Botrivier Rugby Football Club - RVK

Botrivier Rugby Football Club - RVK The home of Botrivier Rugby. Together as a United Rugby Club we will ensure total success. 🏉🔥

🏆✨ BOTRIVIER RVK2026 JAAREINDFUNKSIE✨🏆Dit is weer daai van die jaar waar ons die seisoen se harde werk, toewyding, passi...
17/09/2026

🏆✨ BOTRIVIER RVK
2026 JAAREINDFUNKSIE✨🏆

Dit is weer daai van die jaar waar ons die seisoen se harde werk, toewyding, passie en prestasies saam vier. Kom geniet ’n besondere aand saam met Botrivier RVK terwyl ons ons spelers, ondersteuners en almal wat die afgelope rugbyseisoen ’n bydrae tot die klub gelewer het, vereer.

📅 14 November 2026
📍 Houw Hoek Hotel
🕕 18:00 vir 18:30
👔 Dragkode: Smart Casual
🎟️ Kaartjies: R250

Kaartjies is beskikbaar by die Funksiekomitee.

Adrian Hendricks – 0693269341
Shana Swartland – 0823748742
Carlin Williams – 0786848945

Maak jou reg vir ’n aand van erkenning, viering en goeie geselskap. 🥂🏆

Op 1 September het Botrivier, en in besonder Roossingelstraat, ’n geliefde en gerespekteerde lid van ons gemeenskap verl...
11/09/2026

Op 1 September het Botrivier, en in besonder Roossingelstraat, ’n geliefde en gerespekteerde lid van ons gemeenskap verloor.

Botrivier RVK betuig hiermee sy opregte en innige meegevoel aan ons bestuurslid, dr. Johannes Syms, en sy familie met die heengaan van sy geliefde skoonmoeder, sr. Anna Johannes.

Sr. Anna word Saterdagoggend vanuit haar familiewoning in Roossingelstraat na die VGK-Botrivier geneem, waar haar begrafnisdiens sal plaasvind, waarna sy by die Botrivier-begraafplaas ter ruste gelê sal word.

Haar heengaan laat ’n diepe leemte in die harte van haar familie, vriende en almal wat die voorreg gehad het om haar te ken. In hierdie tyd van verlies staan Botrivier RVK in besonder naby aan dr. Syms en sy familie.

Ons bid dat die Here hulle in hierdie moeilike tyd sal versterk, vertroos en met Sy vrede sal omvou.

Rus sag, sr. Anna. Mag jou nagedagtenis altyd in liefde voortleef.

Hiermee wil die bestuur, spelers, ondersteuners en die hele Botrivier RVK-familie ons innige en opregte medelye aan die ...
10/09/2026

Hiermee wil die bestuur, spelers, ondersteuners en die hele Botrivier RVK-familie ons innige en opregte medelye aan die familie, vriende en geliefdes van voormalige spanbestuurder Elliot Wilson betuig.

Mnr. Wilson was ’n lojale ondersteuner van Botrivier RVK en het oor die jare ’n besondere plek binne die klubgemeenskap beklee. Sy liefde en ondersteuning vir die klub was opreg, en hy was altyd bereid om sy deel te doen waar hy kon.

Hy het ook op ’n stadium as een van ons hardwerkende spanbestuurders gedien, waar hy met toewyding en ’n sterk sin vir verantwoordelikheid sy bydrae tot die klub gelewer het. Sy betrokkenheid het nie net praktiese ondersteuning aan die span gebied nie, maar was ook ’n weerspieëling van sy verbondenheid aan die klub en die mense van Botrivier.

In hierdie tyd van hartseer staan ons in gedagte en gebed saam met sy familie. Ons bid dat die Here aan elke familielid en geliefde die nodige krag, vrede en vertroosting sal skenk om deur hierdie moeilike dae te kom.

Mag sy nagedagtenis altyd gekoester word.
Hiermee die begrafinisreëlings vir komende Saterdag.

Botrivier RVK betoon ons meegevoel met die Voorsitter van Multisure Villagers Worcester RVK Rugby en Verwante Nuus met d...
06/09/2026

Botrivier RVK betoon ons meegevoel met die Voorsitter van Multisure Villagers Worcester RVK Rugby en Verwante Nuus met die heengaan van sy Voorsitter John Vergotini se geliefde moeder

Ons betuig ons hartlike gebede en meegevoel aan ons Vriende van Worcester Villagers en die familie gedurende hierdie tyd van verlies.

Mag julle in hierdie tyd van rou die spasie toelaat om te treur, maar ook die vertroosting vind dat daar 'n tyd van genesing sal kom. Ons bid dat God julle sal dra, tree vir tree, en dat julle Sy vrede tasbaar sal ervaar. Met opregte simpatie en liefde."

