MKD Olympic Team

Официјално се отворени апликациите за волонтерската програма за претстојните Медитерански игри кои ќе се одржат во Таранто во 2026 година. Ова е извонредна можност за сите ентузијасти, љубители на спортот и младинци од Македонија да бидат дел од еден голем меѓународен настан и да стекнат непроценливо меѓународно искуство.

Организаторите најавија дека за потребите на Игрите ќе бидат ангажирани дури 3.500 волонтери. Тие ќе бидат вистински амбасадори на игрите и на медитеранската топлина, а како што порачуваат од организацискиот комитет – волонтерите се „срцето и душата“ на секој спортски настан. Оние кои ќе бидат избрани нема само да сведочат на историјата, туку директно ќе помогнат таа да се создаде.

Ги повикуваме сите заинтересирани од Македонија да ја искористат оваа шанса! Ова е идеална прилика за патување, учење нови вештини, тимска работа и стекнување пријателства со луѓе од целиот Медитеран. Волонтерската мрежа за Таранто 2026 е веќе активна преку разни локални настани и партнерства со универзитети, а сега е вистинскиот момент да станете дел од ова големо семејство.

Аплицирањето е брзо и едноставно. Сите кандидати можат да ја изберат својата област на интерес и да ја пополнат формата за пред-регистрација на следниот линк: https://ta2026-gms.microplustimingservices.com/volunteer-preregister.html?token=e3e3f635-78b2-4188-b225-5fde237afc0e

Делегацијата на МОК успешно го заврши престижниот спортски семинар во Пекинг! 🇨🇳🇲🇰

Со задоволство споделуваме дека делегацијата на Македонскиот олимписки комитет, предводена од нашиот генерален секретар Ѓорги Тасев и Бранислав Стојановски, стручен соработник на МОК, партнер и член на Комисијата за наука и спорт, успешно ја заокружи работната посета на Пекинг, НР Кина.

Во рамките на семинарот „Организација на големи спортски настани за земјите во развој“, организиран од Министерството за трговија на НР Кина, имавме исклучителна можност да учиме од врвни експерти кои беа директно вклучени во организацијата на Олимписките игри во Пекинг.

Што значи ова за македонскиот спорт?
✅ Увид во светските стандарди за планирање и управување со врвна спортска инфраструктура.
✅ Размена на непроценливи искуства за организација на големи мулти-спортски настани.
✅ Интензивно вмрежување со спортски работници од целиот свет и отворање можности за идни соработки.

Ова искуство е клучна инвестиција во нашиот кадар и во развојот на спортските капацитети во Македонија. Голема благодарност до Амбасадата на НР Кина во Македонија / Embassy of the People's Republic of China in North Macedonia за целосната поддршка при реализацијата на оваа посета.

МОК останува посветен на имплементацијата на иновациите и највисоките светски стандарди во нашиот спорт! 🚀

#МОК #ОлимпискиКомитет #Пекинг #СпортскаДипломатија #Македонија #РазвојНаСпортот

Денес, во домот каде што се роди македонскиот олимпизам — хотелот Холидеј Ин — се одржа свечената промоција на авторизираната биографија на Владимир Богоевски, еден од најголемите спортски великани, олимписки симбол, човек со непресушна енергија, борбен дух и натприродна спортска дарба што остави неизбришлива трага во македонскиот и светскиот спорт.

Биографијата е дело на легендарниот спортски новинар, хроничар на македонскиот спорт и еден и единствен Златко Калински — човекот чиј глас и зборови со децении ги бележат најголемите спортски моменти на Македонија.

Ова извонредно дело го отсликува животниот пат на Богоевски — од неговите први спортски чекори, преку безбројните предизвици, откажувања и победи, па сè до врвовите кои ги достигна со својата упорност, дисциплина и непоколеблива верба во успехот. Книгата не зборува само за медали и резултати, туку за човек кој со срце, чест и достоинство ја претставуваше Македонија пред светот.

На промоцијата присуствуваа авторот Златко Калински, претседателот на МОК Даниел Димевски, првиот тренер на Богоевски — Таки Џиков, како и Васил Тупурковски — поранешен претседател на Македонскиот олимписки комитет. Присутна беше и првата дама на Македонија, претседателката Гордана Силјановска Давкова, негова пријателка уште од средношколските денови. Покрај нив, салата беше исполнета со неговото семејство, пријатели, спортски работници, поддржувачи и генерации луѓе кои со години ја следеа и восхитено ја почитуваа неговата кариера.

Настанот беше повеќе од промоција — беше настан исполнет со емоции, спомени и искрени аплаузи. Во атмосфера каде гордоста и благодарноста се преплетуваа со тивки солзи радосници, присутните сведочеа за животна приказна што инспирира, мотивира и потсетува дека вистинските шампиони не се мерат само по победите, туку по трагата што ја оставаат зад себе.

