Federata e Hendbollit e Kosovës

14/10/2026

Samadrexha mposht Prishtinën në ndeshjen e mbetur

Samadrexha ka mposhtur Prishtinën në ndeshjen e mbetur të Superligës së Kosovës në hendboll në konkurrencë të femrave.
Të mërkurën mbrëma në palestrën "Afrim Bunjaku", Samadrexha fitoi me rezultat 44:25.
Arona Krasniqi dhe Yasmin Ferreira i realizuan nga 12 gola për kampionen aktuale.
Te Prishtina, Eduarta Kurteshi i realizoi 8 gola, derisa 5 i kishte Elda Hergaja.
Ndeshja i takoi xhiros së dytë kampionale. Samadrexha ka dy fitore. Prishtina pësoi humbjen e parë.

12/10/2026

fhk

12/10/2026

Genc e Getoar Bujupi në ndeshjen e Ligës Evropiane

Dy gjyqtarët kosovarë të hendbollit, Genc e Getoar Bujupi, kanë drejtuar ndeshje të rëndësishme evropiane në fundjavë.
Çifti i gjyqtarëve Bujupi drejtoi ndeshjen e raundit të dytë të Ligës Evropiane për hendbolliste mes skuadrës gjermane Metzingen dhe asaj nga Rumania, Ramnicu Valcea.
Fitore me rezultat 29:28 shënoi skuadra rumune.
Valcea e kishte fituar edhe ndeshjen e parë dhe avancoi tutje.
Genc e Getoar Bujupi tashmë janë rregullisht pjesë e skenës evropiane të hendbollit.

12/10/2026

11/10/2026

Fitore për Istogun e Prishtinën

Të dielën janë luajtur dy ndeshje të xhiros së tretë të Superligës së Kosovës në hendboll në konkurrencë të femrave.
Në kryeqytet, Prishtina fitoi 43:13 ndaj Ulpianës. Kaltrina Paci i realizoi 12 gola për Prishtinën, ndërsa Angelika Luberecka i kishte nëntë. Vlerona Buja ishte më efikasja tek Ulpiana me pesë gola.
Në Pejë, Istogu fitoi ndaj Besës vendase me rezultat 34:26.
Eya Nasr i realizoi 13 gola për Istogun. Shtatë i kishte Elsa Shala.
Edona Radoniqi me shtatë gola dhe Dorentina Qufaj me pesë, ishin më efikaset te Besa.
Istogu ka katër pikë nga dy ndeshje. Prishtina e Besa i kanë nga dy pikë, ndërsa Ulpiana po pret për pikën e parë.

11/10/2026

Përfundoi seminari për gjyqtarë e vëzhgues

Ka përfunduar Seminari qendror për gjyqtarët dhe vëzhgues-kontrolluesit e ndeshjeve të hendbollit kosovar.
Në seminarin të cilin e organizoi Shoqata e Gjyqtarëve të Hendbollit të Kosovës në bashkëpunim me Federatën e Hendbollit të Kosovës, ligjëroi eksperti i njohur kroat Boris Milosheviq. Ai është ekspert i EHF-së për çështje të referimit.
Janë shtjelluar tema të shumta që kanë të bëjnë me referimin dhe menaxhimin e ndeshjeve. Ndër të tjera janë diskutuar edhe trendët e fundit në hendbollin ndërkombëtar.
Gjatë fundjavës së ngarkuar për gjyqtarët, është bërë edhe testimi fizik i tyre.

11/10/2026

Momentet kryesore nga top-ndeshja mes Besa Famgasit e Kastriotit. Ndeshja ishte e hapur deri në aksionin e fundit. Fitorja ishte për pejanët

11/10/2026

Ferizaj mposhtet edhe në ndeshjen e dytë nga VIF-i

Hendbollistet e Ferizajt e luajtën të dielën ndeshjen e dytë me skuadrën nga Ishujt Faroe, VIF.
Në palestrën në Greme, Ferizaj pësoi me rezultat 28:17. Kështu, skuadra ferizajase ndalet në raundin e dytë të Kupës Evropiane për hendbolliste.
Pjesa e parë ishte e fortë dhe përfundoi 11:11. Por në pjesën e dytë mysafiret shfaqën dukshëm më tepër.
Edona Rogova i kishte nëntë pritje për Ferizajn. Më efikasja ishte Sevdanur Ozkan me gjashtë gola. Katër i kishte Elsa Kongjeli, kurse nga tri i realizuan Agnesa Hysa dhe Luna Gonçalves.
Ndeshja e parë mes këtyre dy skuadrave u zhvillua të premten.

11/10/2026

Besa Famgas e fiton top-ndeshjen në “Karagaçi”

Besa Famgas e Kastrioti kanë luajtur tjetër ndeshje interesante dhe me rivalitet.
Të dielën mbrëma në palestrën “Karagaçi” në Pejë, Besa Famgas fitoi ndaj Kastriotit të Ferizajt me rezultat 29:28.
Skuadra pejane herët në ndeshje krijoi epërsi bindëse. Pjesa e parë përfundoi 16:12.
Por ferizajasit nuk u dorëzuan dhe u afruan në 27:25 në minutën e 55-të. Më pas u afruan edhe në 28:27 në minutën e 57-të. Besa Famgas shënoi për 29:27 përmes Oliver Rabek në minutën e 59-të, ndërsa në minutën e fundit Kastrioti shënoi për 29:28 nëpërmjet Eray Karakoç. Por Besa e kishte aksionin e fundit dhe kështu fitorja i takoi kësaj skuadre.
Deniz Terziqi i shënoi tetë gola për Besa Famgas. Shtatë i kishte Yassine Henahen e nga katër Jon Muqolli e Oliver Rabek.
Vuk Lakiçeviq ishte më efikasi te Kastrioti me shtatë gola. Nga gjashtë i realizuan Karakoç e Festim Mustafa.
Ishte kjo ndeshja e fundit e xhiros së tretë të Superligës së Kosovës. Besa Famgas e shënoi fitoren e tretë dhe udhëheqë me gjashtë pikë. Kastrioti ka një fitore e një humbje.

11/10/2026

Sot në "Karagaçi" derbi i madh i Superligës mes Besa Famgasit e Kastriotit.
Ndeshja transmetohet në 21 Plus.