Foto is ons Voorsitter saam met Vise President van SA Rugby Mnr Davids en Voorsitter van Worcester Villagers Mnr John Vergotini.

Sterkte

🎉🏉 GELUKKIGE VERJAARSDAG, KEVIN ABRAHAMS “DIE SOUTMAN”! 🏉🎉Op Saterdag, 5 September, het ons klub se eie gelukbringer (ma...
06/09/2026

🎉🏉 GELUKKIGE VERJAARSDAG, KEVIN ABRAHAMS “DIE SOUTMAN”! 🏉🎉

Op Saterdag, 5 September, het ons klub se eie gelukbringer (mascot), Kevin Abrahams “Die Soutman”, sy verjaarsdag gevier! 🎂

Kevin is soveel meer as net ons klub se mascot. Hy is ’n geliefde deel van die Botrivier RVK-familie en iemand wie se liefde, lojaliteit en passie vir die klub deur die jare sigbaar is.

Ons is dankbaar vir jou onwrikbare liefde vir Botrivier RVK, maar ook vir die besondere bydrae wat jy gelewer het tot die vestiging en bevordering van ons klub se handelsmerk. Jou energie, ondersteuning en unieke persoonlikheid het gehelp om Botrivier RVK se naam en identiteit verder te versterk.

Mag hierdie nuwe lewensjaar vir jou gevul wees met goeie gesondheid, voorspoed, geluk en oorvloedige seëninge. Mag daar nog baie mooi herinneringe, rugbydae en sukses saam met Botrivier RVK voorlê.

Ons afrigters het vandag vir Rosco gaan besoek in Stellenbosch. Rosco reis binnekort oorsee waar hy gaan deelneem aan n ...
05/09/2026

Ons afrigters het vandag vir Rosco gaan besoek in Stellenbosch. Rosco reis binnekort oorsee waar hy gaan deelneem aan n internasional toernooi.

Saam met Coach Cintin, Bradley en Rosco, staan ook die Spanbestuurder van die Boland Kavaliers, Grant Jantjies, boorling van Botrivier.

Rosco se Oom, Cerwyn was ook teenwoordig.

MEDIA VERKLARING:BOTRIVIER RVK ONTTREK UITLIGAWEDSTRYD TEEN SAFCOL RVK04 September 2026Botrivier Rugbyklub (Botrivier RV...
04/09/2026

MEDIA VERKLARING:
BOTRIVIER RVK ONTTREK UIT
LIGAWEDSTRYD TEEN SAFCOL RVK

04 September 2026

Botrivier Rugbyklub (Botrivier RVK) wil hiermee die rugbygemeenskap, ondersteuners en ander belanghebbendes formeel in kennis stel van die bestuur se eenparige besluit om te onttrek aan die geskeduleerde ligawedstryd teen Safcol RVK op Saterdag, 5 September 2026 te Grabouw.

Die besluit volg ná ’n uitgerekte proses van kommunikasie en korrespondensie tussen Botrivier RVK en die Boland Rugbyunie rakende twee uitstaande aangeleenthede wat die klub as belangrik en dringend beskou.

Botrivier RVK het sedert die aanvanklike kommunikasie herhaaldelik aangedring dat die aangeleenthede spoedig en in ooreenstemming met die toepaslike bepalings van die Unie se Grondwet hanteer en afgehandel word. Ondanks die klub se pogings om die kwessies op ’n behoorlike wyse op te los, is daar volgens die klub steeds nie voldoende duidelikheid of ’n finale beslissing oor die aangeleenthede nie.

Die klub beklemtoon dat hierdie besluit nie ligtelik geneem is nie. Botrivier RVK is bewus van sy verantwoordelikheid teenoor sy spelers, afrigters, ondersteuners, die opponerende klub en die breër rugbygemeenskap.

Botrivier RVK bly verbind tot deelname aan die kompetisie en tot die bevordering van rugby binne die Boland.

Die klub se besluit om nie Saterdag se wedstryd te speel nie, moet binne hierdie konteks verstaan word en is ’n direkte gevolg van die klub se ernstige besorgdheid oor die hantering van die uitstaande aangeleenthede.

Die klub respekteer die prosesse van die Boland Rugbyunie en doen ’n beroep op alle betrokke partye om die aangeleenthede met die nodige dringendheid, deursigtigheid en billikheid te hanteer.

Botrivier RVK is steeds bereid om in gesprek te tree en ’n konstruktiewe oplossing te bereik. Die klub is ook bereid om die wedstryd teen Safcol RVK op ’n latere datum te speel, indien dit moontlik is, sodra daar voldoende uitsluitsel oor die uitstaande aangeleenthede is.

