Kraftlyftingafélag Akraness

Núna höfum við stjórn Kraftlyftingafélags Akraness tekið yfir rekstur og utanumhald Lyftingadeildar Akraness (fyrir ólympískar lyftingar).

Þau munu deila aðstöðunni með okkur í Íþróttahúsinu að Vesturgötu, sem styttist í að við fáum afhenta.

Viljum hvetja þá sem hafa verið virkir iðkendur í lyftingadeildinni að setja sig í samband við Kristínu Þórhalls., formann Kraftlyftingafélags Akraness 🏋️

Þó að við séum kannski sein með fréttirnar að þá vildum við halda því til haga hér á síðunni okkar að Kristín Þórhallsdóttir varð Evrópumeistari í klassískum kraftlyftingum 21. mars síðastliðinn. Mótið fór fram á Möltu.
Kristín keppti í -84 kg opnum flokki kvenna en setti samt sem áður heimsmet í hnébeygju og samanlögðu í master 1 flokki (40-49 ára) og Evrópumet í master 1 í réttstöðulyftu.
Þyngstu lyftur Kristínar voru:
Hnébeygja: 225 kg
Bekkpressa: 117,5 kg
Réttstöðulyfta: 225 kg
Samanlagt: 567,5 kg 🥇

Við óskum Kristínu til hamingju með Evrópumeistaratitilinn og öll metin 👏

Helgi Jón Sigurðsson keppti einnig á sama móti í -120 kg opnum flokki karla.
Hans þyngstu lyftur voru:
Hnébeygja: 305 kg
Bekkpressa: 192,5 kg
Réttstöðulyfta: 300 kg
Samanlagt: 797,5 kg

Kristín okkar Evrópumeistari 👏

Dýralæknirinn og kraftlyftingarkonan Kristín Þórhallsdóttir gerði sér lítið fyrir og varð Evrópumeistari í -84 kg flokki á Evrópumótinu í St. Julians á Möltu í dag.

Kristín Þórhallsdóttir okkar er kraftlyftingakona ársins 👏

Kraftlyftingafólk ársins 2025

Stjórn Kraftlyftingasambands Íslands hefur valið Kristínu Þórhallsdóttur og Guðfinn Snæ Magnússon kraftlyftingafólk ársins 2025.

Kristín keppir í -84 kg flokki og er í Kraftlyftingafélagi Akraness. Þetta er í þriðja skiptið sem Kristín hlýtur þennan titil. Á árinu náði Kristín 4. sæti í samanlögðum árangri á Evrópumeistaramótinu í klassískum kraftlyftingum eftir hörkubaráttu um bronsið. Á mótinu tók hún 3. sætið í hnébeygju. Kristín varð Íslandsmeistari í klassískum kraftlyftingum á árinu og var þar hæst á stigum yfir bæði kvenna- og karlaflokk.

Guðfinnur keppir í kraftlyftingum með búnaði í +120 kg og er félagi í kraftlyftingadeild Breiðabliks. Þetta er í annað sinn sem Guðfinnur hreppir þennan titil. Á árinu tók Guðfinnur þátt í bæði Evrópumeistaramótinu og Heimsmeistaramótinu. Á Evrópumeistaramótinu tók Guðfinnur silfrið í samanlögðu auk þess að fá silfur í hnébeygju og brons í bekkpressu. Á Heimsmeistaramótinu varð Guðfinnur í 7. sæti og tók þar nýtt glæsilegt Íslandsmet í hnébeygju.

Helstu afrek ársins hjá Kristínu:
Stigahæsta konan í klassískum kraftlyftingum árið 2025 með 107,86 IPF GL stig
Evrópumeistaramótið í klassískum kraftlyftingum
4.sæti í samanlögðu – 527,5 kg
Bronsverðlaun í hnébeygju – 202,5 kg
Íslandsmeistaramótið í klassískum kraftlyftingum
1.sæti í samanlögðu – 570,5 kg
Íslandsmet í bekkpressu (þrílyftumót) – 125,5 kg
Stigahæst yfir bæði kvenna -og karlaflokki – 107,86 IPF GL stig
Menningarbikarinn í bekkpressu
Í klassík: 1.sæti – 128 kg
Íslandsmet í bekkpressu – 128 kg

Helstu afrek ársins hjá Guðfinni:
Stigahæsti karlinn í kraftlyftingum með búnaði árið 2025 með 93,21 IPF GL stig
Heimsmeistaramótið í kraftlyftingum með búnaði
7. sæti í samanlögðu – 1075 kg
Íslandsmet í hnébeygju – 440 kg
Evrópumeistaramótið í kraftlyftingum með búnaði
2. sæti í samanlögðu – 1030 kg
Silfurverðlaun í hnébeygju – 420 kg
Bronsverðlaun í bekkpressu – 310 kg
Menningarbikarinn í bekkpressu
Með búnaði: 1.sæti – 320 kg / Í klassík: 1.sæti – 185 kg

Um síðustu helgi keppti okkar maður, Helgi Jón Sigurðsson, á EM ungmenna í klassískum kraftlyftingum en mótið fór fram í Druskininkai, Litháen.
Mótið var síðasta mót Helga í ungmennaflokki en þess má geta að hann á nú þegar bæði Íslandsmet og lágmörk fyrir árið 2026 á stærstu alþjóðlegu mótin í opnum flokki.
Það verður því spennandi að fylgjast með Helga takast á við þau landliðsverkefni á nýju ári.

