Federata e Karatesë e Kosovës

NJOFTIM

Ju ftojmë të merrni pjesë në Turneun Ndërkombëtar “Xhevat Makolli”, i cili mbahet në përkujtim të jetës dhe veprës së çmuar të Sensei Xhevat Makollit, figurë e shquar e karatesë mbarëshqiptare.

📅 Data: 06.06.2026
📍 Vendi: Pallati i Rinisë dhe Sporteve – Prishtinë🕙 Ora e fillimit: 10:00
🎖️ Hapja solemne: 12:00

Ftojmë të gjitha klubet mbarëshqiptare të marrin pjesë dhe ta madhështojnë edhe më shumë figurën e Xhevat Makollit.

Mirë se vini!

Ministria e Sportit dhe Rinisë
Baruti Group DEKO Solution Loni Dekor
KosovaPress Sport KosovaPress
Kosovo Olympic Committee

Gëzuar Festën e Kurban Bajramit!

Me rastin e kësaj feste, ju përcjell urimet e mia më të sinqerta komunitetit të karatesë, sportistëve, trajnerëve, gjyqtarëve, prindërve dhe të gjithë qytetarëve të vendit tonë.

Uroj që kjo ditë të sjellë paqe, shëndet të plotë, lumturi dhe begati në çdo familje, si dhe të forcojë vlerat e respektit, disiplinës dhe bashkimit që na bashkojnë në sport dhe në jetë.

Me respekt,
Besart Baruti
Kryetari i Federatës së Karatesë së Kosovës

Female Team Kumite KOSOVA 🇽🇰🥋

Sot, vajzat tona debutuan në Kampionatin Evropian për Seniorë me fitore ndaj ekipit të Malit të Zi me rezultat 2:0, me rezultat te pergjithem te pikeve 12:0 💪

Me këtë fitore, ato siguruan kalimin mes 16 ekipeve më të mira nga 32 ekipe pjesëmarrëse. 👏

Vajzat tona do të zbresin sërish në arenë për përballjen e radhës me ekiporen e Greqisë!
Suksese vajzave tona!

Ministria e Sportit dhe Rinisë
Baruti Group DEKO Solution Loni Dekor
KosovaPress Sport
Kosovo Olympic Committee

Dita e parë e Kampionatit Evropian të Karatesë, që po mbahet në Frankfurt, solli paraqitjen e garuesëve nga Kosova disiplinat Kata dhe Kumite

Në ditën e pare u paraqitën garuesit: Blendi Salihu dhe Alma Loki në kata, si dhe nga Fortesa Orana (+68 kg), Benjamin Shabani (+84 kg), Vlera Qerimi (-68 kg), Jakup Ajdari (-84 kg), Elmedina Istogu (-61 kg) dhe Betim Maliqi (-75 kg) në kumite.

Alma Loki – Seniore Kata

Xhiron e parë e fitoi me rezultat 6:1 ndaj kundërshtares norvegjeze Maria Moen Manum, ndërsa në xhiron e dytë u ndal nga kundërshtarja belge Chiara Manca me rezultat 7:0.

Blendi Salihu – Senior Kata

Blendi në xhiron e parë u ndal nga kundërshtari turk Enes Özdemir me rezultat 7:0.
Ne repasazh u ndal poashtu nga Armeni Mikkhayil me rezultat 5:2

Elmedina Istogu – Seniore -61 kg

Elmedina Istogu në luftën e parë e mposhti Yana Konnova me rezultat 2:1, ndërsa në luftën e radhës u përball me lituanezen Gabriele Maroziate, nga e cila humbi me rezultat 8:2.

Vlera Qerimi – Seniore -68 kg

Luftën e parë e fitoi me rezultat 2:0 ndaj suedezes Viktoria Kraljevic, ndërsa në luftën e dytë u ndal nga spanjollja Isabel Nieto me rezultat 4:1.

Fortesa Orana – Kumite +68 kg

Përballjen e parë e pati me holandezen Ingrid Creemers, të cilën e mposhti me rezultat 3:1. Luftën e radhës e zhvilloi kundër italianes Dora Fleischer, të cilën gjithashtu e mposhti me rezultat 2:0. Ndërsa në çerekfinale u ndal nga grekja Kyriaki Kydonaki, duke pësuar humbje me rezultat 2:0.

Betim Maliqi – Senior -75 kg

Betim Maliqi në luftën e parë fitoi ndaj qipriotit Ioannis Kyriakou me rezultat 5:0, më pas u përball me sllovenin Jaka Gašpar, të cilin e mposhti me rezultat 6:3. Në përballjen e radhës ne çerekfinale humbi ndaj Ernest Sharafutdinov me hantei (me deklarim nga gjyqtarët).

Jakup Ajdari – Senior -84 kg

Jakup Ajdari në ndeshjen e parë e mposhti rumunin Vlad Rizea me rezultat 7:6, ndërsa në përballjen e dytë humbi ndaj gjermanit Janne Haubold me rezultat 8:7.

