JTS Channel, Sukhumvit Road, Bangkok (2026)

10/05/2026

🔥UFC 328 ပြိုင်ပွဲအပြီးမှာ ထူးခြားသတင်းတခွင်

Khamzat Chimaev က Sean Strickland ကို ကပ်ရှုံးပြီး လိုက်ဟဲဗီးဝိတ်တက်ပါမယ်တဲ့။ မစ်ဒယ်ဝိတ်အတွက် (၄၆) ပေါင်ဝိတ်ချရတာ ခက်ခဲလို့ပါတဲ့။

ပွဲမတိုင်ခင် (၅) ရက်အလိုမှာ Sean Strickland က ပခုံးဆစ်လွဲနေတာပါတဲ့။ ပွဲနီးမှ ဒဏ်ရာရတာမို့ တော်တော်ရုန်းကန်လိုက်ရတယ်။

Joshua Van က Alexandre Pantoja ကို ဘယ်လိုမှ သဘောမထားပေမယ့် တချို့ပရိသတ်တွေက ဗီလိန်လို မြင်ကြတာ သူမကြိုက်ပါဘူးတဲ့။ မကျေပွဲတည်မယ်ဆိုလည်း အဆင်သင့်ပါတဲ့။

ပွဲကြည့်နေရင်း Paulo Costa နဲ့ Josh Hokit တို့က စကားများကြသေးတယ်။ ရက်ပိုင်းအတွင်းမှာ Josh Hokit က Alex Pereira ၊ Ilia Topuria နဲ့ Paulo Costa တို့ကို ရန်စခဲ့တာပါ။

Khamzat Chimaev က Sean Strickland ကို ရှုံးသွားတာမို့ UFC အဖွဲ့အစည်းမှာ ရှုံးပွဲမရှိချန်ပီယံဆိုလို့ Ilia Topuria ပဲ ကျန်ပါတော့တယ်။ ဒီနေ့ပွဲမှာ Joshua Van ရဲ့ စွမ်းဆောင်ရည်ကိုလည်း ချီးကျူးစကားလေး ပြောကြပေးပါဦး။

10/05/2026

🔥😁ကတုံး Sean Strickland က မထင်မှတ်တာတွေ လုပ်ပြလေ့ရှိတယ်။ Israel Adesanya ကို နိုင်လိမ့်မယ်လို့ ဘယ်တုန်းကမှ မထင်ခဲ့ဘူး။ အဲဒီတုန်းက Sean Strickland တကယ်နိုင်သွားတယ်။

အခုလည်း Sean Strickland က Khamzat Chimaev ကို ဘဲဥခွဲပေးလိုက်ပြန်ပြီ။ အများစုက Khamzat Chimaev နိုင်မယ်လို့ပဲ ထင်နေကြတာပါ။ တကယ်တမ်းတော့ Sean Strickland က Khamzat Chimaev ကို နိုင်သွားတာပါပဲ။

လေ့ကျင့်ဖော် Arman Tsarukyan ရဲ့ စကားကို ကိုးကားရမှာပဲ။ Khamzat Chimaev က (၄၆) ပေါင်ဝိတ်ချရတယ်တဲ့။ တစ်ပတ်အတွင်းမှာ ဒီလောက်ဝိတ်ချရတာ ပင်ပန်းလွန်းပါတယ်။ (၁၈၅) ပေါင်ရဖို့ မနည်းရုန်းကန်ရတယ်။ နောက်ဆုံးမိနစ်ကျမှ ဝိတ်လာချိန်သွားတာပါ။

Weight Cut ကြောင့် Khamzat Chimaev က စွမ်းဆောင်ရည်အတော်ထိသွားတယ်။ ပထမအချီမှာ စွမ်းဆောင်ရည်သာပေမယ့် ဒုတိယအချီမှာ ကျရိပ်ပြလာတယ်။ တတိယအချီက မတိမ်းမယိမ်းပါပဲ။ ‌Championship Round တွေမှာ စိန်ခေါ်သူ Sean Strickland က ပိုသာသွားတယ်။

အခုတွဲဆိုင်းမှာ ဘယ်သူ့ကိုမဆို အနိုင်ပေးလို့ရတဲ့ အနေအထားပါ။ ဒါပေမယ့် နောက်ပိုင်းအချီမှာ ပိုကောင်းအောင် ကစားနိုင်တဲ့ Sean Strickland ရဲ့ စွမ်းဆောင်ရည်က အမှတ်ပေးဒိုင်လူကြီးတွေရဲ့ မျက်လုံးထဲမှာ ထင်သာမြင်သာရှိစေတယ်။ ဒါ့ကြောင့်လည်း ကပ်နိုင်သွားတာပါပဲ။ အခုတွဲဆိုင်းကိုရော ညီအစ်ကိုတွေက ဘယ်လိုမြင်ကြလဲ။

