15/10/2026
🥋 Kampionati Botëror i Karatesë për Kadetë, Juniorë dhe U21 – Dita e parë e garave
Dita e parë e Kampionatit Botëror të Karatesë për Kadetë, Juniorë dhe U21, që po mbahet në Bielsko-Biała të Polonisë, nisi me paraqitjet e garuesve të Kosovës në grupmoshën U21, në konkurrencën e meshkujve dhe femrave, në disiplinat Kata dhe Kumite.
Përfaqësuesit e Kosovës u përballën me garues nga vende të ndryshme të botës, duke zhvilluar duele të forta në këtë ngjarje të rëndësishme ndërkombëtare.
🔹 Korab Gashi – U21, -84 kg
Korab Gashi pati një paraqitje shumë të mirë. Në luftën e parë, ai mposhti garuesin nga Afrika e Jugut, Godfrey Jjohan, me rezultat 8:0. Në luftën e dytë, triumfoi ndaj garuesit nga Lituania me rezultat 7:0. Në luftën e tretë, u ndal nga garuesi estonez Savel, i cili fitoi me rezultat 5:1.
🔹 Artiol Shaqiri – U21, -75 kg
Në luftën e parë, Artiol Shaqiri u përball me garuesin nga Luksemburgu, Jordan Sibille, ndaj të cilit pësoi humbje me rezultat 8:0.
🔹 Dren Gashi – U21, -67 kg
Në luftën e parë, Dren Gashi mposhti garuesin nga Kanadaja, Abdesalam, me rezultat 3:1. Në luftën e dytë, u përball me garuesin nga Hungaria, Toth Zsombor, ndaj të cilit pësoi humbje të ngushtë me rezultat 3:2.
🔹 Kemajl Kashtanjeva – U21, -60 kg
Në luftën e parë, Kemajl Kashtanjeva u ndesh me garuesin nga Uzbekistani, Sadullayev Suxrob, ndaj të cilit pësoi humbje me rezultat 4:0.
🔹 Anil Vokshi – U21, Kata Male
Anil Vokshi u përball në xhiron e parë me garuesin nga Turqia, Kaynar Furkan, ndaj të cilit pësoi humbje me rezultat 5:0. Më pas, në repesazh, u ndesh me garuesin nga Kanadaja, Noel Manic, ndaj të cilit pësoi humbje me rezultat 5:0.
Anil Vokshi u rendit i 9-ti në kategorinë e tij.
🔹 Diellza Mahalla – U21, +68 kg
Në xhiron e parë, Diellza Mahalla u përball me garuesen Kalmar Matea, ndaj së cilës pësoi humbje me rezultat 6:1.
🔹 Valeza Gashi – U21, -68 kg
Në xhiron e parë, Valeza Gashi u ndesh me garuesen nga Kazakistani, Sagynbek Laura, ndaj së cilës pësoi humbje të ngushtë me rezultat 3:2.
🔹 Suela Arifi – U21, -61 kg
Në xhiron e parë, Suela Arifi u përball me garuesen nga Kazakistani, Temirkhan Aidyn, ndaj së cilës pësoi humbje me rezultat 2:0.
🔹 Qendresa Ibrahimi – U21, -55 kg
Në përballjen e parë, Qendresa Ibrahimi u ndesh me garuesen nga Polonia, Lewandowska Katarzyna, ndaj së cilës pësoi humbje me rezultat 4:0.
🇽🇰 Kosova vazhdon garimin në Kampionatin Botëror në kategoritë Juniorë dhe Kadetë, me synimin për të përfaqësuar denjësisht vendin dhe për të fituar përvojë të vlefshme në arenën ndërkombëtare.
