life coach yasmen adly

عارف أنت بتهرب ديما من مين !!

الناس اللي بتحسسك بضعفك
الناس اللي بتخليك ماتعرفش تحب نفسك

دخل بقي جوه الجملتين دول كل الافعال والاقوال اللي بتوديك فيي الاخر للمنطقه دي وانت مش واخد بالك ،،

لو أدركت كلامي فاحاول ماتبقاش انت الشخص ده ولو بكلام بتوجهه لحد تقصد بيه الخير لكن في باطنه بيوصل احساس بالضعف.

عارف أن مش من حقك تروح لحد وتنصحه ،بدل هو ماطلبش النصيحه !!

ولوبينك وبينه عشم ،يبقي أختار الكلام أو الاسلوب...

كل شخص مهما كان فيه نقاط ضعف وده الطبيعي ، حقه يحس بنجاحاته وأنتصاراته في معاركه مع نفسه أو مع الحياه...

سيبوا لبعض فرص لألتقاط الانفاس ،علشان غير كده طعم الحياه هيضيع منه الجذء الحلو ،،

الماضي مضى ولن يعود الحاضر هو اجمل هدية تملكها في الحياة وتستمر الحياة 💯✅ #رخصة_وعي #عماد_الحكيم

وَلِلَّهِ مُلْكُ السَّمَاوَاتِ وَالْأَرْضِ ۚ يَغْفِرُ لِمَن يَشَاءُ وَيُعَذِّبُ مَن يَشَاءُ ۚ وَكَانَ اللَّهُ غَفُورًا رَّحِيمًا (14)سورة الفتح

الشيخ مشاري راشد بيقرأ الاية دي بصوت تبارك الله

النهارده أول مره أسمع الأيه دي بطريق مختلفه ،،

ديما كنت بسمعها وفي بالي أن ربنا سبحانه بيغفر للي عايز يغفر ليه ويعذب اللي عايز يعزبه

لكن النهارده وانا بسمعها أفتكرت ناس كنت اسمعهم يهزروا لما حد يقول ليهم حرام علي حاجه ردهم مااحنا كده كده داخلين النار

وناس تانيه لما كانت تعمل حاجه وحد يقولهم ده حرام يكون ردهم ربنا رحيم وهايغفرلنا ويدخلنا الجنه

كلامي مش علي عمل الحرام مهما كان صغير بدل احنا فعلا وقولا عارفين انه حرام ،حكمه عند الله ..ولكن كلامي عن احنا الفكره اللي مسيطره علينا وبننطق بيها ديما أيه؟؟

ده طبعا مش تفسير للأيه ...
لأني رجعت للتفسير لاقيته أن المشيئه في الأيه راجعه لله سبحانه وتعالي

ولكن الكلام ده مهم للي بيعمله انه ياخد باله اعتقاده ايه عن رحمة ربنا وعفوه وغفرانه ... محتاجين نتدبر ونفهم أكتر

اللهم أنك عفو كريم تحب العفو فاعفو عنا

لما تكون في مشكله مع شخص أي ان كان السن ،،

اعرف انت عايز أيه ؟؟

تقلل مشاعرك السلبيه أو تتخلص منها باأي ثمن حتي لو البعد ..أنك تخسر نفسك أو شخص أو مكان ...!!

ولا عايز تحل مشكله أو تبني شخصيه طفل أو تبني علاقه ؟

ماتفضلش ماسك في الحدث والمشاعر هي اللي تسوق ،،

استني لما تهدأ وحلل الموقف علشان تعرف الأسباب اللي وراه ...

أنت محتاج تتجنب أسلوب سئ أو تحط حدود أو تغير عاده أو تفهم حاجه وتشوف اللي ماكنتش شايفه ...

حدد سبب المشكله فين ودور علي خطوات الحل وأبدا خد خطوة واللي مش عارف تعمله لوحدك أستعين باللي يساعدك..

لكن ماتفضلش واقف تايهه جوه الأحداث والمشاعر

وده بياخدك لمشاعر سلبيه أكتر وتوهه أو عطله أو أحساس بدور الضحيه أو العدائيه تجاه الأخر ..

تقاطع ليه ؟؟
في ناس لغاية دلوقتي بتقول نقاطع ليه!!
هي المنتجات اللي بشتريها انا اللي هاتفرق يعني !
هي كنزاية البيبسي كل يوم ولا مسحوق الغسيل ولا منتجات الاكل ولا النظافه ولا البشره ولا ازايز المايه بتاعتي هي اللي هاتفرق معاهم !!

طب هو أنت عارف كام واحد بيتشجع ويعمل زي حضرتك كده ويجيب بقلب جامد لما يشوفك طالب من الماركت ولا يزورك ويلاقيك بتستخدمهم عادي !!

بيقول زيك كده هي جات عليا وبتنيم ليه الحته الصاحيه في ضميره من ناحية انه ماينفعش يدفع ولو جنيه واحد في مجرد شك انه ممكن يتجاب بيه اي نوع سلاح ولا حتي وقود ولا أكل ولا لبس للي بيدمروا في أهلك هنااك......

كام من شيوخ العرب طلعوا وقالوها بوضوح قاطع واي قرش بتدفعه ليهم حرام ..

أنت موجوع عليهم ومش قادر تعملهم حاجه مش قادر تمد ليهم أيدك وتنقذهم ،مقدرين بس ممكن تكف عنهم الأذي قدر أستطاعتك ،ماهو كل واحد بيتحاسب علي اللي في أستطاعته

#مسئوليتك

مش مطلوب منك تبقي سوبر مان ،،
أنت أنسان يعني طبيعي إنك تضعف وطبيعي أنك تعمل أخطاء
وطبيعي إنك تتعلم منها ،وطبيعي إنك تغلط تاني أخطاء جديده
وترجع تتوب وتطلب من ربنا يعينك علي نفسك ويسامحك