Historia e skuadrës së futbollit “Partizani” e ka fillimin fill pas Çlirimit të vendit. Bazë për krijmin e saj ishin të rinjtë partizanë të divizioneve, të brigatave të ushtrisë nacionalçlirimtare. Në vitet e para shkolla “Skenderbej” dhe “Shkolla e Bashkuar e Oficerave” si dhe futbollistë të skuadrave të tjera do të ishin furnizuesit kryesor të saj. Në kampionatin e parë të kategorisë së parë të
pasluftës, në vitin 1945 do të merrnin pjesë dy divizione të ushtrisë njëra në qendër në Shkodër “Ylli” dhe tjetra me qendër në Korçë “Liria”. Këto dy skuadra ushtarake do të merrnin pjesë vetëm në kampionatin e parë, pasi në vitin 1946 dy skuadrat e mësipërme me futbollistët më të mirë krijuan bërthamën e ekipit kryesor të skuadrës ushtarake e cila mori emrin “Ushtria” . Më 13 janar 1946 ekipi zhvilloi takimin e parë miqësor ndaj kampiones së vendit të vitit 1945 “Vllaznia”. Në një shi të dendur dhe që u mbyll me rezultatin 0-0. Skuadra ushtarake dallohej nga inicialet e gërmave që ishin vendosur në gjoksin secilit futbollist. Formacioni i parë historik i saj në këtë takim ishte: Bonati, Luga, Tepelia, Demneri, Fagu, Rexhepi, L.Hoxha, Teliti, Kavaja, Bakalli, Bylyku. Ndërsa në 7 prill 1946 skuadra e cila kishte luajtur nën emrin “Ushtria” , në këtë takim kundër “17 Nentorit” të Tiranës, për herë të parë në bluzat e tyre ishte shkruajtur “Partizani”. Takimin e fitoi ekipi i “Partizanit” me rezultatin 2-0. Shënuesit ishin futbollistet: O.Pengili dhe Q.Teliti . Partizani 1963 - Hanoi (3)Formacioni që luajti për fanellat e kuqe: Çobani, Tepeli, Dibra, Fagu, Kavaja, Pengili, Hoxha, Sakiqi, Bylyku, Demneri. Në kampionatin kombëtar të kategorisë së parë të vitit 1946, skuadra ushtarake “Partizani” nuk ishte pjesëmarrëse. Por për të mos qëndruar pasive, skuadra ndërmorri një turne të gjatë në shumë qytete të Shqipërisë për konsolidimin e ekipit por dhe për të parë futbollistë cilësore të këtyre qyteteve. Zhvilloi 9 ndeshje miqësore, duke shënuar 26 gola e pësuar 9. Shënuesi më i mire ishte Qamil Teliti me 11 gola. Viti 1947, për herë të parë në historinë e saj merr pjese në kampionatin kombëtar të vendit dhe për herë të parë shpallet kampion kombëtar, titull që do ta mbronte dhe në kampionatet e viteve 1948 dhe1949. Partizani fitoi dhe 2 kupa Republike në vitet 1948 dhe 1949. Skuadrën e ka drejtuar traineri i shquar, Sllave Llambi që gjithashtu qe dhe futbollist i skuadrës. Historia e skuadrës së futbollit “Partizani” gjatë një periudhe 75 vjeçare ka qenë vazhdimisht në rritje në fitimin e 16 titujve kampion kombetar, të 15 kupave të Republikës e të shume takimeve ndërkombëtare, por për të theksuar është fitimi i 2 medaljeve të argjendit në Laipcig dhe Hanoi ndaj skuadrave më në zë të Europes Lindore. Skuadra e Partizanit me futbollistët cilësore ka përbërë bazën e skuadrës kombëtare. Në 75 vjet me skuadrën, kanë dhënë kontributin e shquar qindra futbolliste. Skuadra e Partizanit për shumë vite jo vetem ka fituar tituj kampion dhe kupa republike, por ajo i ka paraprirë futbollit shqiptar. Janë shumë mjeshtra të merituar dhe dhjetra mjeshtra sporti që kanë dalë nga rradhët e skuadrës së Partizanit. Shume nga ish futbollistet