10/05/2026

🔥🇲🇲😍Joshua Van ရဲ့ စိတ်ဝင်စားစရာ ပွဲပြီးစကားသံ

ဖြေဆိုမှုတွေက အရွယ်နဲ့မလိုက်အောင် ပညာဆန်လွန်းတယ်။ ဒီထဲက အကြိုက်ဆုံးက "နွားနိုးများများသောက်ထားဖို့ မှာလိုက်ပါ" ဆိုတာပါဘဲ။ 😁

JTS Channel မှ ဘာသာပြန်ပြောဆိုတင်ဆက်ထားပါတယ်။

10/05/2026

🔥🇲🇲👏Joshua Van ကတော့ ဘယ်သူက ချန်ပီယံအစစ်ဆိုတာကို သက်သေပြလိုက်ပါပြီ။

ဒါ့အပြင် Fight Of The Night Bonus ဆုပါ ရယူနိုင်ခဲ့တယ်။

သံသယတွေ မကင်းသေးတဲ့သူအတွက် စိတ်မကောင်းစရာပါ 😄

10/05/2026

🔥😍🇲🇲👏Joshua Van ချန်ပီယံခါးပတ်ကို အောင်မြင်စွာ ကာကွယ်သွားနိုင်ခဲ့ပါပြီ

ပထမအချီမှာ Tatsuro Taira သာတယ်။ ဒါကလည်း ဝင်လုံးပြီး Ground Control Time ယူထားလို့ပါ။ ဒုတိယအချီမှာ ရလဒ်က ထင်ရှားပြီးသားပါ။ Joshua Van ရဲ့ လက်သီးက ဒိုင်းခနဲ။ Tatsuro Taira က အတော်နာသွားတာပါ။ တတိယအချီထိ အမူးမပြေသေးဘူး။

တတိယအချီမှာ Joshua Van က လုပ်ချင်တိုင်းလုပ်ပြသွားတယ်။ ဘောက်ဆင်က အတော်ကောင်းတာပါ။ Tatsuro Taira စုတ်ပြတ်သွားတယ်။ အသားဖြူတော့ မျက်နှာထိတာ သိသာလွန်းတယ်။

စတုတ္ထအချီမှာ Tatsuro Taira ပိုကောင်းလာပေမယ့် Joshua Van ကလည်း အထိနာအောင် ထိုးနိုင်တယ်။ နောက်ဆုံးအချီမှာ Tatsuro Taira က ဘာမှမတတ်နိုင်တော့ဘူး။ ခွန်အားကုန်သွားပြီ။ Joshua Van က အလဲထိုးသွားတယ်။ သာသာယာယာပဲ။

10/05/2026

🔥😳Joshua Van ရဲ့ လုံးဝမထင်မှတ်ထားတဲ့ အခိုက်အတန့်

09/05/2026

🔥🥊Kill or be killed တဲ့! ပွဲကတော့ ကြမ်းတော့မယ်!

Joshua Van ကတော့ မနက်ဖြန်ညအတွက် ယုံကြည်မှုတွေ လျှံထွက်နေပါတယ်။ မနက်ဖြန်ညအတွက် Joshua Van တစ်ယောက် အားအပြည့်နဲ့ အဆင်သင့်ဖြစ်နေပါပြီ။ ခြေလှမ်းတိုင်းမှာ ယုံကြည်မှုတွေ အပြည့်ပဲ။ 'Kill or be killed' ဆိုတဲ့ အတိုင်း အသေအလဲ တိုက်ပွဲဝင်ဖို့ အတွက်လည်း အဆင်သင့်ဖြစ်နေပါပြီ။

အနိုင်ရလဒ်နဲ့အတူ မြန်မာပရိသတ်တွေကို ပျော်ရွှင်အောင် လုပ်ပေးနိုင်မလားဆိုတာ ရင်ခုန်စိတ်လှုပ်ရှားစွာနဲ့ အတူစောင့်ကြည့်အားပေးလိုက်ကြရအောင်ပါ!

