¿Cuál es el horario de apertura?

Lunes 10:00 - 21:00 Martes 10:00 - 21:00 Miércoles 10:00 - 21:00 Jueves 10:00 - 21:00 Viernes 10:00 - 21:00 Sábado 10:00 - 14:00

A Morada

Cómo llegar Página web

Patio de veciñas onde coidarmos coletivamente en Vigo
🔸️Obradoiros e eventos
🔸️Proxectos sociais
(2)

04/11/2026

📚 Sementae, novo club de lectura feminista e decolonial en Vigo!

Un espazo para ler, compartir e debater arredor de textos que nos permitan abrir novas miradas e xerar conversas colectivas.

O Club de Lectura Sementae reunirase cada tres meses na Morada, cun texto anunciado previamente e sesións dinamizadas por unha integrante da Sega —habitualmente María Reimóndez— ou por persoas convidadas.

É unha proposta aberta a todas as persoas que queiran participar.

PRIMEIRO ENCONTRO:

📅 19 de decembro
📖 Xa vemos palmeiras, de Ana Cabaleiro (Xerais, 2023).

Vinte persoas descoñecidas viaxan ao deserto de Merzouga, no Sáhara marroquí, para pasar alí a fin de ano. O que comeza como unha excursión organizada acabará converténdose nunha travesía singular, entre o turismo, a literatura e o mito. Unha novela que nos leva a cuestionar as nosas formas de mirar e percorrer o mundo.

📚 Podes atopar o libro na biblioteca da Morada, en préstamo, e tamén nas bibliotecas públicas.

📝 Inscricións abertas na ligazón da bio !

01/11/2026

🌿 MOURAS | Escoita e conversa

Que voces agochan as lendas das mouras? Como soa a procura de Mouri, a filla das Mouras?

O venres 6 de novembro, achegámonos a este universo mítico a través de Mouras, unha peza radiofónica de Anne Lepère creada a partir das lendas galegas e dos relatos de Karina Mouriño.

Unha paisaxe sonora na que as voces, a poesía e a música se entrelazan para abrirnos as portas a un mundo onírico. O galego, o inglés e o francés conviven nesta viaxe, onde as linguas tamén se escoitan como materia sonora.

Despois da escoita, abriremos un espazo para conversar arredor do mito das mouras.

📅 Venres 6 de novembro
🕢 Ás 19:30 h
🎟️ Taquilla inversa

Sobre a creación:
Mouras é unha produción de Anne Lepère, con voces de Karina Mouriño, Marion Sage e Anne Lepère, ademais das voces infantís de Emil Sebastião, Artai, Brais, Einar, Xurxo, Xián, Baia Rosalía e Seixo.

Duración: 28 min 36 s.

31/10/2026

Chega novembro á Morada! 🌰🍂

Deslizade para ver os proxectos, eventos e obradoiros do mes.

Tedes a porta aberta, queridas veciñas!

💜💜💜

.vg .atlantica .amencer.aspace .alzheimer

25/10/2026

Rosmar é resistir. É o lema que levamos por bandeira neste proxecto tan querido para nós que este inicio de curso estamos espallando por varias entidades da cidade e fóra dela. A necesidade do rosme en comunidade, de ter un espazo seguro onde mulleres con fortes cargas de coidados poideran ter un lugar onde mostrar a rabia, a dor, o cansancio, pero tamén onde rir e g***r con outras mulleres que pasan polo mesmo, de sentirse máis comprendidas e menos soas, foi unha das sementes da Morada. Por eso fainos tan felices que este proxecto despegue en tantas entidades e o rosme se vaia convertendo nunha forza tan potente que fai tremer os nosos corazóns.

Co paso das edicións, as rosmonas vanse convertendo en amigas. En Apamp vamos pola cuarta edición e a confianza é tan bonita que case veñen elas cos pinceis preparadas para a seguinte actividade artística que lle propoñamos para o seu momento do día.

En Amencer @‌asociacion.amencer.aspace empezamos a segunda edición e xa sentimos que o xeo rompeu totalmente e as ganas de voltar a velas fanse máis evidentes cando nos reencontramos. Aí están, dispostas a compartir todo, a súa dor e as súas solucións ao mesmo, xenerosas, dando voz a todas.

E en Afaga .alzheimer , da que algunha de nós participamos con familiares na asociación e resultábanos moi emocionante voltar alí, empezamos a primeira e xa xurdiu esa chispa do contar e botar e coincidir nun rosme colectivo. E estamos desexando comezar nos seus locais de Salceda e Tui neste próximo mes, como en Alento , na que fixemos unha primeira edición e non nos chega o día de empezar coa segunda ;)

Aquí vos deixamos unhas imaxes deste proxecto fermoso que tantas alegrías e tantas aprendizaxes nos deixa, que tanto nos enche o corazonciño, que tantas amigas novas nos trouxo. Con todas elas comprobamos o necesario que é este proxecto, porque, como diciamos ao principio e repite a canción: Rosmar é resistir!

22/10/2026

OBRADOIRO DE COSTURA PARA PRINCIPIANTES!