e Partizanit kane veshur fanellat e ekipeve të huaja si në Itali, Gjermani, Rumani, Greqi, Turqi, Zvicer etj. Përveçse ka qenë gjithmonë njëra nga skuadrat kryesore në Shqipëri, Partizani ka qenë dhe një nga skuadrat më të suksesshme edhe në arenën ndërkombëtare duke arritur disa rezultate historike dhe më kryesisht duke ngritur të vetmin trofe ndërkombetar në historinë e skuadrave shqiptare, Kupën e Ballkanit. Përsa i përket disa nga rezultateve të arritura mund të përmenden disa. Aktivitete Ndërkombëtare
Në Kupen e Kampioneve Partizani – Austria Viena 1-0 në 1981, Partizani – Celtic 1-0 në 1979 dhe Partizani – FC Koln 0-0 në 1964. Në Kupën Intertoto kualifikimi për në raundin e dytë në 2003 pas një fitore ndaj Maccabi Netanya 2-0 në Tiranë. Në Kupën e Kupave Partizani – Feyenoord 0-0 në 1991, Partizani – Malmo 0-0 në 1980, Partizani – Atvidabergs 2-0 në 1970 si dhe Partizani – Torino 1-0 në 1968. Por më kryesorja ka qene fitorja e Kupës Ballkanike në vitin 1970 ndaj Beroe Stara Zagora. Sukses është kualifikimi historik që skuadra arriti në turin e tretë të Champions League duke eliminuar në turin e dytë hungarezet e Ferencvaros në sezonin 2016 - 2017. Në atë sezon Partizani shkoi deri në fazën “play – off” të Europa League duke u eliminuar nga ekipi rus Krasnodar. Gjithashtu, përgjatë këtyre viteve Partizani është përballur në kompeticionet evropiane me mjaft skuadra të njohura si Stromgodset (Norvegji), Slovan Bratislava (Sllovaki), Salzburg (Austri), Botev Plovdiv (Bullgari), Maribor (Slloveni), Qarabag (Azerbajxhan), Sherif Tiraspol (Moldavi), Basel (Zvicër) etj. Nga viti 1999, Partizani do të drejtohej nga presidenti Albert Xhani. Në 14 vjet në krye te Partizanit, Xhani ka arritur të fitojë 1 Kupë të Shqipërisë dhe trofeun e Superkupës. Nën drejtimin e Albert Xhanit, u krijua Akademia Partizani, e parë e këtij lloji në Shqipëri. Ndërkohë nga sezoni 2013 klubi nis ringritjen, ku kontribut dha në fillim Lulzim Sallaku, bashkë me Gazment Demin, por nga viti 2013 e në vijim, Demi e ka mbajtur i vetëm presidencën e Partizanit dhe gjatë kësaj periudhe, skuadra jo vetëm është kthyer në elitë, por është shndërruar në lokomotivën e futbollit shqiptar. Në presidencën e Gazment Demit në sezonin 2018- 2019 Partizani arriti të fitojë për të 16 herë Titullin kampion, pas 26 vjetësh pritje si dhe Superkupën e Shqipërisë. Nuk janë vetëm rezultatet, stabiliteti i klubit në tërësi dhe rifuqizimi i akademisë, por nën presidencën e Gazment Demit, Partizani ka ngritur profilin e tij kombëtar e ndërkombëtar. Në rang kombëtar Klubi ka lidhjet e tij në të gjithë Shqipërinë dhe thith elementë cilësorë, me fokus të veçantë edhe në trojet shqiptare jashtë kufirit. Partizani është anëtar në disa shoqata ndërkombëtare dhe një zë përfaqësues nga klubet shqiptare, dhe fanella e kuqe është tani në “peshat e rënda” të futbollit në Shqipëri. Të gjitha këto tregojnë se puna e qëndrueshme, rritja e cilësisë dhe njëherësh politika drejtuese vizionare, kanë bërë që Partizani të rikthejë dinjitetin e vet si klub, diçka që shkon në përputhje edhe me mentalitetin e tifozerisë së tij, një tifozeri e madhe në numër dhe me shpirt fituesi.
