Golfklúbburinn Flúðir

Hið árlega Toppmót fór fram á Selsvelli í blíðskaparveðri á laugardeginum um verslunarmannahelgina. Færri komust að en vildu og voru þátttakendur 216 alls. Fyrsta holl var ræst út 06:50 og þeir síðustu komu í hús um 21:00.

Við óskum öllum þeim til hamingju sem hlutu verðlaun og þökkum ykkur öllum fyrir þátttökuna og samveruna þennan dag.

Verðlaunanna má vitja í Kaffi-Sel næstu daga.

Ef einhverjar spurningar koma upp þá sendið póst á [email protected] eða hafið samband við Einar Lárus rekstrarstjóra í síma 8536454.

Selsvöllur.
Völlurinn okkar allra er nú að ná að verða eins góður og hann verður á hverju sumri um þetta leiti.
Það er mikilvægt að ganga um eins og við viljum koma að honum, hvort sem á við um teiga, flatir, brautir eða glompur.
-> laga torfusnepla.
-> laga boltaför.
-> raka glompur.
Einföld leið til að gera Golf upplifun fyrir alla betri.
—>>Jú og ef leikmenn eru fúlir með eigin getu í púttum, ekki skeyta skapi þínu á flötunum. Best að halda því fyrir sjálfan sig svo þeir sem á eftir koma verði ekki fúlir líka 😉
Góðar stundir. Vallarstjóri og hans fólk.

Fimmtudagsmót félagsmanna, kvennagolfið í dag sunnudag og nokkrir gestir m.a. forseti GSÍ, formaður golfklúbbsins Odds og framkvæmdastjóri Nesklúbbsins.

Nú eru komnir tveir nýir (notaðir) golfbílar í útleigu hjá okkur, og þeir þá orðnir 8 stk. Um leið er skerpt á reglum um notkun þeirra. Viltu fá svona miða í þinn prívat golfbíl, þá er bara að hóa í vallarstjórann og fá miða.
Akið með alúð og hugsið um völlinn okkar þegar ferðast er á golfbílum. kveðja Vallarstjóri.

Í tilefni nýrra fánalaga er nú kominn íslenskur fáni á 18. flöt. Hann má vera þar dag og nótt frá 15 maí til 15 ágúst.
Ef golfarar vilja taka upp stöngina og leggja frá sér við pútt, þá er sérstakur haldari við hlið flatar til að leggja hana frá sér, því auðvitað má fáninn ekki snerta jörð.
Njótið þess að spila golf á Selsvelli.

Golfnámskeið Derricks og Hallsteins. Laugardaginn 18 júlí.
Færri komust að en vildu síðast, en nú eru örfá pláss laus.
Kennt er 10-12 og 13-15 næstkomandi laugardag. Verð 12500kr
Fyrstir koma fyrstir fá, bókun með að senda tölvupóst til [email protected]
Hallsteinn verður með byrjendur og Derrick með lengra komna. Takið fram nafn, símanúmer, forgjöf og í hvorn hópinn þið óskið að vera með.
Kveðja skipuleggjendur: Danni og Gunn

Vinsamlegast farið mjög varlega um völlinn þið sem eruð á golfbílum, alls ekki keyra þar sem dökk slóð er og dreyfa umferð um völlinn eins og kostur er svo komist verði hjá banni golfbíla vegna bleytu. Veðurspáin er flott framundan, svo vonandi sleppum við vel út úr rigningartíð liðinnar viku. kv. Vallarstjóri.
ps. mynd fengin að láni af alnetinu.

KLÚBBMEISTARAR GF 2026

KLÚBBMEISTARI KVENNA; Magdalena Þórisdóttir 201

KLÚBBMEISTARI KARLA; Albert Einarsson 173