Provincial Doctors Association

پراونشل ڈاکٹرز ایسوسیشن King Abdullah Hospital مانسہرہ کے نئے کابینہ کو مبارک باد دیتی ہے اور ان کیلئے نیک تمناو کا اظہار کرتی ہے۔
ہم امید کرتے ہیں کہ نیا کابینہ ڈاکٹر یاسر اور ڈاکٹر مبشر کے زیر قیادت ڈاکٹرز کے حقوق کے حصول اور مریض کے دیکھ بال میں کلیدی کردار ادا کرینگے۔

*پی ڈی اے جنرل باڈی اجلاس | کنگ عبداللہ ہسپتال مانسہرہ*
6اگست 2026

آج کنگ عبداللہ ہسپتال مانسہرہ میں پی ڈی اے کا جنرل باڈی اجلاس منعقد ہوا جس میں ڈاکٹرز کمیونٹی کے مسائل پر تفصیلی گفتگو ہوئی۔
چیئرمین پی ڈی اے ڈاکٹر زبیر ظاہر کی قیادت میں مرکزی قیادت اور ہزارہ ڈویژن بھر سے ڈاکٹرز نے شرکت کی۔

*اہم نکات:*
1. ٹی ایم اوز/ہاؤس آفیسرز کی تنخواہوں میں اضافہ اور تمام کیڈرز کے لیے HPA میں اضافہ
2. سرکاری ہسپتالوں کی نجکاری اور آؤٹ سورسنگ نامنظور۔
ایک سال کنٹرکٹ جاب نامنظور۔
نئے بھرتیاں پبلک سروس کمیشن کے زریعے کیا جائے اور 600 ڈسٹرکٹ سپیشلسٹ ڈاکٹرز کو پبلک سروس کمیشن کے ذریعے بلا تاخیر بھرتی کی جائے۔
3. فیشل ریکگنیشن حاضری
4۔ ایم ٹی آئی میں سول سرونٹس ڈاکٹرز اور دیگر عملے کو تنگ کرنا ،ان کو واپس ہیلتھ ڈیپارٹمنٹ بیھجنا اور سول سرونٹس پوسٹ کو ایم ٹی آئی پوسٹ میں ضم کرنا
5. ایم ٹی آئی اور نان ایم ٹی آئی ہسپتالوں میں کرپشن اور سفارشی کلچر اور کرپٹ عناصر کی پشت پناہی
6. ڈاکٹرز کی پروموشن میں تاخیر
7. سیکیورٹی ایکٹ پر عملدرآمد میں تاخیر
8. سی پی ایس پیCPSP کا وقار بحال کرنا

جنرل باڈی میٹنگ میں یہ کیا گیا کہ حکومت سنجیدہ نہیں۔ *17 اگست* سے احتجاج شروع ہوگا۔
پہلے مرحلے میں بلیک ربن باندھ کر احتجاج ریکارڈ کیا جائے گا جو ایک ہفتے تک جاری رہے گا ، اگلے مرحلے میں تمام ہسپتالوں کو بند کیا جائے گا۔
تمام چیپٹرز کو ہدایت دی گئی کہ اپنے اضلاع میں جنرل باڈی میٹنگز کریں اور احتجاج کی تیاریاں شروع کرے ۔
ٹی ایم اوز/ایچ اوز تنخواہوں کے نمائیدگان کو ھدیات دی گئی کہ تمام ٹیچنگ ہسپتالوں موبالائزیشن اور سنسٹائزیشن شروع کرے ۔

اجلاس میں فیصلہ کیا کہ پیرامیڈکس اور نرسز کو بھی ساتھ لیا جائے گا۔
ترجمان پراونشل ڈاکٹرز ایسوسیشن خیبر پختونخواہ۔

ایم ڈی کیٹ (MDCAT) کا امتحان 16 اگست کے بجائے 20 ستمبر کو منعقد ہوگا

پراونشل ڈاکٹرز اسوسیشن

ڈاکٹر محمد نعیم اعوان کو قائم مقام ڈائریکٹر جنرل ہیلتھ سروسز کا چارج سنبھالنے پر دلی مبارکباد پیش کرتے ہیں اور امید کرتے ہیں کہ وہ ڈاکٹرز اور ہیلتھ ملازمین کے مسائل کرنے میں مثبت کردار ادا کریں گے اور مریضوں کی بہتری کیلئے اقدامات اٹھائیں گے

