FK Belasica

30/08/2026

30/08/2026

104 години Беласица, промоција на веб сајтот
https://www.belasicahistory.mk/
Доделување на плакети на играчите со најмногу натпревари:
Петар Андреев
Милан Василев
Ристо Панов
Костадин Секулов
Томе Стојанов
Дончо Георгиев
Љупчо Мафков
Мите Георгиев- Шеки
Беласица ќе продолжи и понатаму со оддавање на признанија на свои поранешни фудбалери, преку врамени дресови и плакети. Во следниот период следуваат признанија за: Панче Пантазиев, Томе Ефтимов Тони Атанасов, Ванчо Костов - Манго, Горан Стојановски, Васко Георгиев, Марјан Илиев, Ванчо Дрвошанов, Благој Митев,...

30/08/2026

25/08/2026

💥💥ИЗВЕСТУВАЊЕ ДО СИТЕ ЉУБИТЕЛИ НА ФУДБАЛОТ ВО СТРУМИЦА ДЕКА ВО НЕДЕЛА ПРЕД НАТПРЕВАРОТ ЌЕ ИМАМЕ МАЛА СВЕЧЕНОСТ КАДЕ ПРОДОЛЖУВАМЕ ДА ИМ СЕ ЗАБЛАГОДАРУВАМЕ НА ИГРАЧИТЕ КОИ ВЛЕГУВААТ ВО ТОП 10 ПО БРОЈ НА НАСТАПИ ЗА КЛУБОТ ОД НЕГОВОТО ФОРМИРАЊЕ ПА ДО ДЕНЕС.

ВО ТОП 8 НА ТАА ЛИСТА Е ЉУПЧО МАФКОВ ЛЕГЕНДАРЕН ГОЛГЕТЕР, КАДЕ ОД ИМЕТО НА КЛУБОТ ВО НЕДЕЛА ПРЕД НАТПРЕВАРОТ ПРЕТСЕДАТЕЛОТ СЛАВЧО ВАСКОВ-ПИНДА ЌЕ МУ ДОДЕЛИ ПЛАКЕТА И ВРАМЕН ДРЕС СО НЕГОВОТО ИМЕ И БРОЈОТ НА НАСТАПИ.💥💥

Љупчо Мафков, најдобриот стрелец на сите времиња на Беласица со вкупно 115 првенствени голови, постигнати сите во Првата македонска лига.
Настапува на 260 првенствени натпревари по што е осми во историјата на Беласица, во текот на 10 сезони.
Дебито и првиот гол за Беласица го забележува против Слога од Скопје во март 1973 година, на 18 годишна возраст. Во следните две сезони е втор стрелец на тимот (1973/74 - 9 голови, зад Шеки, а 1974/75 - 10 голови, зад Б. Тасев). Најдобар стрелец на Прва македонска лига со 27 голови е во сезоната 1975/76, притоа на три натпревари постигнува, хет-трик. Следната 1976/77 со 19 голови е втор најдобар стрелец во лигата (хет- трик против Тиквеш), позади Миле Боев. Најдобрите македонски екипи го бараат, но останува верен на Беласица. Во следната сезона (1977/78) по трет пат последователно е најдобар стрелец на тимот со 16 голови. На мечот со Транскоп дава хет-трик, а со Гостивар постигнува 4 гола. Во сезоната 1978/79, Беласица засилена со своите поранешни играчи, го освојува третото место, а Мафков со 12 голови е втор стрелец на тимот, зад Н. Секулов. Во сезоната 1979/80, по 4-ти пат е најдобар стрелец на екипата со 11 голови, а Беласица пак е трета. Во оваа сезона на мечот против Љуботен постигнува 4 гола. Во сезоната 1980/81 постигнува 4 гола и оди во ЈНА во сезоната 1981/82. Се враќа во Беласица за сезоната 1982/83, кога Беласица станува шампион на Првата македонска лига. Последниот настап во Беласица го има во мај 1983 година против Охрид. Есента 1983 заминува во Тиверија, а потоа заминува во Дојранско Езеро.
Мафков ќе остане запаметен, како еден од најдобрите напаѓачи во Македонија, во пикот на својата кариера (периодот од 1973 до 1980 година).

ДА ДОЈДЕМЕ И ДА ГО ПОЗДРАВИМЕ ВЕЛИКАНОТ ЉУПЧО МАФКОВ.

#БеласицаЕСтрумица🔵⚪️🔵⚪️🔵
#СтрумицаЕБеласица🔵⚪️🔵⚪️🔵

25/08/2026

💥💥ИЗВЕСТУВАЊЕ ДО СИТЕ ЉУБИТЕЛИ НА ФУДБАЛОТ ВО СТРУМИЦА ДЕКА ВО НЕДЕЛА (30.08), ВО 20.00 ЧАСОТ ЌЕ СЕ ОДИГРА НАТПРЕВАРОТ ПРОТИВ ДЕТОНИТ.
ПРЕД НАТПРЕВАРОТ ЌЕ ИМАМЕ МАЛА СВЕЧЕНОСТ КАДЕ ПРОДОЛЖУВАМЕ ДА ИМ СЕ ЗАБЛАГОДАРУВАМЕ НА ИГРАЧИТЕ КОИ ВЛЕГУВААТ ВО ТОП 10 ПО БРОЈ НА НАСТАПИ ЗА КЛУБОТ ОД НЕГОВОТО ФОРМИРАЊЕ ПА ДО ДЕНЕС.