Gustaríache aprender a coser ou afondar nos teus coñecementos de costura?

Feli, , artista da reciclaxe téxtil e creadora de Supralab, , chega á Morada cunha proposta para aprender, experimentar e crear coas propias mans.

✨ Se nunca colliches unha agulla, poderás aprender desde cero e ao teu ritmo. E, se xa tes experiencia, tamén terás a oportunidade de afondar no mundo do patronaxe.

Un espazo para compartir coñecementos, explorar a creatividade e descubrir novas posibilidades para os téxtiles.

📅 4, 18 e 25 de novembro e 2 de decembro
🕚 De 11 a 13 h
💶 45 € polas 4 sesións, cos materiais incluídos.

⚠️ Prazas limitadas!

Inscricións : https://forms.gle/hLtVFsTijSGzoAZS7

19/10/2026

📚 PRESENTACIÓN DO LIBRO «DESOBEDIENSIA», DE NURIA VIL

A autora .nuria estará acompañada de Ánxela Lema .paris e Sara Villar para presentar Desobediensia, un poemario novidoso e irreverente que explora o erotismo no cotián e nas relacións humanas.

A través de imaxes fluídas e dunha linguaxe libre de convencionalismos, a obra foxe das marxes e dos límites establecidos para explorar novos territorios poéticos. Unha proposta contemporánea que combina lirismo, reflexión social e liberdade formal, incorporando recursos lingüísticos como o seseo e a gheada.

Unha invitación a cuestionar o establecido e saír das zonas de confort.

📅 Venres 30, ás 19:30
🎟️ Entrada de balde

15/10/2026

♻️ ESPIGADORAS | Feira de segunda man

Hai quen recolle o que outras persoas deixan atrás. Quen recupera obxectos esquecidos e descobre posibilidades onde outras só ven refugallos.

En Los espigadores y la espigadora, Agnès Varda -na fotografía- percorre Francia para coñecer a persoas que espigan por necesidade, por casualidade ou por unha maneira diferente de entender o mundo.

E se tamén nós aprendemos a mirar doutra maneira aquilo que xa non usamos? ✨

Propomos unha feira participativa para vender, intercambiar, mercar e dar unha segunda vida ás cousas que tes na casa e xa non utilizas.

En A Morada tamén poremos á venda prendas do noso roupeiro para recadar fondos para bolsas de obradoiros 💜

🥙 Haberá picoteo delicioso preparado pola nosa querida Lucía de @‌aguasdulcesunlugar

🎤 E unha mostra aberta ao público no marco do obradoiro RegueiFERAS e prodixios, de 12:00 a 13:00

📅 Sábado 24 de outubro
🕚 De 11:00 a 16:00 h
🎟️ Participación de balde

Esta será a primeira dunha serie de feiras que celebraremos un sábado ao mes. Un espazo para compartir, reutilizar e atoparnos arredor doutras formas de consumir.

📝 Queres participar? Anótate no formulario! https://forms.gle/HbCx5SZWu8sZfxbL6

13/10/2026

🗺️ Exposición | Cartografía do Invisible

Como se constrúen as identidades e quen decide que relatos merecen ser contados?

Laura Merchán, artista visual, explora a intersección entre identidade e imaxinario colectivo a través da fotografía, a costura, a instalación e a edición dixital. Un traballo que conecta arte e comunidade para dar espazo ás memorias esquecidas, ás disidencias e ás realidades invisibilizadas.

Unha exposición aberta a todos os públicos, con especial atención ás marxes, ás disidencias de xénero e a quen está farta de ser violentada.

📅 Do 16 de outubro ao 27 de novembro

🥂Inauguración o venres 16 de outubro ás 19:30
🎟️ De balde

07/10/2026

RegueiFERAS e prodixios 🎤✨

Chega a Morada un obradoiro de regueifa con mostra de man de Silvia Villar e Branca Trigo, no que traballaremos a improvisación oral a partir de figuras mitolóxicas desde unha perspectiva de xénero. Todo isto, enmarcado no ano de Begoña Caamaño e no mes do Samaín! 🎃

Elas son dúas regueifeiras e, sobre todo, amigas, que levan desde o 2017 colaborando en obradoiros e actuacións de regueifa.

📅 Venres 23 de outubro de 18h a 21h e sábado 24 de outubro de 11h a 13h
🎤 Mostra aberta ao público: sábado 24 de 12h a 13h
👥 Para calquera que se queira apuntar
💶 25 € (20 € para matrocinadoras)

Inscricións no formulario: https://forms.gle/ueid5zRMrZz98GV39

/

Dirección

Rúa Enrique Xabier Macías, 6
Vigo
36203

Horario de apertura

Lunes	10:00 - 21:00
Martes	10:00 - 21:00
Miércoles	10:00 - 21:00
Jueves	10:00 - 21:00
Viernes	10:00 - 21:00
Sábado	10:00 - 14:00

Página web

https://www.amoradacooperativa.com/

Notificaciones

Sea el primero en enterarse: le enviaremos un correo electrónico cuando A Morada publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.