پراونشل ڈاکٹرز اسوسیشن

سلام سیدو گروپ آف ٹیچنگ ہاسپٹلز سوات کے بہادر سرجنز کو! 👨‍⚕️❤️

اتوار، جو آرام اور اہلِ خانہ کے ساتھ گزارنے کا دن سمجھا جاتا ہے، اسی دن سوات کبل کے المناک دھماکے کے بعد سیدو گروپ آف ٹیچنگ ہاسپٹلز سوات کے سرجری ڈیپارٹمنٹ کے تمام ڈاکٹرز نے اپنی ذاتی مصروفیات اور آرام کو پسِ پشت ڈال کر فوری طور پر ہسپتال پہنچ کر زخمیوں کے علاج میں بھرپور کردار ادا کیا۔ یہی وہ جذبہ ہے جو ڈاکٹر کے پیشے کو محض ایک ملازمت نہیں بلکہ انسانیت کی خدمت کا عظیم مشن بناتا ہے۔

ہم اپنے تمام سرجنز اور طبی عملے کو دل کی گہرائیوں سے خراجِ تحسین پیش کرتے ہیں، جنہوں نے مشکل ترین حالات میں بھی اپنی ذمہ داری نہایت اخلاص، مہارت اور فرض شناسی سے نبھائی۔ اللہ تعالیٰ ان کی خدمات کو قبول فرمائے اور انہیں مزید ہمت، استقامت اور کامیابیاں عطا فرمائے۔ آمین۔

آئیے! ہم اپنے سفید پوش ہیروز کی حوصلہ افزائی کریں، ان کی عزت کریں اور ان کے ساتھ کھڑے ہوں، کیونکہ یہی لوگ ہر مشکل گھڑی میں اپنی جان، وقت اور سکون کی پروا کیے بغیر انسانیت کی خدمت کے لیے سب سے پہلے میدان میں موجود ہوتے ہیں۔

سلام ہے سیدو گروپ آف ٹیچنگ ہاسپٹلز سوات کے تمام سرجنز اور طبی عملے کو! 🇵🇰🤍

اہم اعلامیہ
سوات کبل پولیس سٹیشن پر ہونیوالے خودکش حملے میں 14 افراد کے شہید ہونے کی تصدیق ہوگئی
جن میں 9 شہدا کے جسد خاکی سنٹرل ہسپتال سیدو شریف جبکہ 5 شہدا کے جسد خاکی کی تصدیق کبل ہسپتال کی جانب سے کردی گئی ہے

ریسکیو 1122

سوات کبل میں ہونے والے دھماکے کے بعد سیدو گروپ آف ٹیچنگ ہسپتالز/ڈی ایچ کیو ہسپتال سوات میں فوری طور پر ایمرجنسی نافذ کر دی گئی ہے۔ تمام ڈاکٹرز، نرسنگ اسٹاف، پیرامیڈیکس اور دیگر طبی عملے کو ہائی الرٹ کر دیا گیا ہے تاکہ کسی بھی ہنگامی صورتحال سے مؤثر اور بروقت انداز میں نمٹا جا سکے۔
میڈیکل سپرنٹنڈنٹ ڈاکٹر محمد سلیم خان، ڈی ایم ایس صاحبان اور دیگر متعلقہ افسران صورتحال کی مسلسل نگرانی کر رہے ہیں تاکہ زخمیوں کو بروقت، معیاری اور مؤثر طبی سہولیات کی فراہمی ہر صورت یقینی بنائی جا سکے۔
ہسپتال انتظامیہ ان تمام افراد سے اپیل کرتی ہے جو اس وقت ہسپتال میں موجود ہیں کہ وہ رضاکارانہ طور پر خون عطیہ کریں تاکہ ضرورت پڑنے پر زخمیوں کو فوری طور پر خون فراہم کیا جا سکے۔
عوام الناس سے بھی گزارش ہے کہ ایمرجنسی کے دوران غیر ضروری رش اور ہجوم سے گریز کریں تاکہ طبی عملہ امدادی سرگرمیوں اور مریضوں کی دیکھ بھال کے فرائض بلا کسی رکاوٹ کے انجام دے سکے۔ ضرورت پڑنے کی صورت میں ہسپتال انتظامیہ عوام کو بروقت آگاہ کرتی رہے گی۔