02/06/2026
𝐄𝐊𝐈𝐏𝐈 𝐊𝐎𝐌𝐁𝐄̈𝐓𝐀𝐑 | 𝐔-𝟏𝟔 🇦🇱
Fabio Hyseni është pjesë e seleksionit kuqezi për dy testet miqësore që ekipi ynë kombëtar U-16 do të luaj ndaj 🇧🇬 Bullgarisë, në datat 5 dhe 8 qershor.
Në listën e publikuar sot, trajneri ekipit U-16 Armand Dama ka përfshirë edhe sulmuesin tonë të talentuar.
Klubi i uron Fabio Hysenit shumë suksese me fanelën kuqezi🔴⚫️
01/06/2026
𝐄𝐌𝐎𝐂𝐈𝐎𝐍𝐄 𝐊𝐔𝐐𝐄𝐙𝐈 🦅
🇦🇱 Shqipëri 🆚 Izrael 🇮🇱
🇦🇱 Shqipëri 🆚 Luksemburg 🇱🇺
⚽ Partizani prezent 🧤
🔴⚫️
01/06/2026
Së shpejti...
🔴 #❤️ 🏟🔴
30/05/2026
𝐄𝐊𝐈𝐏𝐈 𝐊𝐎𝐌𝐁𝐄̈𝐓𝐀𝐑 | 𝐔-𝟏𝟕 🇦🇱
Dion Vata, Elson Himallari, Robin Balla dhe Frensi Mali pjesë e kombëtares kuqezi. Katër përfaqësuesit e kuq janë grumbulluar nga trajneri i ekipit U-17 Armand Dama për dy ndeshjet zyrtare të Raundit të dytë kualifikues të Euro U 17 ndaj 🇱🇻 Letonisë dhe 🇺🇦 Ukrainës në datat 3 dhe 9 Qershor. Klubi i uron Dion Vatës, Elson Himallarit, Robin Ballës dhe Frensi Malit shumë suksese dhe përfaqësime sa më pozitive me fanelën kuqezi🔴⚫️
29/05/2026
💯 vite të lumtura dhe shumë suksese me fanelën e kuqe🔴
🎂🎈 #11
28/05/2026
Marçelino Preka ka kryer me sukses operacionin në Kroaci. Mbrojtësi ynë i është nënshtruar një ndërhyrjeje kirurgjikale në muskulin re**us femuris te kofshës se djathtë në Zagreb me profesor doktor Sasa Jankovic.
Pas disa ditësh lojtari do të nis edhe fazën e rekuperimit me një program të detajuar nga stafi mjekësor i ekipit.
💪
Pano Qirko do të jetë përfaqësuesi i kuq në seleksionin e radhës të ekipit tonë kombëtar. Portieri ynë është pjesë e listës të lojtarëve që janë grumbulluarve për dy takimet miqësore ndaj 🇮🇱 Izraelit dhe 🇱🇺 Luksemburgut në datat 3 dhe 6 qershor. Pas eksperiencave në përfaqësueset U-16, U-18 dhe U-19 për të parën herë gardiani Partizanit do të provojë edhe emocionet në kombëtaren A tashmë në drejtimin e trajnerit Rolando Maran.
Klubi i uron Pano Qirkos, shumë suksese me fanelën kuqezi🔴⚫️
27/05/2026
Gëzuar festën e Kurban Bajramit të gjithë besimtarëve myslimanë!
Shëndet, paqe, harmoni dhe begati paçi gjithmonë në familjet tuaja!
# 🕋
26/05/2026
𝐄𝐊𝐈𝐏𝐈 𝐊𝐎𝐌𝐁𝐄̈𝐓𝐀𝐑 | 𝐔-𝟐𝟏 ⚽🇦🇱
Rrok Toma është pjesë e seleksionit kuqezi për dy ndeshjet miqësore që ekipi ynë kombëtar U-21 do të luaj ndaj 🇸🇮 Sllovenisë dhe 🇮🇹 Italisë, në datat 5 & 8 qershor.
Në listën e publikuar sot, trajneri ekipit tonë kombëtar U-21 Alban Bushi, ka përfshirë sërisht sulmuesin tonë.
Klubi i uron Rrok Tomës shumë suksese me fanelën kuqezi🔴⚫️