09/05/2026

🔥လက်ရှိဖလိုင်းဝိတ်အနေအထားကို ပြောရဦးမယ်။ မနက်ဖြန်မှာ Joshua Van နဲ့ Tatsuro Taira တွဲဆိုင်းရှိတယ်။ ဇွန်လမှာ Manel Kape နဲ့ Kyoji Horiguchi တွဲဆိုင်းလည်း ရှိသေးတယ်။ အဲ‌ဒါက လက်ရှိအခြေအနေပါ။

ဆရာကြီး Dana White က အကြံကြီးတယ်။ အခုပွဲမှာတော့ Tatsuro Taira ကို ဖလိုင်းဝိတ်ချန်ပီယံဖြစ်စေချင်တာပါ။ အဓိကက ဂျပန်ဈေးကွက်ဖောက်ချင်လို့ပါ။ And New ဖြစ်လာရင် ဂျပန်နိုင်ငံမှာ ပွဲလုပ်မယ်လို့ ပြောထားတယ်။

ဒါကလည်း အကြောင်းရှိတယ်။ ဟိုဘက်မှာလည်း Manel Kape နဲ့ Kyoji Horiguchi တွဲဆိုင်း ရှိသေးတယ်မလား။ Kyoji Horiguchi နိုင်သွားရင် ပွဲလှပြီ။

Tatsuro Taira နဲ့ Kyoji Horiguchi တို့ကို ဂျပန်နိုင်ငံမှာ ပွဲတည်ပေးလိုက်ရုံပါပဲ။ ဒီလောက်အထိ ထင်သာမြင်သာရှိနေတာပါ။ Kyoji Horiguchi ကလည်း ဂျပန်နိုင်ငံမှာ ပွဲထိုးဖူးတာမို့ ဂျပန်ပရိသတ်နဲ့ မစိမ်းပါဘူး။ Tatsuro Taira နဲ့ Manel Kape ကိုလည်း ဂျပန်နိုင်ငံမှာ တည်ပေးလို့ရတယ်။

Tatsuro Taira က Joshua Van ကို နိုင်လိုက်ရင် ဂျပန်နိုင်ငံမှာ ပွဲလုပ်မှာ သေချာတယ်။ တစ်ချက်တော့ရှိတယ်။ Joshua Van က Tatsuro Taira ကို နိုင်သွားရင် Dana White ရဲ့ ဂျပန်အိပ်မက်က အသက်ငင်သွားမယ်။ ဘယ်လိုမြင်ကြလဲ။

09/05/2026

🔥ခေတ်အဆက်ဆက်မှာ ဂျပန်ဖိုက်တာတွေက UFC အဖွဲ့အစည်းမှာ နေရာရဖူးပေမယ့် ချန်ပီယံမဖြစ်ဖူးပါဘူး။ Yushin Okami ငယ်ငယ်တုန်းက လွှတ်ကောင်းတာပါ။ သူလည်းပဲ ခါးပတ်လုခွင့်ရပေမယ့် ချန်ပီယံမဖြစ်လိုက်ပါဘူး။

သူ့ခေတ်သူ့အခါတုန်းက Hayato Sakurai လည်း ကောင်းတာပါပဲ။ နိုင်ပွဲဆက်လာတာ မနည်းဘူးလေ။ ဒါပေမယ့် UFC အဖွဲ့အစည်းမှာ ခါးပတ်လုခွင့်ရပေမယ့် ချန်ပီယံမဖြစ်ပါဘူး။

ကုန်ကုန်ပြောမယ်။ Kai Asakura ဆိုရင်လည်း UFC အဖွဲ့အစည်းမှာ နေရာရတာပဲ။ ပွဲဦးထွက်မှာတင် ခါးပတ်လုခွင့်ရလိုက်တာ နည်းတဲ့အဆင့်မဟုတ်ဘူး။ ဒါပေမယ့် ချန်ပီယံမဖြစ်လိုက်ပါဘူး။

အခုလည်း ဂျပန်နိုင်ငံသား Tatsuro Taira လာပါပြီ။ Joshua Van ကိုနိုင်ရင် ဖလိုင်းဝိတ်ချန်ပီယံဖြစ်ပါပြီ။ ဒါပေမယ့် ဂျပန်နောင်တော်ကြီးတွေက ချန်ပီယံမဖြစ်ဖူးပါဘူး။

