12/09/2026
Kron Hasani, i lindur më 14.10.2010, dashurinë për futbollin e nisi që në moshën 6-vjeçare, duke u angazhuar në ShF Arsenal. Ai luan në pozitën e qendërmbrojtësit, ku dallohet për vendosmërinë, përkushtimin dhe aftësitë e tij mbrojtëse.
Në sezonin 2025/26, Kroni u transferua te FC 2 Korriku, ku vazhdoi të zhvillojë dhe të avancojë më tej si futbollist. Falë punës dhe paraqitjeve të tij, nga sezoni 2026/27 ai është pjesë e FC Prishtina U17, duke garuar në Superligën e Kosovës.
Një tjetër arritje e rëndësishme në rrugëtimin e tij është ftesa gjashtë herë në grumbullimet e Kombëtares së Kosovës U17, dëshmi e potencialit dhe përkushtimit të tij në futboll.
Krahas angazhimit në klub, Kroni ka ndjekur vazhdimisht edhe trajnimet shtesë në AFF Qendrën Sportive Trajnuese, duke punuar në mënyrë të veçantë në shpejtësi, forcë, qëndrueshmëri dhe përgatitje fizike, si pjesë e zhvillimit të tij të gjithanshëm si futbollist.
Kronin e karakterizojnë mbi të gjitha puna, disiplina, përkushtimi dhe karakteri i fortë. Ai është një futbollist që beson te puna e palodhshme dhe përmirësimi i vazhdueshëm, me synimin për të bërë hapa të sigurt drejt një karriere të suksesshme në futboll.