Во страниците на оваа биографија, Владимир Богоевски е претставен како момче со ретка, речиси натприродна спортска дарба, но и како човек кој со огромна работа, пожртвуваност и карактер успеал својот талент да го претвори во легенда.

Ова не е само книга.
Ова е сведоштво за еден живот посветен на спортот, Македонија и олимписките вредности.

🎓🏅 Денес, во СУГС „Раде Јовчевски – Корчагин“, се одржа едукативна работилница на тема „Спречување на манипулација на спортски резултати преку едукација“, организирана од страна на Олимпискиот Комитет на Северна Македонија.

👥 Работилницата беше предводена од официјалното лице за контакт и пријава на секаков тип на спортска манипулација, Петар Спасеновски, кој со учениците разговараше за важноста на спортскиот интегритет, препознавањето на обиди за манипулација и улогата на младите во градењето фер и чесен спорт.

📚 На настанот присуствуваа околу 50 ученици од трета година, кои активно учествуваа во дискусиите и се запознаа со механизмите за превенција и пријавување неправилности во спортот.

🤝 Преку вакви едукативни активности, Олимпискиот Комитет на Северна Македонија продолжува активно да работи на подигнување на свеста кај младите за значењето на фер-плејот, етиката и чесноста во спортот.

✨ Спортот победува тогаш кога чесноста, почитта и интегритетот се неговите најсилни вредности.

Проектот е финансиран од страна на Олимписката солидарност.

ОБУКА ЗА НАПРЕДЕН СПОРТСКИ МЕНАЏМЕНТ – Генерација XVII

Во рамките на Обуката за напреден спортски менаџмент 2026, денес претседателот на МОК, Даниел Димевски, одржа предавање на тема Финансиски менаџмент на ОСО.
Пред претставниците на НСФ-и и спортските клубови, тој одржа предавања кои се однесуваат на квалитетното финансиско управување и принципи на финансиското управување, финансиско планирање, принципи и фази на буџетирање, финансиско сметководство, изработка на договори за финансирање и спонзорства, евалуација и известување, општо прифатени сметководствени принципи на ИОК и многу други теми од интерес на заинтересираните страни кои се дел од оваа обука.
Следниот модул од оваа обука се однесува на стратешкиот менаџмент и изработка на развојните стратегии на Олимписките и спортските, невладини и владини организации во нашата држава.

Претставничките на Македонскиот олимписки комитет, Сара Глоговац и Елена Зисовска Апостолска, учествуваа на 34. Генерално собрание на ENGSO и Собранието на ENGSO Youth, кое се одржа во Будимпешта, Унгарија.

Настанот обедини претставници на европски спортски организации, олимписки комитети и млади лидери, со дискусии посветени на иднината на европскиот спорт, младинското учество, инклузијата, застапувањето на спортот пред европските институции и родовата еднаквост во спортот.

Особено значајна беше сесијата „Градење родова еднаквост во спортот: Споделување програми, предизвици и решенија“, на која беа презентирани добри практики и иницијативи за унапредување на еднаквоста и инклузивноста во спортот.

На Собранието беше изгласано приклучувањето на Турската федерација „Спорт за сите“ како нов асоцијативен член на ENGSO, додека Thomas Bach, потпретседател на Данскиот национален олимписки комитет и спортска конфедерација (DIF), беше избран за нов член на Извршниот комитет на ENGSO.

Македонскиот олимписки комитет продолжува активно да придонесува во европските иницијативи и процеси насочени кон развој на спортот, младите и еднаквите можности во спортскиот сектор. 🇲🇰🇪🇺

🥇 Со извонредна атмосфера и силен натпреварувачки дух, во Спортскиот центар „Јане Сандански“ во Скопје успешно се заокружија четвртите по ред Мини олимписки игри.

👉 Овој масовен спортски настан обедини вкупно 480 ученици и 40 наставници од четири скопски основни училишта, промовирајќи ги на дело вистинските олимписки вредности – почитта, пријателството и стремежот кон извонредност.

Повеќе на Трн.мк

🏅🔥 СПЕКТАКЛ ЗА ПАМЕТЕЊЕ ВО СКОПЈЕ! 🔥🏅

Со огромна енергија, насмевки и спортски жар завршија 4-тите Мини Олимписки игри во Скопје! 🎉

💥 Дури 480 ученици и 40 наставници од четири основни училишта:
📍 ООУ „Ацо Шопов“ – Бутел
📍 ООУ „Рајко Жинзифов“ – Драчево
📍 ООУ „Дитурија“ – Сарај
📍 ООУ „Браќа Рамиз и Хамид“ – Шуто Оризари

ја создадоа една од најубавите спортски приказни оваа година!