Joshua Van က တက်ကြွတဲ့ ကြက်ဖပါ။ စိတ်အားထက်သန်မှုအပြည့်ပါပဲ။ Tatsuro Taira လောက်ကတော့ ထည့်တွက်မနေဘူး။ အခုလည်း ချန်ပီယံကာကွယ်ပွဲမှာ အစွမ်းပြနိုင်မလားဆိုတာကိုတော့ စောင့်ကြည့်ရပါမယ်။ အားပေးကြမယ်နော်။

09/05/2026

🔥🇲🇲Joshua Van ရဲ့ပွဲစဉ်အချိန်နဲ့ ကြည့်ရှုမဲ့နေရာ

UFC 328 မှာ တွဲဆိုင်း (၁၃) ခု ပါတယ်။

Early Card တွေကို မေလ (၁၀) ရက် တနင်္ဂနွေနေ့ မြန်မာစံတော်ချိန် မနက် (၃) နာရီခွဲမှာ စတင်ပြီး မနက် (၅) နာရီခွဲလောက်မှာ ပြီးမှာဖြစ်ပါတယ်။ ဒီထက်လည်း နည်းနည်းနောက်ကျနိုင်သလို စောလည်းစောသွားနိုင်ပါတယ်။

Main Card တွေက တနင်္ဂနွေနေ့ မြန်မာစံတော်ချိန် မနက် (၇) နာရီခွဲမှာ စတင်မယ်။ တွဲဆိုင်း (၅) ခု ပါဝင်ပါတယ်။

Joshua Van နဲ့ Tatsuro Taira တို့က ဒုတိယခေါင်ပွဲဆိုတော့ တနင်္ဂနွေနေ့ မနက် (၁၀) နာရီကျော်ကျော်မှာ ကြည့်ရနိုင်ဖို့များပါတယ်။ ဒီထက်လည်း နည်းနည်းနောက်ကျနိုင်ပါတယ်။ စောဖို့တော့ သိပ်မဖြစ်နိုင်ပါဘူး။

ခေါင်ပွဲက မနက် (၁၁) နာရီလောက်မှာ ကြည့်ရနိုင်ချေများမယ်။ ရှေ့ထွက်တွဲဆိုင်းရဲ့ ကြာချိန်ကို မူတည်ပြီး ပွဲချိန်က (အနည်းငယ်) ပြောင်းနိုင်ပါတယ်။

CANAL + SPORTS နဲ့ Paramount + ဒါ့အပြင် ဖုန်းနဲ့ဆိုရင် UFC Fight Pass ရဲ့တရားဝင်ရုပ်သံလိုင်းမှာ ပိုက်ဆံပေးကြည့်လိုက်တာ အကောင်းဆုံးပါ။

အခမဲ့ကြည့်လို့ရနိုင်မဲ့နေရာတချို့ရှိပါတယ်။ Comment မှာ link ချထားပေးပါတယ်။

08/05/2026

🔥😍👏Joshua Van နဲ့ Tatsuro Taira တို့က ဖလိုင်းဝိတ်သတ်မှတ်ချက် (၁၂၅) ပေါင်ရသွားပါပြီ။ ဆေးစစ်၊ ဝိတ်ချိန်အောင်မြင်ပြီမို့ ပွဲထိုးဖို့ပဲ ကျန်ပါတော့တယ်။

ဝိတ်အောင်သွားပြီမို့ Joshua Van နဲ့ Tatsuro Taira တို့က ရေဓာတ်ပြန်ဖြည့်ရပါမယ်။ ပွဲတွင်းဝိတ်က ပေါင် (၁၄၀) ကျော်မှာ သေချာတယ်။ Joshua Van ထက် Tatsuro Taira က ပိုထွားပါမယ်။

Khamzat Chimaev က (၄၆) ပေါင်ဝိတ်ချရတယ်တဲ့။ မူလ (၂၃၁) ပေါင်ကနေ မစ်ဒယ်ဝိတ်သတ်မှတ်ချက် (၁၈၅) ပေါင်ရအောင် ဝိတ်ချနေရတာပါ။ အခုထိလည်း ဝိတ်လာမချိန်သေးဘူး။ အဆင်ပြေပါ့မလား မသိ။

Joshua Van နဲ့ Tatsuro Taira တို့က အိုကေသွားပါပြီ။ တနင်္ဂနွေနေ့အတွက် ပရိသတ်တွေက အဆင်သင့်ပဲမလား။ Joshua Van အတွက် ဆုတောင်းပေးရအောင်။

JTS Channel

แชร์

ที่ตั้ง

ประเภท

เว็บไซต์

ที่อยู่