ВО ТОП 7 НА ТАА ЛИСТА Е ДОНЧО ГЕОРГИЕВ ЛЕГЕНДАРЕН ГОЛМАН, КАДЕ ОД ИМЕТО НА КЛУБОТ ВО НЕДЕЛА ПРЕД НАТПРЕВАРОТ ПРЕТСЕДАТЕЛОТ СЛАВЧО ВАСКОВ-ПИНДА ЌЕ МУ ДОДЕЛИ ПЛАКЕТА И ВРАМЕН ДРЕС СО НЕГОВОТО ИМЕ И БРОЈОТ НА НАСТАПИ.💥💥

Дончо Георгиев е легендарен голман на Беласица, кој во периодот од 1973 до 1987 година, забележува 262 првенствени натпревари во 13 сезони, со што е голман со најмногу натпревари за Беласица. Георгиев е на 7-то место по број на натпревари во историјата на Беласица и со неа станува два пати првак на Македонија.
Георгиев дебитира во дресот на Беласица, на 21 годишна возраст, есента 1973 година на натпреварот во Скопје против Југококта (денешна Македонија Ѓорче Петров). Таа сезона 1973/74, Беласица има три млади голмани: Благој Георгиев, Дончо Георгиев и Јовица Панчевски. Голот на Беласица го чува во два наврати и тоа од 1973 до 1985 и во сезоната 1987/88. Во сезоните 1974/75, 1975/76 и 1976/77, настапува на повеќе од 30 првенствени натпревари. Во периодот од 1978 до 1982 година ја дели минутажата со Благој Истатов. Георгиев на 20 натпревари го брани голот на Беласица, во сезоната 1982/83, кога Беласица станува шампион на Македонија. Во првите две сезони на Беласица во Втората југословенска лига - исток, Георгиев е на голот на вкупно 35 натпревари. Последниот првенствен настап го забележува во декември 1987 против Кожуф во Гевгелија, во Првата македонска лига. И во оваа сезона, 1987/88, Беласица станува шампион на Македонија, на тој начин Георгиев со Беласица по втор пат станува шампион.
Во овој период, Георгиев покрај со Истатов, е голмански тандем и со други големи голмански имиња како што се: Благој Георгиев (сезона 1973/74), Коце Костадинов (1976-78), Душко Василев (1983-84), Душко Руменовски (сезона 1984/85) и Марјан Илиев (сезона 1987/88).
Георгиев брани и една сезона во Тиверија (1986/87), каде забележува 19 настапи на првенствени натпревари.

ДА ДОЈДЕМЕ И ДА ГО ПОЗДРАВИМЕ ВЕЛИКАНОТ ДОНЧО ГЕОРГИЕВ.

#БеласицаЕСтрумица🔵⚪️🔵⚪️🔵
#СтрумицаЕБеласица🔵⚪️🔵⚪️🔵

24/08/2026

**** 104 години БЕЛАСИЦА ****

На 30 август (недела), ќе одбележиме 104 години од формирањето на Беласица - фудбалската гордост на Струмица.

Се покануваат сите поранешни играчи, тренери и сите кои допринеле за успесите на Беласица, да присуствуваат на свеченоста.

Во рамките на оваа свеченост, најпрвин ќе има промоција на веб страна за историјата на Беласица. Аце Стојанов ќе изврши презентација на веб страната, која ги обработува сите сезони на Беласица од 1922 г.па до последната. Ќе има дел и за легендите на Беласица, статистики, младинска школа,...

Потоа, ќе бидат доделени 7 плакети на пензионираните играчи со најмногу настапи за Беласица (Петар Андреев, Милан Василев, Ристо Панов, Костадин Секулов, Томе Стојанов, Дончо Георгиев и Љупчо Мафков).

Нема да биде заборавен, ниту најверниот навивач на Беласица, починатиот Петре Анџиев, за кој има изработено плакета, која ќе биде поставена на столчето, од каде го гледаше секој натпревар на Беласица.

Пред почетокот на натпреварот, на стадионот ќе бидат доделени врамени дресови на две наши легенди. На најдобриот стрелец на сите времиња на Беласица, Љупчо Мафков и на голманот со најмногу настапи за Беласица, Дончо Георгиев.

Потоа, сите заедно ќе го проследиме натпреварот од третото коло на Втората македонска лига, помеѓу Беласица и Детонит.

Да живее ФК Беласица - гордоста на Струмица.

21/08/2026

Денес нашиот тим беше во посета на манастирот Пресвета Богородица Елеуса, каде се запознавме со сите убавини на манастирот, а од страна на свештените лица добивме благослов за здравје и среќа за претстојната сезона.
🙏🙏

#беласицаеструмица🔵⚪️
#струмицаебеласица

21/08/2026

ОФИЦИЈАЛНО: МИХАИЛОВ НОВО ЗАСИЛУВАЊЕ НА ФК БЕЛАСИЦА

Во пресрет на новата сезона нашата екипа се засили со уште еден квалитетен играч со прволигашко искуство кој потекнува од Струмица.

Филип Михаилов е играч од средината на теренот и ќе претставува уште едно освежување во нашиот ростер, а очекуваме да внесе и уште поголем квалитет во средниот ред на нашиот тим.

Тој ни доаѓа од екипата на Брера ,а претходно беше дел од Академија Пандев и Тиквеш.

Му посакуваме добредојде и успешна сезона во плаво - белиот дрес! 🔵⚪️

#беласицаеструмица🔵⚪️
#струмицаебеласица