Benjamin Shabani – Senior +84 kg

Benjamin Shabani përballjen e parë e zhvilloi ndaj holandezit Isamm Najdi, nga i cili humbi me rezultat 1:0.

Elmedina Istogu – Seniore -61 kg

Elmedina Istogu në luftën e parë e mposhti Yana Konnova me rezultat 2:1, ndërsa në luftën e radhës u përball me lituanezen Gabriele
Maroziate, nga e cila humbi me rezultat 8:2.

Federata e Karatesë e Kosovës ju uron suksese garueseve tjer ne diten e dyte te kampionatit Evropian per Senior ne garat individuale dhe ekipore.

Ministria e Sportit dhe Rinisë
Baruti Group DEKO Solution Loni Dekor
KosovaPress Sport
Kosovo Olympic Committee

EKF CONGRESS 2026

Kryetari i Federatës së Karatesë së Kosovës, z. Besart Baruti, së bashku me Sekretarin e Përgjithshëm, z. Nazmi Gashi, kanë marrë pjesë në punimet e Kongresit të Federatës Evropiane të Karatesë (EKF), i cili u mbajt në Frankfurt të Gjermanisë, në prag të fillimit të Kampionatit Evropian për Seniorë.

Pjesëmarrja e delegacionit të Kosovës në këtë takim të rëndësishëm dëshmon angazhimin e vazhdueshëm të FKK-së në zhvillimin dhe forcimin e karatesë kosovare në arenën ndërkombëtare.

Ministria e Sportit dhe Rinisë
Baruti Group DEKO Solution Loni Dekor KosovaPress Sport

U mbajt turneu ndërkombëtar “Haki Ibërdemaj”, i organizuar nga Federata e Karatesë së Kosovës, ndërsa organizator teknik ishte Klubi i Karatesë “Ippon” nga Peja.

Turneun e nderuan me pjesëmarrje afro 300 garues, me mbi 300 paraqitje në dy disiplina (kata dhe kumite), nga 33 klube kosovare.
Gara u mbajt në Palestrën e Sporteve “Karagaç” në Pejë.

Fillimisht, të pranishmit, familjen Ibërdemaj, sportistët dhe gjyqtarët i përshëndeti sekretari i përgjithshëm i Federatës së Karatesë së Kosovës, Nazmi Gashi, i cili përshëndeti edhe kryetarin e Pejës, Gazmend Muhaxheri, duke theksuar se ai është gjithmonë përkrahës dhe mbështetës i aktiviteteve sportive.

“Të nderuar veteranë të karatesë që jeni këtu me ne, mirë se keni ardhur në turneun e përvitshëm të organizuar nga Federata e Karatesë së Kosovës në bashkëpunim me klubin ‘Ippon’ Pejë. Është kënaqësi e madhe që gjithmonë të jemi bashkë dhe ta kujtojmë një figurë të madhe siç ishte zoti Haki Ibërdemaj. Këtu është sport dhe le të fitojë më i miri”, përfundoi fjalimin sekretari i FKK-së, Gashi.

Ndërsa kryetari i Pejës, Gazmend Muhaxheri, përshëndeti të gjithë të pranishmit duke shtuar:
“Ju dëshiroj një garë të mirë sot në turneun ndërkombëtar ‘Haki Ibërdemaj’ dhe prej këtij momenti i shpall të hapura garat. Suksese të gjithëve që merrni pjesë!”

Me një fjalë përshëndetëse, në emër të familjes Ibërdemaj, të pranishmëve iu drejtua vëllai i Hakiut, Nazmi Ibërdemaj, gjyqtar i FKK-së.

“Sidoqoftë, nuk është e lehtë, por megjithatë është një krenari e veçantë, si për familjen tonë ashtu edhe për komunitetin e karatesë, duke pasur parasysh se Hakiu vërtet ka dhënë gjithçka për sportin e karatesë dhe ka qenë një veprimtar i devotshëm për çështjen kombëtare. Sot ju përshëndes të gjithëve, duke filluar nga më të vegjlit, trajnerët, gjyqtarët dhe të gjithë mysafirët që na kanë ardhur sot këtu, në krye me kryetarin e Komunës së Pejës, zotëri Gazmend Muhaxheri, të cilin e përshëndesim me një duartrokitje. Qofshi sa më shumë! Shpresoj që turneu të shkojë mirë si në të gjitha herët e tjera dhe të jetë një ditë e bukur për të gjithë sportistët. Le të fitojnë më të mirët dhe të vazhdojmë së bashku edhe në aktivitete të tjera të radhës. Ju faleminderit të gjithëve! Oss!”

Në fund, drejtuesit e FKK-së ndanë mirënjohje për familjen e ish-karateistit Haki Ibërdemaj, për kryetarin e Komunës, Gazmend Muhaxheri, si dhe për drejtoreshën për sport të kësaj komune, Xhenet Syka.

Për më të mirët u ndanë medalje dhe diploma.

Me respekt,
Komisioni për Informim i FKK-së