Golfklúbbur Mosfellsbæjar

24/09/2026

Innanfélagsmótaraðir GM - Úrslit.

Í meðfylgjandi frétt má sjá úrslit innanfélagsmótaraða sumarsins.

Það var líkt og áður fjöldi GM félaga sem tók þátt og óskum við sigurvegurum mótaraðanna innilega til hamingju með árangurinn :)

Golfklúbbur Mosfellsbæjar | Skemmtilegur og fjölskylduvænn golfklúbbur

22/09/2026

Vallastarfsmenb verða uppteknir við endurbygging á glompu á 13. braut næstu daga. Sýnum þeim tillitsemi. En hvað er það sem þú ætlar að gera Bjarni? 🤔

22/09/2026

Golfbílar bannaðir á völlum GM vegna mikillar bleytu.

Það hefur rignt talsvert og báðir okkar vellir ansi blautir og því er öll umferð golfbíla bönnuð þar til að annað verður tilkynnt.

21/09/2026

Hola í höggi í Bakkakoti.

Hann Grétar gerði sér lítið fyrir og sló draumahöggið á 6. brautinni í Bakkakoti um daginn :)

Hér segir hann okkur aðeins frá högginu.

Þessi hola hefur lengi verið hálfgerður „óvinur“ minn, enda hefur mér oft reynst erfitt að komast á góðan stað, eða yfirleitt einhvern stað, á flötinni í fyrsta höggi. Það var örlítil gola á móti og ég ákvað að taka 8-járnið, frekar að vera aðeins of langur en að lenda í vandræðum.
Konan mín var upptekin við að taka mynd af mér í upphafshögginu, enda var einstaklega fallegur regnbogi í bakgrunninum og fylgdist því lítið með högginu sjálfu. Ég náði hins vegar mjög góðu höggi, boltinn fór hátt og fallega í átt að flötinni og ég var sannfærður um að hann hefði lent á góðum stað.
Við fórum síðan niður á rauða teiginn þar sem konan mín tók sitt högg. Þá sagði ég við hana: „Heyrðu, ég held að ég hafi farið holu í höggi. Ég sé boltann minn hvergi á flötinni.“
Við tók um 80 metra göngutúr að flötinni. Boltinn var hvergi sjáanlegur og þegar ég kom að holunni sat hann þar ofan í, hola í höggi!
Þetta gerðist því á þeirri braut á Bakkakotsvelli sem ég hef átt í hvað mestu ástar / hatursambandi við í gegnum tíðina. Í dag er hún hins vegar uppáhaldsbrautin mín.

Óskum við Grétari innilega til hamingju með draumahöggið :)

15/09/2026

Hola í höggi á Hlíðavelli.

Hann Valur Oddsson gerði sér lítið fyrir og fór holu í höggi á 18. braut á Hlíðavelli síðastliðinn föstudag.

Hann var með hybrid kylfu og sló flott högg sem lenti ca 10 metrum hægra megin við holu og voru að velta því fyrir sér hvort boltinn myndi rúlla yfir flötina þegar þeir allt í einu sjá hann ekki lengur. Kölluðu þeir á Eyþór, starfsmann klúbbsins og báðu hann að athuga hvort boltinn væru nokkuð ofan í holunni og þar var hann :)

Óskum við Val innilega til hamingju með draumahöggið. Það er aldrei of seint að slá draumahöggið en Valur Odds er 84ra ára gamall :)

15/09/2026

Ásgeir Páll sigraði TITLEIST Unglingaeinvígið í Mos

TITLEIST Unglingaeinvígið í Mos fór fram í gær 14. september í haustblíðu á Hlíðavelli. Þetta var í tuttugasta og annað skiptið sem mótið fer fram og er þetta lokamót sumarsins fyrir sterkustu kylfinga Íslands í unglingaflokkum.

Leikin var 10 manna forkeppni í þremur aldursflokkum með shootout fyrirkomulagi þar sem sá kylfingur með hæsta skorið fellur úr keppni á hverri holu. Þrír keppendur úr hverjum aldursflokki kemst í lokaeinvígið ásamt sigurvegaranum í fyrra sem í þetta skiptið var Hjalti Kristján Hjaltason.

