FH Handbolti

Narfi og Ómar í 8 liða úrslit á EM

Brynjar Narfi Arndal og Ómar Darri Sigurgeirsson eru ásamt félögum sínum í U18 ára landsliði Íslands komnir í 8 liða úrslit á Evrópumótinu í Serbíu. Íslenska liðið hefur unnið alla sína leiki til þessa en það mætir öflugu liði Þjóðverja á morgun kl. 15 á íslenskum tíma.

Meðfylgjandi eru nokkrar myndir frá keppninni.

Áfram Ísland 🇮🇸

🤝Sigurjón ráðinn þjálfari mfl. kvenna hjá FH
🤝Stefán ráðinn aðstoðarþjálfari

Sigurjón Friðbjörn Björnsson hefur verið ráðinn þjálfari meistaraflokks kvenna hjá FH. Sigurjón sem var aðstoðarþjálfari liðsins á síðasta tímabili tekur við af Árna Stefáni Guðjónssyni sem lætur af störfum vegna anna á öðrum vígstöðvum. Þetta verður fjórða aðalþjálfarastarf Sigurjóns en áður hefur hann þjálfað mfl. kvenna hjá Gróttu, ÍR og Fjölni. Þá þjálfaði Sigurjón U15 og U17 landslið kvenna í samtals fimm ár.

Stefán Harald Berg Petersen verður Sigurjóni til halds og trausts sem nýr aðstoðarþjálfari liðins. Stefán hefur mikla reynslu af þjálfun en síðustu ár hefur hann verð aðstoðarþjálfari mfl. kvenna hjá Fjölni. 

“Eftir að Árni Stefán óskaði eftir að láta af störfum var okkar fyrsti kostur að ráða Sigurjón Friðbjörn sem aðalþjálfara liðsins. Sigurjón hefur komið með mikinn kraft inn í félagið, bæði inn í yngri flokka starfið og sem aðstoðarþjálfari mfl. kvenna. Við bjóðum svo Stefán velkominn í FH-fjölskylduna og erum við FH-ingar sannfærðir um að þeir muni mynda nýtt öflugt þjálfarateymi” sagði Ágúst Bjarni Garðarsson formaður hkd. FH. “Um leið og við óskum nýju þjálfarateymi velfarnaðar þá þökkum við Árna Stefáni Guðjónssyni kærlega fyrir störf sín fyrir félagið undanfarin ár” sagði hann ennfremur.

Við erum FH 🖤🤍

Innilega til hamingju með sigurinn á Gothia Cup!

Vel gert 🤍🖤

Þessir snillingar í 4.fl.kk gerðu sér lítið fyrir og unnu Gothia Cup 🏆

Innilega til hamingju meistarar🙏

U18 ára landslið Íslands lék tvo æfingaleiki við Færeyjar um helgina þar sem Ómar Darri Sigurgeirsson og Brynjar Narfi Arndal voru fulltrúar okkar FH-inga. Íslensku strákarnir unnu báða leikina, þar sem Ómar Darri skoraði samtals tíu mörk og Brynjar Narfi sjö.

U20 í 13. sæti á EM

Landslið Íslands skipað leikmönnum tuttugu ára og yngri hafnaði í 13. sæti á Evrópumótinu sem haldið var í Rúmeníu eftir stórsigur á gestgjöfunum síðasta leiknum. Ágúst Guðmundsson, Antoine Óskar Pantano og Ingvar Dagur Gunnarsson voru fulltúar FH á mótinu og stóðu sig allir með mikilli prýði. Ágúst Guðmundsson var markahæsti leikmaður íslenska liðsins á mótinu með 45 mörk.

FH í Evrópukeppni frá 2017 - Upprifjun

Í ljósi þess að dregið var í riðla Evrópudeildarinnar í dag er um að gera að rifja upp til gamans leiki FH í Evrópukeppni síðustu ár. Frá því að FH mætti Dukla Prag haustið 2017 hefur FH spilað 32 Evrópuleiki og því verður félagið Í haust búið að spila 38 Evrópuleiki á aðeins níu árum.

Á þessum árum hefur liðið farið í Evrópukeppnisferðir til Tékklands, Rússlands (2x), Slóvakíu (2x), Króatíu, Portúgals, Belgíu (2x), Noregs, Hvíta-Rússlands, Grikklands, Serbíu, Frakklands, Svíþjóðar, Þýskalands og Tyrklands. Þess má geta að einn af núverandi leikmönnum FH, Jakob Martin Ásgeirsson, hefur leikið alla þessa 32 leiki.

🏆 2017/18 – EHF Cup

03.09.2017 – Dukla Prag– FH 27:30 ✅
09.09.2017 – FH – Dukla Prag 31:25 ✅ (FH áfram 61:52)

07.10.2017 – FH – St. Pétursborg HC 32:27 ✅
15.10.2017 – St. Pétursborg HC – FH 32:27 ❌
12.11.2017 – Vítakeppni: FH vinnur 4:3 ✅ (FH áfram)

25.11.2017 – Tatran Prešov – FH 24:21 ❌
02.12.2017 – FH – Tatran Prešov 26:23 ✅ (féll úr leik á útivallarmörkum)

🏆 2018/19 – EHF Cup

01.09.2018 – RK Dubrava – FH 29:33 ✅
08.09.2018 – FH – RK Dubrava 30:32 ❌ (FH áfram 63:61)

13.10.2018 – Benfica – FH 37:32 ❌
14.10.2018 – FH – Benfica 31:34 ❌ (úr leik 63:71)

