin për rezultate sa më të mira. Auto sporti është pasioni im, ndërsa në të ardhmen shpresoj të jem pjesë e garave të mëdha. Me vullnetin dhe dashurinë ndaj këtij sporti dhe mbështetjen e madhe që e kam nga familja, jam optimist se do të kem shumë suksese. Në këtë mënyrë shpresoj që, veç vetes e familjes ta bëj krenare edhe Kosovën”, ka thënë Blin Shala për faqen zyrtare të FASK-ut.

Duhet theksuar se në garën që do të mbahet në Milano, Blini (12 vjeçar) do të jetë garuesi më i ri.