FC Brouch

Am Numm vum FC Brouch wëlle mir och iech, eise fantastesche Fans, vun Häerze Merci soen! 🙏🔥

Mat ärem onermiddlechen Asaz op all Matcher hutt dir eis Ekipp ëmmer nees ugefeiert a gedroen. Speziell um Barragematch hutt dir eng Stëmmung gemaach, déi an der BGL Ligue spillt! 🏟⚽

Esou eng Stëmmung gëtt et net iwwerall, an den FC Brouch seet all eenzele vun iech, deen do war an alles ginn huet, egal op Freideg oder Sonndeg, Merci.

Dir hutt gewisen, wat et bedeit, Deel vum FC Brouch ze sinn! Mir freeën eis, iech déi nächst Saison nees op den Terrain ze gesinn!

ALLEZ FC BROUCH! ❤️🖤

Am Numm vum FC Brouch wëlle mir iech, eise Spiller, vun Häerze Merci soen fir dës Saison! 🙏⚽

Dir hutt op all Training an op all Match alles ginn, a genee dat ass dat, wat de FC Brouch ausmeet. Och wann dës Saison net just vu positive Momenter geprägt war, hutt dir oft gewisen, dass dir och duerch schwéier Phase kënnt goen. 💪

Den Héichpunkt vun eiser Saison, de Barragematch, wäert bei eis allen am Gedächtnis bleiwen – net nëmmen well et e grousse Match war, mä well dir alles ginn hutt fir de Veräin a fir eis Fans. Den Opstig hu mir zwar knapp verpasst, mä dëst Joer huet gewisen, wat an dëser Ekipp stécht, a mir sinn immens houfreg op iech!

Kapp héich, – déi nächst Saison kënnt!

ALLEZ FC BROUCH! ❤️🖤

Am Numm vum FC Brouch wëlle mir iech vun Häerze Merci soen, léiwe Lionel a léiwe Paulo! 🙏⚽

Är zwee Joer bei eisem Veräin ware geprägt vun Asaz, Leidenschaft a Zesummenhalt. Den Héichpunkt vun eiser gemeinsamer Zäit war ouni Zweifel de Barragematch, och wann den Opstig um Enn leider net sollte sinn. Mä dëse Moment wäert ville nach laang an Erënnerung bleiwen!

D’Aarbecht, déi dir mat der éischter an der zweeter Ekipp geleescht hutt, war net ëmmer einfach, an trotzdem huet keen de Kapp an de Sand gestach.

Mir wënschen iech alles Guddes fir är Zukunft, wou ären Wee iech och ëmmer hiféiert!

ALLEZ FC BROUCH! ❤️🖤

⚫🔴Matchday🔴⚫

🆚 FC Racing Heischent Eschduerf
🕒 15:00
🏟 Stade an den Burwiesen Mertzig

⚫🔴Allez FC Brouch!🔴⚫

Muer heescht et leschten Effort fir dëser Saison den Opstig op ze setzen. Mir zielen op all Bricher dass mer eis Ekipp sou gutt et nëmme geet bei dësem Match ënnerstëtze wäerten!💪🥁

🚌 De Bus fiert um 13:30 zu Brouch bei der Koll fort.
🚗🅿 Parking beim Terrain souwéi an der Rue Dellen

Eng leschte Kéier, all zesummen, fir Brouch!!!⚔

⚫🔴Allez FC Brouch!🔴⚫

Oppasse - Rektifikatioun

de Bus fihrt éischter fort, fir dass mir eis Equipe och nach beim Waarm maachen unheizen.
Départ um 13:30 zu Brouch bei der Koll

An nach ee wichtege Match steet dese Weekend virun der Diir! All Ennerstetzung ass Wellkomm!

Den FC Brouch huet e Bus organiseiert. Dir wellt gären relax mat op Mertzig furen, da reserveiert elo är Platz am Bus.