Coach-Hassan zaki

اعظم انتصاراتك كأب 💫💪
انك تأسس اسره افرادها لايريدون الهروب منها ♥️
#آب #الاب

أنا حاسة إني شايلة الجوازة كلها لوحدي… الجملة دي بسمعها من الناس اللى لسه متجوزين أكتر ما تتخيل ”

المشكلة مش إنك تعبانة
ولا إن هو مقصر
المشكلة إن شكل الحياة اتغير…
بس الاتفاقات لسه زي زمان.

زمان كان واضح:
الراجل شغل
الست بيت

دلوقتي؟
الاتنين بيشتغلوا
الاتنين مرهقين
والولاد احتياجاتهم بقت أكتر
تمرين، دروس، كورسات، خروجات…
وفي الآخر حد بيحس إنه بيعمل كل حاجة لوحده.

وهنا بقى بيظهر:
ضغط نفسي
تراكم زعل
إحساس بعدم التقدير
ومشاكل زوجية تانيه

الحقيقة؟!
مفيش صح و غلط
ولا راجل مفروض يعمل إيه
ولا ست لازم تشيل إيه

في اتفاق واضح
وتقسيم أدوار يناسب ظروفكم وطموحاتكم
من غير ما طرف ينهك ويبقى شايل كل حاجه لوحده
#علاقات #علاقه #حب

واحده من أكتر الحاجات اللي بتبوّظ العلاقات…
إننا نفترض إن اللى قدمنا ده نسخة مننا.

“هو كان المفروض يحس…
كان المفروض يفهم لوحده…
كان المفروض يعمل زيّي لو مكانه!”

بس الحقيقة؟
هو مش انتِ…
ومتربّيش زيّك…
ولا شاف نفس اللي شفتيه.

المشكلة مش في قلة الحب،
المشكلة في الافتراض.

بدل ما تفترضي إنه فاهم،
اطلبي اللي محتاجاه بهدوء وصراحة:
“أنا تعبانة ومحتجالك جنبي… ينفع تاخد أجازة؟”
العلاقات بتتبنى على الوضوح والصراحه 🤍♥️
#علاقات #علاقه

علاقات كتير بتفشل بسبب الأهل
بس مش عشان هما بيدخلو
المشكله الحقيقه لما مبنعرفش
نحط حدود واضحه معاهم ،
والحدود مش معناها قطيعه ولا بعد عن الاهل ، كلنا بنحب اهلنا وربنا امرنا اننا نبرهم ونحسن إليهم ، بس بردو مهم عشان يبقى عندنا زواج أمن و مستقر اننا نحافظ على خصوصيه بيتنا ،
وأن الكلام اللى بين اى اتنين مجوزين تفضل حدوده بحدود بيتهم
#علاقات #علاقه #حب r

واحدة من أكتر الحاجات اللي بشوفها
بتولّع المشاكل في العلاقات 🔥
مش الخناقة نفسها…
هى غياب الثوابت وقت الخناقة.

يعني إيه؟
يعني حاجات كنتوا متفقين عليها…
تيجي أول خناقة تتشال من على الترابيزة!

مصروف؟
❌ مفيش أصلنا متخانقين
أكل؟
❌ مهو الزعل مخليني مش طايق أعمل حاجة

المشكلة إن الحاجات دي،
حتى لو باينة بسيطة…
وقت الخناقة بتبقى بنزين على نار فى العلاقة
#علاقات

أسباب فشل العلاقات (٦)
#علاقات #علاقه

أسباب فشل العلاقات (٥)
#علاقات #علاقه

الاسشارات والجلسات مجانيه شير فى الخير وابعته لحد شايف انها هتفيده 🤍

اسباب فشل العلاقات (٤)
السلوك التانى وهو الاحتقار ومن وجة نظر جون جاتمان
اشهر باحث علاقات ان ده اخطر سلوك فيهم
#علاقات