Handknattleiksdeild Fram

Íslenska landsliðið skipað 18 ára og yngri er að gera það gott á Evrópumótinu um þessar mundir. Liðið er taplaust og hefur leikið frábærlega og er komið uppúr milliriðli.
Fram á tvo flotta fulltrúa í liðinu, þá Alex Unnar og Kristófer Tómas.
Við fylgjumst vel með og óskum strákunum góðs gengist í úrslitaleikjunum framundan!

HANDBOLTASKÓLI FRAM

Handboltaskóli FRAM er fyrir krakka á aldrinum 6-13 ára. Hópnum er skipt upp eftir aldri og þannig reynt að koma til móts við þarfir hvers hóps fyrir sig. Námskeiðið stendur í 1 viku, frá kl. 09:00-12:00 (börn fædd 2013-2016) og 13:00-16:00 (börn fædd 2017-2020) virka daga. Námskeiðið fer fram Íþróttamiðstöð FRAM Úlfarsárdal. Kennarar eru íþróttamenntaðir og handboltaþjálfarar hjá FRAM.

Námskeið 1. 10 - 14. ágúst 13:00-16:00 (börn fædd 2017-2020).
Námskeið 2. 10 - 14. ágúst 09:00-12:00 (börn fædd 2013-2016).

Skráning á Abler https://www.abler.io/shop/fram/sumarskoligrafarholt?program=Q2x1YlNlcnZpY2U6Mzk3MDI=

Alex Unnar Hallgrímsson framlengir!

Alex Unnar hefur framlengt samning sinn við Fram til næstu tveggja leiktímabila. Alex Unnar eða Kexi eins og hann er kallaður er bráðefnilegur vinstri hornamaður og verið máttarstólpi í 3.flokki og U-liðinu hjá okkur. Kexi er um þessar mundir upptekinn með u-20 ára liðinu sem er á leið á stórmót á næstu vikum.
Kexi lék líka sína fyrstu leiki í Olísdeildinni og Evrópukeppninni hjá okkur síðasta haust.

Kexi er mikill íþróttamaður, ekki bara öskufljótur, heldur með gífurlega mikinn sprengikraft sem hann hefur bæði frá náttúrunnar hendi sem og að hann er gífurlega duglegur í lyftingarsalnum, sem skilar sér heldur betur inn á völlinn.

Við hlökkum mikið til að sjá Kexa halda áfram að þróa sinn leik hjá okkur og erum mjög spennt að sjá hann stimpla sig inn hjá okkur í Olísdeildinni.

TIl hamingju með samninginn Alex Unnar og FRAM!

Breki Hrafn í atvinnumennsku!

Það er með trega sem við tilkynnum ykkur að Breki Hrafn leikur ekki með Fram á næsta tímabili, þó tilefnið sé mjög gleðilegt á sama tíma. Breki hefur vakið mikla athygli erlendis fyrir vasklega framgöngu sína síðast liðin tvö tímabil og niðurstaðan er sú að hann er fluttur erlendis í atvinnumennsku.

Breki Hrafn var lykileikmaður hjá okkur síðasta vetur og frá og með desember var hann í sérflokki í deildinni og var að lokum tekinn inn á landsliðsæfingar. Breki Hrafn hefur stundað æfingar af mikilli festu síðast liðin ár og tekið framförum eftir því.

Breki Hrafn er frábært dæmi um hvað einbeitt og góð vinna getur skilað miklu tilbaka, bæði fyrir hann sjálfan sem og félagið.

Á sama tíma sem við munum sakna þess að hafa Breka hjá okkur þá erum við bæði stolt og samgleðjumst honum mikið að hann fái að halda á vit ævintýranna og upplifa draum sinn sem er að verða atvinnumaður í handbolta.
Breki vakti auðvitað mikla athylgi hér heima fyrir þegar við urðum bikarmeistarar, ekki bara fyrir frábæra frammistöður á ögurstundu heldur því hann fór auðvitað á kostum líka í viðtölum, eftirminnilega.

Til hamingju Breki Hrafn og við hlökkum til að sjá þig í Framheimilinu í fríum og þegar þú flytur aftur heim!

Handknattleiksdeildir Fram og FH hafa náð samkomulagi um kaup Hafnarfjarðarliðsins á Eiði Rafni Valssyni. Eiður Rafn mun ganga rakleitt í raðir FH-inga.

Eiður Rafn er uppalinn Framari og hefur leikið stórt hlutverk í yngri flokkum félagsins þar sem hann vann til fjölda titla með öflugum liðsfélögum sínum. Þá festi hann sig í sessi í meistaraflokki á undanförnum árum og var hluti af liði Fram sem tryggði sér Íslands- og bikarmeistaratitilinn árið 2025.

Fram þakkar leikmanninum fyrir hans framlag til félagsins og óskar honum velfarnaðar á nýjum slóðum.

Jóhann Ágústsson gengur til liðs við Fram.

Okkur hefur borist liðstyrkur frá Hlíðarenda þar sem Jóhann Ágústsson kemur til okkar fyrir tímabilið. Jóhann er fæddur árið 2008 og kemur inn í meistaraflokkinn hjá okkur ásamt því að vera gjaldgengur í 3.flokk og U-liðið.

Jói eins og hann er kallaður kemur úr mikilli handboltafjölskyldu en systur hans tvær þær Ásdís og Lilja eru nýbakaðir Íslandsmeistarar með Val sem og faðir hans sem er þjálfari meistaraflokks Vals. Þá er móðir hans að sama skapi þjálfari í yngri flokkunum hjá Val við góðan orðstýr.
VIð erum mjög spennt að fá Jóa inn til okkar og spennt að sjá hann vaxa og dafna í okkar herbúðum.

Fram Open - skráning hafin! - Fram Fram Open fer fram með glæsibrag föstudaginn 7. ágúst 2026 á golfvellinum á Flúðum. Við bjóðum félagsmönnum, stuðningsmönnum og velunnurum félagsins velkomna

Partille Cup fer vel af stað, hér höfum við sigrað og tapað, hitt handboltahetjur fortíðar, nútíðar og framtíðar!
Dagur 2 og fullt af fjöri eftir!!!

103 Krakkar og starfsmenn eftir því voru rétt í þessu að leggja af stað á vit ævintýranna til Gautaborgar í Svíþjóð.
Þar sem þau munu spreyta sig a Partille Cup í komandi viku.
Við óskum þeim góða gengis og skemmtunar!
Áfram Fram!

Garpur Druzin Gylfason heldur á vit ævintýrana.

Garpur kom inn í meistaraflokkshópinn okkar fyrir 3 árum og hefur bætt sig jafnt og þétt síðan. Eftirminnilegar eru 3 stórkostlegar vörslur hans á stuttum tíma úti í Porto seint á síðasta ári þar sem hann stimplaði sig rækilega til leiks í evrópukeppninni.

Garpur hefur ekki bara látið til sín taka á vellinum heldur líka utan vallar í alls kyns verkum til að hjálpa til við umgjörð leikja og liðsins.

Það er mikill missir af Garpi, frábærum félagsmanni, en hann fer ekki langt og við munum fylgjast spennt með framþróun hans. Við í Fram óskum þér alls hins besta og gangi þér gífurlega vel í nýju liði.