Hörku keppni var í einvíginu og á lokaholunni var þetta milli heimamannanna Ásgeirs Páls og Grétars Loga og hafði Ásgeir betur eftir shootout frá rauða teignum þar sem hann sló nær en Grétar. Frábær árangur hjá þessum unga og efnilega dreng sem endar sumarið á tveimur sigrum í röð.

Heildarúrslit mótsins:

10. sæti Arnar Daði Svavarsson GKG
9. sæti Björn Breki Halldórsson GKG
8. sæti Elva María Jónsdóttir GK
7. sæti Benjamín Snær Valgarðsson GKG
6. sæti Hrafnhildur Sigurðardóttir GKG
5. sæti Hjalti Kristján Hjaltason GKG
4. sæti Brynjar Morgan Brynjarsson GSS
3. sæti Halldór Jóhansson GK
2. sæti Grétar Logi Gunnarsson Bender GM
1. sæti Ásgeir Páll Baldursson GM

13/09/2026

Frábær bændaglíma í gær, veðrið geggjað, Hlíðavöllur skartaði sínu fegursta og allir að skemmta sér vel.

Hörkuspennandi keppni leidd áfram af bændunum Eyjólfi og Halla. Niðurstaðan jafntefli og því var bráðabani þar sem Eyjólfur tryggði rauða liðinu sigur :)

Takk öll sem tókuð þátt, þetta var algerlega geggjaður dagur :)

11/09/2026

Jæja nú er veislan á morgun, Bændaglíma GM 2026.

Hlökkum til að sjá ykkur á morgun, veðurspáin er flott og það stefnir í stórkostlegan dag :)

Mæting kl. 11.00. Hægt að koma aðeins fyrr og fá sér morgunmat á frábæru verði, 1990 kr.

Veitingatjöld úti á velli, bændurnir klárir í slaginn og megi betra liðið sigra!

Matur og veisla að leik loknum.

10/09/2026

Bændaglíman 2026.

Jæja eru ekki allir orðnir spenntir.

Það hafa orðið nokkrar breytingar þar sem nokkrir kylfingar hafa forfallast. Á myndinni má sjá hvernig liðin eru núna. Það hafa einhverjir sem voru fyrir á listanum færst til en það er þá ávallt innan liðsins.

Það verður líf og fjör á laugardaginn. Það er mæting kl. 11:00 og við ræsum út af öllum teigum kl. 12:00.

Það verður tilboð á morgunverðarhlaðborði á Blik fyrir þá sem vilja fá smá næringu fyrir leik. Verðið á hlaðborðinu er 1990 krónur. Egg og beikon og eitthvað með því.

Á meðan að á leik stendur verður boðið upp á veitingar í föstu formi út á golfvelli ásamt því að það verður dýrindis hlaðborð að leik loknum ( þetta er allt inn í þátttökugjaldinu).

Veitingar í fljótandi formi verða einnig í boði á góðu verði 🙂

Bændurnir eru klárir í slaginn og þið vonandi líka, munið að mæta í rauðu og bláu.

Hlökkum til að sjá ykkur 🙂

10/09/2026

Bændaglíman 2026.

Jæja eru ekki allir orðnir spenntir.

Það hafa orðið nokkrar breytingar þar sem nokkrir kylfingar hafa forfallast. Á myndinni má sjá hvernig liðin eru núna. Það hafa einhverjir sem voru fyrir á listanum færst til en það er þá ávallt innan liðsins.

Það verður líf og fjör á laugardaginn. Það er mæting kl. 11:00 og við ræsum út af öllum teigum kl. 12:00.

Það verður tilboð á morgunverðarhlaðborði á Blik fyrir þá sem vilja fá smá næringu fyrir leik. Verðið á hlaðborðinu er 1990 krónur.

Á meðan að á leik stendur verður boðið upp á veitingar í föstu formi út á golfvelli ásamt því að það verður dýrindis hlaðborð að leik loknum ( þetta er allt inn í þátttökugjaldinu).

Veitingar í fljótandi formi verða einnig í boði á góðu verði :)

Bændurnir eru klárir í slaginn og þið vonandi líka, munið að mæta í rauðu og bláu.

Hlökkum til að sjá ykkur :)