👏 Атмосферата? НЕВЕРОЈАТНА!
🎯 Тимски дух на највисоко ниво
📣 Гласно навивање од трибините
🤝 Фер-плеј и почит
🌍 Промоција на вистинските олимписки вредности

Овие игри не беа само натпревар — тие беа празник на младоста, пријателството и спортот! ❤️

🎁 Како круна на настанот, во сите училишта беше донирана спортска опрема, како и опрема за останатите школски предмети, со што директно се инвестира во подобри услови за учење и развој на учениците! 📚⚽

🚀 Продолжуваме да градиме генерации кои победуваат – и на теренот и во животот!

#МиниОлимпискиИгри #Скопје #ОлимпискиВредности

ОБУКА ЗА СПОРТСКА АДМИНИСТРАЦИЈА ВО ОПШТИНА СТРУГА

Во Општина Струга, во организација на Македонскиот олимписки комитет, се одржа обука за спортска администрација, наменета за претставници од локалната самоуправа, спортските клубови и спортските работници од општината.

Обуката беше отворена од градоначалникот на Општина Струга, Менди Ќура, кој го поздрави присуството на учесниците и ја истакна важноста од континуирана едукација, професионализација на спортската администрација и зајакнување на локалниот спортски систем.

Од страна на Македонскиот олимписки комитет, на обуката присуствуваа претседателот на МОК, Даниел Димевски, раководителот на секторот за спорт , Петар Спасеновски, како и раководителот на секторот за меѓународна соработка, Сашо Поповски.

Фокусот на обуката беше ставен на унапредување на административните капацитети во спортот, подобрување на комуникацијата меѓу спортските субјекти и институциите, како и запознавање со современи практики за планирање, организација и реализација на спортски активности и програми.

Македонскиот олимписки комитет изразува голема благодарност до градоначалникот Менди Ќура и Општина Струга за гостопримството, поддршката и отвореноста за соработка. Ваквите заеднички активности претставуваат важен чекор кон создавање посилен, поорганизиран и поефикасен спортски систем на локално ниво.

Преку ваквите обуки, МОК продолжува со својата мисија за поддршка на општините, спортските клубови и спортските работници, со цел развој на спортот, младите спортисти и олимпизмот низ целата држава.

fans

Во Олимпискиот дом денес се одржа средба помеѓу претседателот на Македонскиот олимписки комитет Даниел Димевски, генералниот секретар Ѓорги Тасев и италијанскиот амбасадор Паоло Палминтери.

На средбата се разговараше за повеќе теми од заеднички интерес, со акцент на унапредување на спортската соработка, размена на искуства и можности за заеднички активности во периодот што следи. Посебно внимание беше посветено на Медитеранските игри во Таранто 2026, каде Македонија планира настап со бројна делегација на спортисти, тренери и спортски официјални лица.

Во конструктивна и пријателска атмосфера беа разгледани и можности за организација на заеднички промотивни и културно-спортски активности, кои ќе придонесат за дополнително поврзување и продлабочување на соработката помеѓу двете земји.

Средбата претставува уште еден чекор кон зајакнување на меѓународната соработка и поддршка на македонскиот спорт на големите мултиспортски настани.

Претседателот на Македонскиот олимписки комитет (МОК), Даниел Димевски, денеска оствари официјална работна средба со претседателот на Олимпискиот комитет на Србија, Дејан Томашевиќ, посветена на унапредувањето на меѓусебната соработка и иднината на олимпискиот спорт во регионот.

Средбата се одржа во просториите на Комитетот во пријателска атмосфера и конструктивен дијалог, при што беа дефинирани повеќе стратешки приоритети за натамошно дејствување.

Централна тема на разговорите беше заедничкиот настап преку европската програма Еразмус+. Договорено е здружување на капацитетите на двата комитета за заедничко аплицирање и реализација на проекти, со цел максимизирање на ресурсите наменети за развој на спортот, едукацијата и младинските спортски иницијативи.

Истовремено, посебен акцент бил ставен на креирање стратегии и размена на најдобри практики за дополнителна популаризација и развој на 3х3 кошарката.

Во насока на идни соработки, соговорниците најавија дефинирање на конкретни чекори кои вклучуваат размена на стручен кадар и континуирана организација на заеднички подготовки на спортистите од двете земји.

Во рамки на посетата, претседателот Димевски ги презентираше на својот српски колега Томашевиќ инфраструктурните капацитети на Олимпискиот спортски центар. Гостинската делегација имаше можност директно да се запознае со условите за тренинг, развој и стручно усовршување, при што посебно била истакната најсовремената лабораторија за мерење на спортски перформанси.

Двајцата претседатели заклучиле дека постои огромен потенцијал за заедничко дејствување кое во иднина значително ќе придонесе за развојот на олимпиското движење во двете држави.

fans