Swellendam Rugby klub

23/09/2026

Swellendam Rugby Klub wil graag ons opregte dank en waardering uitspreek teenoor die Nasionale MEC vir die waardevolle oorhandiging van sporttoerusting aan ons klub.

Ons is opreg dankbaar vir hierdie bydrae en die ondersteuning wat daarmee aan ons spelers en die ontwikkeling van sport binne ons gemeenskap gebied word. Sulke ondersteuning maak ’n tasbare verskil en help ons om voort te bou op die fondasie van sportontwikkeling en geleenthede vir ons spelers.

Ons Klubvoorsitter, mnr. G. Jansen, het die sporttoerusting namens Swellendam Rugby Klub ontvang.

Baie dankie vir die ondersteuning en vertroue in Swellendam Rugby Klub. Ons waardeer dit opreg. 🙏💚💛

26/08/2026

Hierdie naweek trek ons die pad na Montagu vir ons laaste wedstryd van die 2026-seisoen! 🔥

Hierdie is meer as net nog ’n wedstryd… dit is die laaste keer wat ons spelers hierdie seisoen die groen en goud sal aantrek. 💚💛

Ons spelers het deur die hele seisoen hard gewerk, geveg en die Swellies naam met trots gedra. Nou is dit tyd om vir ’n laaste keer langs die veld te staan en hulle luidkeels te ondersteun!

En daar is nog baie op die spel… 👀🏉

Hierdie wedstryd kan bepaal of Swellies ons kosbare 3de plek op die liga-log behou! 💪🔥

Swellies-familie, kom ons maak Montagu groen en goud! 💚💛
Kom skree vir ons spelers. Kom wys hulle wat ons ondersteuning beteken.

Een laaste wedstryd. Een laaste stryd. Een laaste keer in GROEN EN GOUD! 🏉💚💛

21/08/2026

Hierdie is net 'n ander tipe trots🥹💚💛

Swellies se eie Wilfred “Palang” Slingers het sy plek in die Boland Onder-21 se 23-tal behaal! 💚💛 🔥👏

19/08/2026

💚💛 WAT ’N VOORREG VIR SWELLIES! 🏉🔥

Wat ’n ongelooflike voorreg was dit om gister vir mnr. Jake White, voormalige Springbok en Vodacom Bulls-afrigter, by Swellies te kon huisves. 🇿🇦🏉

Sy teenwoordigheid, kennis en ervaring was ’n groot inspirasie vir ons afrigters en spelers. Dit is ’n besonderse geleentheid wat ons met groot waardering sal onthou.

’n Spesiale baie dankie aan een van ons oudspelers, mnr. André Willemse, vir sy rol om hierdie besonderse geleentheid moontlik te maak. 🙏💚💛

Ons waardeer dit opreg en is trots dat mense met soveel rugbykennis en ervaring steeds ’n positiewe impak op ons klub en ons spelers kan hê.

’n Groot dankie ook aan Swellendam Superspar vir die borg van die heerlike versnappering. 🙏💚💛

Swellies — ons bou vandag aan môre se kampioene! 🏉🔥💚💛

18/08/2026

Saterdag 22 Augustus 2026 vat ons die pad na Touwsrivier om kragte te meet met Touwpark RFC. 🔥🏉

Dit sal ook ons 2de laaste wedstryd van die 2026-seisoen wees. Kom ons eindig sterk en dra die Swellies-gees saam met ons! 💪💚💛

Swellies, laat ons Touwsrivier toe gaan en ons klub met trots verteenwoordig! 🏉🔥💚💛

18/08/2026

16/08/2026

Vanoggend is ons harte vol dankbaarheid vir een van ons geliefde Swellies-mammas, Lydia Jansen (Antie Lydi). ❤️

Gister het sy uit haar hart én haar sak vir McGregor RFC se bestuurspan bederf met ’n heerlike bord gerookte pasta. 🍝😋

Antie Lydi, baie dankie vir jou liefde, en omgee. Jy wys weereens dat rugby nie net oor die veld gaan nie, maar ook oor vriendskap, respek en gemeenskap. 💚💛

Mag die Here jou ryklik seën vir jou mooi hart en die liefde wat jy so vrylik uitdeel. 🙏🏽

Swellies waardeer jou! 💚💛🏉

16/08/2026

Baie geluk aan Enro Human, Adion De Wee en Xolela Quluba wat hul spesiale oorhandigings ontvang het vanaf ondersteuner Fynie Pekeur💚💛

16/08/2026

Baie geluk aan die volgende Swellies-spelers wat gister aangewys is as Spelers van die Wedstryd teen McGregor RFC🔥👏

3de Span: Antonio Carolus
2de Span: Lehano Moses
1ste Span: Xolela Quluba

Baie geluk, manne! 👏💪 Julle harde werk, toewyding en uitstekende vertonings word raakgesien en waardeer.

Swellies is trots op julle! 💚💛🏉

16/08/2026

Hier is ons Swellies Spelers van die Wedstryd wat op 8 Augustus 2026 teen Ashton United aangewys is!

3de Span: Xavier Oerson
2de Span: Joshua Klaase
1ste Span: Danfred Sefoor
💚💛