RK Vardar 1961

Продолжување на соработката со кондициониот тренер Јовановски и промоција во првиот тим на Нечовски!

Нашиот кондиционен тренер Матеј Јовановски и во наредната сезона ќе биде дел од стручниот штаб на Иван Чупиќ, откако низ текот на цела сезона прикажа сериозен процес на работа и унапредување на физичката подготвеност на играчите.

Покрај него, промоција во првиот тим со договор на три сезони и шанса за докажување во сениорска конкуренција ќе добие младиот Никола Нечовски кој беше лично селектиран од страна на Иван Чупиќ и спортскиот директор Владо Недановски. Промоцијата на Нечовски во првиот тим, треба да биде поттик и за сите останати играчи кои се дел од нашите младински категории, дека со сериозен пристап и напредок може да се стигне и до сениорскиот тим. Нечовски во наредната сезона, треба да претставува надополнување на плејмејкерската позиција каде Јака Малус и Матео Фадуил ќе го понесат главниот товар.

КАПИТЕНОТ НА ВАРДАР ГО ИГРА ПОСЛЕДНИОТ ТАНЦ

Капитенот на нашиот клуб, Гоце Георгиевски потпиша нов договор за наредната сезона и својата богата кариера ќе ја заврши во Вардар!
Гоце Георгиевски е дете на Металург, а во својата богата кариера бележеше одлични настапи во екипите на Тулуз-Франција и Букурешт-Романија.

Во Вардар пристигна во сезоната 2020/21 и од тој момент, претставува незаменлив дел од клупскиот мозаик.

РК Вардар е неизмено горд што нашиот капитен го продолжи договорот за уште една сезона и својата кариера ќе ја заврши во нашиот клуб!
Се надеваме со уште поуспешна сезона од актуелната!🔴⚫️

Вардар ја продолжи соработката со Марио Келентриќ до 2028 година ❤️🖤
‼ РК Вардар ја продолжи соработката со тренерот на голманите Марио Келентриќ, кој и во наредните две сезони ќе остане дел од стручниот штаб на „црвено-црните“. Според новиот договор, Келентриќ ќе работи во клубот до јуни 2028 година.
Келентриќ пристигна во Вардар во јуни 2025 година, и легендарниот хрватски голман дојде во Скопје со богато искуство и енергија, откако работеше во Германија.
👉 Келентриќ беше дел од „златната генерација на Хрватска“ која го освои светското злато во 2003 година во Португалија и среброто на Олимписките игри во Атина 2004. Бранел за Загреб, Целје, Метковиќ, Тусем Есен и Мелсунген, а како тренер работел во Гумерсбах, каде четири години бил задолжен за сите категории на голмани во клубот. Исто така работел и со репрезентацијата на Босна и Херцеговина, како и во ППД Загреб и Слога Добој
🏆 Одлуката за продолжување на соработката доаѓа по сезона во која Вардар се врати на трофејните патеки на домашната сцена и повторно ја освои двојната круна во Македонија. Голманите на Вардар на многу натпревари беа еден од клучните фактори за добрите резултати, а за нивната форма се грижи Келентриќ.
Покрај домашните успеси, Вардар имаше и значаен европски настап, откако стигна до Топ-8 фазата во Лига Европа.
Задржувањето на Келентриќ е важен чекор кон стабилност и континуитет во работата на стручниот штаб.

Пораз на гостувањето кај Охрид

Двојната круна е освоена... Продолжуваме кон нови успеси...
Денеска Вардар гостува во Охрид
Почеток: 18 ч.

Вечерва требаше да се биде во „Јане Сандански“. Да се почувствува енергијата, да се радуваме заедно на титулата, да пееме за успехот и да си ветиме дека повторно ќе ја полниме салата и ќе освојуваме нови врвови.
Вардар - Еурофарм Пелистер 34-19.
На три кола до крај на сезоната, Вардар е новиот шампион, освојувајќи ја и двојната круна во Македонија.

Двојна круна 🏆🏆🇲🇰♥️🖤
Вардар - Еурофарм Пелистер 34-19

ДЕНЕС ИГРА ВАРДАР! 🔴⚫🔥
Пред нас е натпревар што може и теоретски да ја потврди титулата и двојната круна. 💪🏆🇲🇰
Вардар вечерва го пречекува Еурофарм Пелистер во „Јане Сандански“ во уште едно големо дерби на домашната сцена.
🗓️ 7 мај
⏰ 19 часот
🏟️ СЦ „Јане Сандански“
🎫 Билети на - https://ticketx.com.mk/events/vardar-pelister2
Сега е моментот да бидеме заедно, да ја наполниме салата и со полни трибини да му дадеме поддршка на Вардар во борбата за уште една голема радост. ❤️
Да бидеме заедно.
Да навиваме заедно.
И да се радуваме заедно. 🔴⚫🔥