Helgi átti ágætt mót á EM ungmenna. Hann keppti í -120 kg flokki karla og náði 5/9 gildum lyftum. Hann náði þannig ekki að skila öllu sínu þennan keppnisdag og á því feyki nóg inni.

Stærsta afrekið var Íslandsmet í réttstöðulyftu og samanlögðu en bæði Íslandsmetin eru hvoru tveggja met í ungmennaflokki og í opnum flokki.

Þyngstu lyftur Helga á mótinu voru:
Hnébeygja: 307,5 kg
Bekkpressa: 185 kg
Réttstöðulyfta: 320 kg 🇮🇸
Sananlagt: 812,5 kg 🇮🇸 og 94,8 IPF GL stig

Með árangrinum hafnaði hann í 9. sæti í flokknum.
Við óskum Helga til hamingju með árangurinn og glæsilegu Íslandsmetin 🇮🇸👏

Þann 23. nóvember s.l. hélt Kraftlyftingafélag Akraness Íslandsmeistaramót öldunga í klassískum kraftlyftingum. Mótið var haldið í Íþróttahúsinu að Vesturgötu. Skráning keppenda á mótið var góð og mótahald gekk afar vel. Viljum við nýta tækifærið og þakka þeim fyrir sem komu og hjálpuðu okkur með uppsetningu á mótinu, flutning á búnaði milli bygginga, stangarvörslu og frágang eftir mótið. Viljum einnig þakka Hreysti fyrir gjafir fyrir þrjá stigahæstu keppendurna í karla- og kvennaflokki 🤝

Jafnframt átti félagið einn keppanda á mótinu, hann Kára Rafn Karlsson. Kári keppti í +120 kg M1 flokki karla og varð annar í sínum flokki. Kári tvíbætti Íslandsmetið í hnébeygju í sínum flokki og náði einnig Íslandsmeti í réttstöðulyftu sem var þó slegið stuttu síðar í æsispennandi keppni.
Þyngstu lyftur Kára voru:
Hnébeygja: 242,5 kg
Bekkpressa: 140 kg
Réttstöðulyfta: 255,5 kg
Samanlagt: 638 kg sem gáfu 72,8 IPF GL stig. Með þeim árangri varð Kári þriðji stigahæsti keppandi mótsins í karlaflokki. Við óskum Kára til hamingju með árangurinn 👏

Byrjendamót í kraftlyftingum og dómarapróf fór fram síðast liðna helgi. Tveir keppendur tóku þátt á byrjendamótinu.

Hjörtur Elías Ágústsson, fæddur 2009, keppti í -83 kg flokki karla.
Hans bestu lyftur á mótinu voru:
Hnébeygja: 145 kg
Bekkpressa: 82,5 kg
Réttstöðulyfta: 160 kg
Samanlagt: 387,5 kg og 54,6 GL IPF stig
Það færði honum 2. sætið í þyngdarflokknum.

Kristbergur Jónsson keppti í +120 kg flokki karla. Kristbergur náði því miður ekki gildri lyftu í hnébeygju og fékk því engan samanlagðan árangur skráðan. Hans þyngsta lyfta í bekkpressu var 82,5 kg og í réttstöðulyftu 142,5 kg.

slandsmeistaramót í klassískum kraftlyftingum fór fram í íþróttahúsinu Digranesi s.l. laugardag og átti félagið þar tvo keppendur.

Kristín Þórhallsdóttir keppti í -84 kg opnum flokki kvenna. Kristín sigraði bæði flokkinn og var jafnframt stigahæsti keppandi mótsins og því Íslandsmeistari kvenna 2025.
Kristín náði 8/9 lyftum gildum og hennar þyngstu lyftur voru:
Hnébeygja: 215 kg
Bekkpressa: 125,5 kg Ísl. met í opnum flokki.
Réttstöðulyfta: 230 kg
Samanlagt: 570,5 kg sem gefa 107,9 GL IPF stig.
Með árangrinum er Kristín komin með lágmörk á bæði EM og HM 2026 sem verða hennar næstu landsliðsverkefni.

Margar af lyftum Kristínar voru einnig Íslandsmet í masterflokki 1.

Arnar Gaui Björnsson mætti til leiks í -83 kg flokki karla.
Því miður gekk það ekki hjá Arnari að fá gilda lyftu í hnébeygju og því fékk hann engan samanlagðan árangur skráðan.
Þyngsti bekkur hjá honum var 155 kg og þyngsta réttstöðulyftan 260 kg.

Helgi Jón Sigurðsson frá Kraftlyftingafélagi Akraness gerði góða ferð til Costa Rica á dögunum þar sem hann keppti á HM ungmenna í klassískum kraftlyftingum.
Helgi, sem er á sínu síðasta ári í ungmennaflokki, keppti þar í -120 kg flokki karla.
Hann náði þar að bæta samanlagðan árangur sinn um 15 kg og setti þar með Íslandsmet í opnum flokki og tryggði sér jafnframt HM lágmark í opnum flokki.

Bestu lyftur Helga á mótinu voru:
Hnébeygja: 307,5 kg (7,5 kg bæting)
Bekkpressa: 195 kg (10 kg bæting)
Réttstöðulyfta: 307,5 kg
Samanlagt: 810 kg - Ísl.met í -120 opnum flokki karla

Við erum ótrúlega stolt af Helga og óskum honum til hamingju með frábæran árangur á mótinu 👏