🏆 2019/20 – EHF Cup

01.09.2019 – Visé BM – FH 27:27 ➖
08.09.2019 – FH – Visé BM 29:21 ✅ (FH áfram 56:48)

06.10.2019 – FH – Arendal 25:30 ❌
12.10.2019 – Arendal – FH 28:27 ❌ (úr leik 52:58)

🏆 2021/22 – EHF European Cup

16.10.2021 – FH – SKA Minsk 29:37 ❌
23.10.2021 – SKA Minsk – FH 25:26 ✅ (úr leik 55:62)

🏆 2023/24 – EHF European Cup

16.09.2023 – Diomidis Argous – FH 32:32 ➖
17.09.2023 – FH – Diomidis Argous 26:18 ✅ (FH áfram 58:50)

14.10.2023 – FH – Partizan 34:34 ➖
21.10.2023 – Partizan – FH 23:30 ✅ (FH áfram 64:57)

25.11.2023 – FH – Bocholt 35:26 ✅
02.12.2023 – Bocholt – FH 36:33 ❌ (FH áfram 68:62)

16.02.2024 – FH – Tatran Prešov 35:30 ✅
17.02.2024 – Tatran Prešov – FH 31:23 ❌ (úr leik 58:61)

🏆 2024/25 – EHF European League

08.10.2024 – Toulouse – FH 37:30 ❌
15.10.2024 – FH – Gummersbach 21:40 ❌
22.10.2024 – FH – Sävehof 34:30 ✅
29.10.2024 – Sävehof – FH 30:26 ❌
19.11.2024 – Gummersbach – FH 32:24 ❌
26.11.2024 – FH – Toulouse 25:29 ❌

🏆 2025/26 – EHF European Cup

18.10.2025 – FH – Nilüfer Bursa 23:31 ❌
19.10.2025 – Nilüfer Bursa – FH 29:34 ✅ (úr leik 57:60)

Heildaryfirlit
🏐 32 leikir + 1 vítakeppni
✅ 13 sigrar (14 með vítakeppni)
➖ 3 jafntefli
❌ 16 töp

Í morgun var dregið í riðlakeppni Evrópudeildar EHF og fengu við FH-ingar eftirfarandi andstæðinga:

🇪🇸 Irudek Bidasoa Irun frá Spáni
Bidasoa er eitt sögufrægasta lið Spánar og er eitt þriggja spænskra liða sem hafa unnið Meistaradeild Evrópu. Liðið hafnaði í 4. sæti spænsku deildarinnar í vor, aðeins einu stigi frá 2. sæti.

Alfreð Gíslason, Patrekur Jóhannesson, Júlíus Jónasson og Heiðmar Felixson léku með Bidasoa á sínum tíma.

🇫🇷 Limoges Handball frá Frakklandi
Limoges var stofnað 2005. Undanfarin ár hefur uppbygging félagsins verið gríðarlega öflug og hröð en það komst fyrst í efstu deild árið 2020. Liðið hafnaði í 4. sæti frönsku deildarinnar á síðasta tímabili. Liðið komst í 8 liða úrslit Evrópudeildarinnar 2025.

Spænska goðsögnin Alberto Entrerríos er þjálfari liðsins.

🇵🇹 Marítimo da Madeira frá Portúgal
Marítimo hafnaði í 5. sæti í portúgölsku deildinni en uppgangur handboltans í Portúgal hefur verið mikill síðustu ár. Marítimo tekur nú þátt í riðlakeppninni í fyrsta sinn en sl. tvö ár tók liðið þátt í forkeppni Evrópudeildarinnar en tapaði í bæði skiptin.

Leikmannahópur Marítimo hefur undanfarin ár verið byggður upp af ungum og efnilegum heimamönnum í bland við sterka erlenda leikmenn.

Nánari upplýsingar um félögin og leikmenn þeirra munu birtast á samfélagsmiðlum FH handbolta.

Við FH-ingar eigum þrjá fulltrúa á Evrópumóti 20 ára og yngri sem fram fer í Rúmeníu þessa dagana. Það eru þeir Ágúst Guðmundsson, Antoine Óskar Pantano og Ingvar Dagur Gunnarsson. Þriðji og síðasti leikur riðlakeppninnar er í dag þegar Ísland mætir Lettum kl. 09:00 á íslenskum tíma. Liðið er sem stendur með tvö stig eftir sigur á Austurríki og tap gegn Spánverjum.

Áfram FH og áfram Ísland 🤍🖤🇮🇸

Við viljum vekja athygli á sýningu um Handboltabæinn Hafnarfjörð sem stendur yfir til 31. ágúst í forsal Pakkhússins Byggðasafni Hafnarfjarðar.

Þar er saga handknattleiksins í Hafnarfirði rakin allt frá því að fyrsti leikurinn fór fram árið 1925 og fram til dagsins í dag.

FH-ingar í Póllandi

Dagný Þorgilsdóttir og Guðrún Ólafía Marinósdóttir hafa verið í Póllandi síðustu daga með U18 ára liði Íslands en þar spilaði liðið tvo æfingaleiki við heimamenn. Fyrri leiknum lauk með sigri Íslands, 38-32, en Pólverjar sigruðu þann síðari 26-24. Dagný skoraði tvö mörk í fyrri leiknum og eitt í þeim síðari. Eva Aðalsteinsdóttir var einnig með í för, þó ekki sem leikmaður heldur sjúkraþjálfari liðsins.

Við erum FH 🖤🤍