FC Maradona Shtip

Мали нозе големи соништа ⚽
И покрај временските услови 🌧️ нашите млади фудбалери излегуваат на терен со срце, желба и љубов кон играта. 👏
Овде се учи што значи борба, тимски дух и дисциплина.
Секој тренинг е чекор напред, секоја насмевка е доказ дека сме на вистинскиот пат. Не градиме само фудбалери 👉🏻 градиме карактери, пријателства и деца што веруваат во себе. 💛💙
Горди сме на секое дете, на секој труд и на секој постигнат успех. Ова е повеќе од фудбал - ова е љубов. 🌟⚽

Фудбалска дружба, насмевки и нови познанства ⚽🤝

Денес бевме гости кај нашите пријатели од Villarreal Masters Academy од Скопје, со кои одигравме неколку пријателски натпревари во атмосфера исполнета со спортски дух, позитивна енергија и искрена љубов кон фудбалот.
На теренот, младите фудбалери од двата клуба прикажаа борбена и динамична игра, но пред сè фер-плеј, меѓусебна почит и желба за натпреварување во вистински спортски дух. 💛💙

Ваквите средби се повеќе од игра, тие се можност за учење, растење и градење пријателства на и надвор од теренот. 👏⚽️

⚽ Кога љубовта кон фудбалот станува дело ⚽

За прв пат во историјата на Општина Штип, неколку млади фудбалски ентузијасти одлучија да направат нешто самостојно без да зависат од други структури. Да вложат сопствени финансии, време и љубов кон спортот се со една цел подобри услови и подобра спортска иднина за младите фудбалерчиња на градот 💯

Од запуштена површина, чекор по чекор, почнавме сами да градиме нешто што веруваме дека ќе остане забележано во аналите на фудбалската историја на Штип.
Нема ветувања и големи зборови има работа на терен. 🏟️
Нов лик на населба Баби, санирање, уредување... со една јасна цел:
👉 Подобри услови и посветла спортска иднина за младите фудбалерчиња на нашиот град.

Ова е само почеток.
Продолжуваме уште посилно, затоа што Штип заслужува повеќе. 💪⚽

🎄Големa БЛАГОДАРНОСТ на сите дечиња, родители, тренери и сите вие што нè следите и поддржувавте во изминатата година, каде креиравме прекрасни мемории и успеавме да усмериме многу дечиња во спортот 👏
🎊 Нека 2️⃣0️⃣2️⃣6️⃣ ни биде уште поуспешна и посреќна 🏟️
Нашиот тим тренери Ви посакуваат среќни новогодишни празници🎅

Happy new year 2️⃣0️⃣2️⃣6️⃣ 🥳 🎊

Наближува најубавиот период од годината 🥳 новогодишните и Божиќните празници, кои ја носат целата магија, празничен дух и многу детски насмевки 🎄✨
Период исполнет со љубов, топлина, заедништво и мали радости кои за децата значат сè 🎁
Со оваа активност пред зимскиот одмор, нашиот тим тренери ја заокружи со уште една успешна година - година полна со натпревари, дружења, искрени емоции и многу среќни фудбалерчиња ⚽👏
Горди сме што сме дел од нивното детство и што заедно градиме вредности кои ќе ги носат цел живот 💙

Тимот тренери, Ви ги честита Божиќните и Новогодишните празници, посакувајќи Ви многу здравје, среќа и успех во новата 2026 година, како на приватен, така и на професионален план 🎊✨
Посебна и искрена благодарност од срце 💙 до нашиот поддржувач оваа година Ресторан Tajna Većera како и до анонимните родители со големо срце, кои несебично ги израдуваа нашите најмали со новогодишни пакетчиња 🎁🙏
Вие сте доказ дека заедно можеме да создадеме моменти што ќе останат засекогаш во детските спомени 🎄❤️

