06/08/2026
♟️🇲🇳 АМЛАЛТ БИЕЛЛЭЭ — 10,000 ШАТАР МОНГОЛ УЛСАД ИРЛЭЭ!
WR Chess багийн эзэн Wadim Rosenstein-ий Монголын нийт шатарчдад өгсөн 10,000 ширхэг шатрын иж бүрдэл хандивлах амлалт ийнхүү биеллээ.
Монгол Улсад хүрэлцэн ирсэн энэхүү шатрын иж бүрдлүүд нь сургуулиуд, шатрын клубүүд, академиуд болон орон нутгийн хүүхэд, залуучуудад хүрч, шатрын боловсрол, хүртээмжийг нэмэгдүүлэхэд үнэтэй хувь нэмэр оруулах болно.
Wadim Rosenstein, WR Chess нь шатрын спортыг зөвхөн дэлхийн шилдэг тамирчдын өрсөлдөөнөөр хязгаарлахгүй, харин боловсрол, хамтын ажиллагаа, дараагийн үеийн хөгжилд чиглэсэн нийгмийн үнэ цэнтэй хөдөлгөөн болгон хөгжүүлэх эрхэм зорилготой ажилладаг.
Монголын шатрын спортын хөгжилд бодитой дэмжлэг үзүүлж, олон мянган хүүхэд, залуучуудад шинэ боломжийг нээж буй Wadim Rosenstein болон WR Chess-ийн хамт олонд Монголын шатрын хамт олны өмнөөс чин сэтгэлийн талархал илэрхийлье.
Мөн энэ оны 9 дүгээр сард болох Олон Улсын Шатрын Холбоо (FIDE)-ны Ерөнхийлөгчийн сонгуульд нэр дэвшиж буй Wadim Rosenstein танд өндөр амжилт хүсье.
Монголын шатрын хөгжилд оруулж буй энэхүү үнэтэй хувь нэмэр олон жил үргэлжлэх болтугай. ♟️🇲🇳
05/08/2026
🏆 "АЛДАР" СПОРТ ХОРООНЫ 80 ЖИЛИЙН ОЙН ХҮРЭЭНД ЗОХИОН БАЙГУУЛАГДАЖ БУЙ 2026 ОНЫ ӨСВӨРИЙН ШАТАРЧДЫН СОНДГОЙ НАСНЫ УЛСЫН АВАРГА ШАЛГАРУУЛАХ ТЭМЦЭЭН ЭХЭЛЛЭЭ ♟️🔥
Алдар спорт хорооны зааланд Өсвөрийн шатарчдын сондгой насны улсын аваргын төлөөх оюун ухааны ширүүн тулаан эхэлж, эхний өдрийн 1, 2, 3-р өргүүд амжилттай өндөрлөлөө.
📊 ТЭМЦЭЭНИЙ СУДАЛГАА:
* Нийт оролцогч: 807 өсвөрийн тамирчин
* Дотоодын рейтингийн судалгаа:
* Монголын дотоодын рейтингтэй 291 тамирчин
* Шинэ буюу рейтинггүй: 516 тамирчин
* 🏆 Цолтой тамирчдын тоо (Нийт 38 тамирчин):
*WIM (Эмэгтэй ОУМ): 1
* FM (ФИДЕ мастер): 4
* WFM (Эмэгтэй ФИДЕ мастер): 5
* CM (Дэлхийн шатрын холбооны мастер): 5
* WCM (Эмэгтэй ДШХ-ны мастер): 11
* NM (Спортын мастер): 1
* MK (Дэд Мастер): 7
* WMK (Эмэгтэй дэд мастер): 4
* 🇲🇳 Оролцож буй аймгууд:
Нийт 18 аймгийн баг тамирчид хүрэлцэн ирж оролцож байна. (Архангай, Баян-Өлгий, Булган, Говьсүмбэр, Дархан-Уул, Дорноговь, Дорнод, Завхан, Орхон, Өвөрхангай, Өмнөговь, Сүхбаатар, Сэлэнгэ, Төв, Увс, Ховд, Хөвсгөл, Хэнтий)
⏰ МАРАГААШИЙН ХУВААРЬ (2026.08.06):
Тэмцээний 2 дахь өдөр 4, 5, 6-р өргүүд дараах цагийн хуваариар явагдана:
* ⏱️ 09:00 — 4 дүгээр өрөг
* ⏱️ 13:00 — 5 дугаар өрөг
* ⏱️ 16:30 — 6 дугаар өрөг
Нийт оролцож буй ирээдүйн аваргууд, өсвөрийн шатарчиддаа маргаашийн өргүүдэд нь өндөр амжилт хүсье! Ухаан саруул, нүүдэл бүр нь оновчтой байх болтугай!
АМЖИЛТ ХҮСЬЕ! ✊♟️🏆