Ons hoop dat die uitstaande kwessies spoedig afgehandel sal word sodat die klub sy aandag weer volledig op rugby en sy verantwoordelikhede binne die kompetisie kan vestig.

Botrivier RVK sal verdere kommentaar lewer indien en wanneer dit nodig is.

EINDE

Uitgereik deur:
Wilfred Herman
Voorsitter
Botrivier RVK

Media-navrae:
Rasaad Adams
Kommunikasiebeampte
Botrivier RVK
072 878 0834

GELUKKIGE VERJAARSDAG AANONS VOORSITTER WILFRED HERMAN!🥳🥳💐💐🎈🎈Vandag vier ons U!'n Man met 'n goeie hart, vol goedheid, l...
04/09/2026

GELUKKIGE VERJAARSDAG AAN
ONS VOORSITTER WILFRED HERMAN!
🥳🥳💐💐🎈🎈

Vandag vier ons U!

'n Man met 'n goeie hart, vol goedheid, liefde en ware leierskap. Dankie vir alles wat U vir Botrivier RVK doen. Dankie dat U hierdie familie met liefde en respek bymekaar hou.

U is ons leier, ons inspirasie en ons krag. Botrivier RVK is geseënd om U as leier te hê.

Op U verjaarsdag wens ons vir U 'n lang lewe, goeie gesondheid, geluk en God se rykste seëninge toe. Mag U goedheid dubbeld na U toe terugkom.

Na aanleiding van ’n video wat tans op sosiale media versprei word en waarin beweer word dat ’n Hawston-ondersteuner toe...
30/08/2026

Na aanleiding van ’n video wat tans op sosiale media versprei word en waarin beweer word dat ’n Hawston-ondersteuner toegang tot die Botrivier-sportgronde geweier is, wil ons graag die feite soos volg stel:

Daar is vooraf duidelik gekommunikeer dat die hekke van die Botrivier-sportgronde eers om 12:00 vir die publiek sou open. Verskeie ooggetuies het onafhanklik bevestig dat die betrokke Hawston-ondersteuner omstreeks 11:30 by die hek opgedaag het.

Die videos wat tans op sosiale media sirkuleer, gee derhalwe ’n misleidende weergawe van die gebeure en skep ’n wanindruk oor die omstandighede waaronder toegang tot die sportgronde gereguleer is. Dit is verder kommerwekkend dat die inhoud die indruk skep dat Botrivier RVK doelbewus ’n Hawston-ondersteuner toegang geweier het.

Geen Hawston-toeskouer is op Saterdag, 29 Augustus, toegang tot die Botrivier-sportgronde geweier nie. Die voertuie wat ten tyde van die video reeds binne die terrein was, het aan bestuurslede en enkele rugbyspelers behoort wat vir wedstryd- en organisatoriese doeleindes op die terrein was.

Dit moet dus duidelik gestel word dat die publiek se toegang tot die sportgronde eers om 12:00 sou begin, soos vooraf gekommunikeer is.

Die verspreiding van ’n video sonder die nodige konteks kan tot onnodige misverstande lei en kan die reputasie van Botrivier RVK onregmatig benadeel. Ons doen daarom ’n beroep op betrokkenes om verantwoordelik met inligting op sosiale media om te gaan en te verseker dat die volledige konteks van gebeure weergegee word.

EINDE

Rasaad Adams
Botrivier RVK/RFC
Kommunikasiebeampte

Ons Laaste Amptelik Liga Wedstryd vir 2026 op Botrivier SportsgrondeVandag is die ons amptelik laaste Liga wedstryd op o...
29/08/2026

Ons Laaste Amptelik Liga Wedstryd vir 2026 op Botrivier Sportsgronde

Vandag is die ons amptelik laaste Liga wedstryd op ons veld vir die 2026 seisoen. Hierdie wedstryd is ook die laaste wedstryd te Botrivier waarin Benjamin Sauls sal speel, wat n speler en Legend van ons klub.

Aan Benjamin (Bennie) dankie vir jou waardevolle bydra tot ons klub en gemeenskap, weet dat ons almal dit waardeur. Geniet jou aftrede as spelers, maar geniet jou nuwe rol in Rugby.

Ons maak ook dan ook ons spanne bekend vir vandag, kom uit en ondersteun ons spanne.

Address

Elgin
7160

Website

Alerts

Be the first to know and let us send you an email when Botrivier Rugby Football Club - RVK posts news and promotions. Your email address will not be used for any other purpose, and you can unsubscribe at any time.

Shortcuts

Share

Category