Sai Kyaw Gyi mdy

Chelae

အပြန်
#သစ္စာပိုင်စိုး

ဘာမှမဆွတ်ခူးနိုင်တဲ့ လက်နှစ်ဖက်က
လက်အုပ်မချီဖြစ်တာလည်း
လက်နှစ်ဖက်စာ နှစ်များကြာ

အမျှော်တွေ
လမ်းမတဆုံး ထားခဲ့နိုင်တာပဲရှိတယ်
ကိုယ့်အညွန့်လေး တလူလူအတွက်
အမေ့အခက်အလက်လေးတွေ ချိုးချိုးပေးရ

"ဒီလောက်တောင်ပဲလား သားရယ် ပြန်ခဲ့ပါ" တဲ့

"အမေ ... ယုံကြည်ချက်နဲ့ မာနတရားဆိုတာ
ဒီလိုရှိပါတယ်" ဆိုပြီး
ရသမျှဒုက္ခတွေ
အမေ့ဆီ ခဏခဏပြန်ရောင်းခဲ့

အမေပေးခဲ့သမျှတွေက
ဟောင်းနွမ်း ပျောက်ရှ ပျက်စီး ဆွေးမြေ့ပြီ
ကိုယ်ပေးခဲ့တဲ့ အမျှော်တွေသာ
ညနေတိုင်ရင် လမ်းမထွက်တဲ့မျက်ရည်တွေဖြစ်

ခုတော့ စိတ်ညစ်ညစ်ရှိတိုင်း
အမေ့ပုခက်နဲ့လွှဲသိပ်သလို
မူးပြီးမှ အိပ်ပျော်တတ်တာပဲ။

တကယ်တော့ ဘာမှမဟုတ်တဲ့မာနနဲ့
ဘာမှမယူနိုင်လည်း နေပါစေ
အမေ့ကြိုက်တတ်တဲ့ဆံပင်ပုံလေးညှပ်ပြီး
သပ်သပ်ရပ်ရပ်ပြန်လာတယ်ဆိုရင်ပဲ
ရင်ဘတ်ကလေး လက်နဲ့ဖိပြီး
ပြုံးပြုံးကြီးကြည့်နေမှာ
သားသိပါတယ်အမေ ။ ။

သစ္စာပိုင်စိုး

လူကြီးချင်း စကား‌ပြောပြီးပါပြီ........

နောက်မပတ်သတ်ဖို့။
Crd