Со пригодни благодарници и признанија за младите фудбалери ја испраќаме 2025 година како НАЈУСПЕШНА година на нашата школа🏅
Во изминатата година нашите фудбалери на секој тренинг и натпревар даваа повеќе од 100%, година во која имаше многу победи и порази но пред се научени многу животни и спортски лекции.🙏
🙌 2025 сепак ќе остане најуспешна сезона до сега поради постигнатите резултати на регионално и државно ниво. На регионално ниво успеавме со 4 од 6 генерации да се закитиме со првото место и да избориме директен пласман помеѓу 16 НАЈДОБРИ екипи во цела МАКЕДОНИЈА. 🏆
На државно ниво најзабележителни ќе останат резултатите на генерацијата 2014 која успеа да го освои високото 3 место, и одличниот настап на генерација 2012 која годината ја заврши како 4 најдобра екипа во државата. 👏
Во новата 2026 година на сите наши деца им ветуваме дека продолжуваме со професионалниот начин на тренинзи, најдобри услови за тренинг во целиот град и пошироко, натпревари со најдобрите клубови во Македонија, Балканот и Европа, и секако доживување на прекрасни заеднички моменти кои ќе не изградат во подобри личности 🔝

На сите родители им ветуваме дека нашата грижа за нивните деца ќе биде на уште повисоко ниво, непрекината социјализација, моменти на кои ќе се гордеете и сеќавате цел живот и правилно насочување кон здрави животни и работни навики за правилен раст и развој на вашите и наши, најмили, ИДНИ ФУДБАЛСКИ ЅВЕЗДИ! 🎄

#среќнипразници #генерација2014-15 #СреќнаНоваГодина 🥳

Нашата генерација 2017та учествуваше на новогодишниот турнир во организација на ФК БУТЕЛ под мотото ,,Спортска навика - здрава младина” во Скопје. 🎅
Во групната фаза остваривме одлични резултати, со победи против екипите на ФК Вардар и екипата на ФШ Гроздановски, додека со домаќинот Бутел одигравме нерешено 1:1, токму екипата на Бутел на крајот се закити со првото место на турнирот. 🏆

🎄Пласманот нè однесе во четвртфиналето, каде што ја совладавме екипата на Њу Старс. Во полуфиналниот натпревар бевме поразени од екипата на Аеродром, а во натпреварот за третото место загубивме од екипата на Дрим Тим. 🏅
На крајот, нашите дечиња го освоија одличното 4-то место голем успех и уште поголема гордост, особено ако се има предвид дека ова им беше прво турнирско искуство. Големо браво за нивната борбеност, желба и прикажана игра👏⚽

Каков ден за нашите дечиња ⚽️
Сите генерации беа активни и покажаа огромна желба, енергија и љубов кон фудбалот. ☀️

Големо браво за целиот тим тренери за посветената работа и поддршката 🏟️

Ве известуваме дека називот „Брегалница Кидс“ ќе биде променето и веќе е почната процедура. Процесот на промена ќе се реализира благовремено во текот на месец декември.
За сите дополнителни информации и детали за новото име, јавноста ќе биде навреме информирана 🥅

Ви благодариме на големата поддршка, драги родители! 🙏
Групите се веќе формирани и за време на зимскиот период сите дечиња ќе тренираат во сала. ⚽
Од месец март ве очекуваат многу новитети.
А за секое ново запишано дете во зимскиот период 👉 три месеци бесплатно во нашата приватна школа. 👏

☀️ Временските услови ни дозволија и овој викенд да уживаме, да се забавуваме, натпреваруваме и надигруваме! 🔝

👉 Одиграно е и последно првенствено коло од ФФМ Детска фудбалска лига за оваа календарска година, против екипата на ФК Јанг Боис Неготино⚽️

Голема чест, големо искуство и уште поголема радост, браво за сите дечиња🔥

🏟️ Викендов се одигра градското дерби помеѓу Брегалница и Мал Ајакс, во рамки на регионалната лига за генерацијата 2011/12🔴

Сакавме да споделиме една искрена порака до сите родители: ⤵️
👉🏻 Кога ги гледаме нашите деца како играат – гледаме другарство, смеа и желба за спорт. Тие се дружат надвор од фудбалот, растат заедно, одат во исто училиште, живеат во ист град. За нив ова е игра, предизвик и ново искуство, а не битка.

🙏🏻 Затоа Ве охрабруваме да уживате во секоја минута, да ги поддржувате со позитивна енергија и да не бидеме поделени на трибините како фанатици.
Во следните неколку месеци токму овие деца ќе играат заедно, како еден тим.
Денес на различни страни, утре на ист терен, со ист грб и исто другарство. 🤝
🌞 Фудбалот треба да спојува, а не да разделува. ⚽️
Да им покажеме на децата како изгледа вистинска спортска култура. ❤️💙