Sjálfsrækt

24/09/2026

Smá liðkun í byrjun dags gerir okkur voða gott. Gefðu þér nokkrar mínútur 🙏💚

23/09/2026

STYRKUR OG UPPBYGGING
– að treysta líkamanum á ný 🌿

Vertu með okkur í Sjálfsrækt!

Styrkur og uppbygging er fyrir konur sem vilja byggja sig upp á öruggan og markvissan hátt. Við vinnum meðal annars með grunnstyrk, hreyfigetu, öndun og líkamsvitund ásamt einföldum leiðum til að styðja við taugakerfið.

Hjá Sjálfsrækt æfum við í litlum hópi þar sem hver og ein fær persónulega leiðsögn og æfingar sem taka mið af hennar líkama, getu og dagsformi. Hér snýst hreyfing ekki um að ýta sér áfram hvað sem það kostar, heldur að læra að hlusta á líkamann, skilja hann betur og byggja smám saman upp meira traust, styrk og öryggi.

Þú þarft ekki að vera í góðu formi til að byrja, mikilvægast er bara að byrja 💚

Næsti hópur hefst 6. október.

Nánari upplýsingar og skráning á www.sjalfsraekt.is

Byggðu upp sterkan, hraustan og öryggi í líkamanumLangar þig að styrkja líkamann, hreyfa þig betur og finna fyrir meiri orku og vellíðan í daglegu lífi?...

21/09/2026

Næsta laugardag verða Guðrún og Hrafnhildur með Pop Up tíma í Sjálfsrækt.

🌟Mjúk hreyfing og nidra
🌟90 mínútna gæðastund með nærandi mjúkri hreyfingu og djúpslökun
🌟3500 krónur fyrir stundina - miðar inni á Abler

20/09/2026

Andleg vanlíðan snertir okkur flest á einhverjum tímapunkti í lífinu, annaðhvort í eigin lífi eða hjá fólkinu í kringum okkur. Við sjáum hvert annað eins og við birtumst í dag en sjáum sjaldnast alla söguna sem liggur að baki. Róin sem við sjáum hjá einhverjum getur verið eitthvað sem viðkomandi hefur þurft að læra og styrkurinn orðið til í gegnum erfiða reynslu. Sá sem virðist hafa allt á hreinu getur verið að ganga í gegnum erfiðasta tímabil lífs síns og vinur sem hefur verið óvenju hljóður gæti þurft að heyra frá okkur.........

Oft getur það þó reynst okkur erfitt að segja við aðra manneskju að okkur líði ekki vel og við þurfum á henni að halda. Við svörum „allt gott“ nánast án þess að hugsa þegar einhver spyr hvernig við höfum það. Við viljum ekki íþyngja öðrum, vitum kannski ekki hvernig við eigum að koma orðum að líðaninni eða vonum að hún líði hjá. Þannig getur einföld spurning stundum skipt meira máli en við gerum okkur grein fyrir: Hvernig hefurðu það, í alvöru?

Lestu alla greinina hér:
https://www.sjalfsraekt.is/frodleikur/

18/09/2026

Langar þig að koma meiri hreyfingu, slökun og vellíðan inn í rútínuna? 💚

Með 3 mánaða korti færðu ótakmarkaðan aðgang að öllum opnum tímum í Sjálfsrækt og getur mætt eins oft og hentar þér.

Í Sjálfsrækt nálgumst við hreyfingu út frá því að það sé ekki alltaf meira eða meira krefjandi sem líkaminn þarf. Við viljum hjálpa þér að kynnast líkamanum betur, hlusta á hann og finna hvað styður við þig hverju sinni.

Þess vegna eru tímarnir okkar fjölbreyttir. Suma daga þurfum við styrk og hreyfingu, aðra meiri liðleika og mýkt og stundum er það ró, slökun og hvíld sem hentar okkur best.

Kortið gildir í þrjá mánuði frá kaupdegi og kostar 47.900 kr. 💚

16/09/2026

🧘‍♀️ Jóga Vellíðan fyrir 60+

Langar þig að gefa þér tíma til að hægja á, liðka líkamann og njóta þess að hreyfa þig í rólegu og notalegu umhverfi?

Jóga Vellíðan er 8 vikna námskeið fyrir 60+ þar sem farið er rólega og mjúklega í jógastöður, öndun og slökun. Dvalið er í stöðunum í nokkrar mínútur og hver og einn vinnur á sínum hraða.

Námskeiðið hentar bæði þeim sem eru að stíga sín fyrstu skref í jóga og þeim sem hafa stundað jóga áður. 🌿

✨ Markmiðið er meðal annars að auka liðleika og hreyfifærni og gefa líkamanum og huganum góða stund til að slaka á.

📅 7. október – 28. nóvember
🕚 Miðvikudagar kl. 10:00
📍 Sjálfsrækt, Brekkugötu 3, Akureyri

Kennari: Þóra Hjörleifsdóttir
Verð: 32.900 kr.

Ef þig langar að prófa rólegt og endurnærandi jóga, þá gæti þetta verið eitthvað fyrir þig. 💚

Jóga Vellíðan fyrir 60+ Jóga Vellíðan eru rólegir og endurnærandi jógatímar fyrir 60+ þar sem farið er hægt og mjúklega inn í allar stöður og dvalið í stöðunum í nokkrar mínútur. Frábært fyrir þau sem langar að byrja að stunda jóga en telja sig ef til vill vera of stir....

11/09/2026

Hefurðu verið að hugsa um að skella þér í áskrift hjá okkur? 🤍

Áskriftin er fyrir þig sem vilt hafa fjölbreytta hreyfingu, slökun og sjálfsrækt sem hluta af þínu lífi.

Með áskrift færðu aðgang að öllum opnum tímum í tímatöflunni og getur valið eftir því hvað hentar þér og líkamanum hverju sinni.

Í fjölbreyttum tímum lærum við að hlusta betur á eigin líkama og veita honum það sem hann þarf, hvort sem það er hreyfing, styrkur, mýkt, slökun eða hvíld.

Áskriftin kostar 14.900 kr. á mánuði og henni fylgja ýmis fríðindi, meðal annars aðgangur að netefni, afsláttur af völdum viðburðum og námskeiðum og afsláttur af Vivo Barefoot skóm hjá Eirberg.

En stærstu fríðindin eru auðvitað þau að þú ert að ákveða að gefa líkama og sál tíma og athygli. Og við ætlum að gera okkar allra besta til að hjálpa þér að gera það vel hjá okkur. 🤍

Og já, þú mátt alveg byrja núna. Það þarf ekki að vera mánudagur, mánaðamót eða „rétti tíminn“.

Við tökum alltaf vel á móti þér í Sjálfsrækt 💚

07/09/2026

Það virðist einhvern veginn fylgja því að sem við eldumst þá förum við að tala meira um líkamann og það sem er að angra okkur. Bakið er eitthvað að stríða okkur, öxlin ekki alveg eins góð og hún var og það tekur aðeins lengri tíma að koma sér í gang á morgnana. Við skellum síðan skuldinni á hækkandi aldur. Það er vissulega rétt að við eldumst stöðugt og líkaminn breytist með aldrinum. Ég velti því þó oft fyrir mér hvort við séum stundum aðeins of fljót að skrifa allt á aldurinn því eitt sem líkaminn er ótrúlega góður í er að aðlagast því sem við gerum og því sem við hættum að gera.

Sem börn hugsum við ekkert sérstaklega um hreyfigetu. Við setjumst auðveldlega á gólfið, stöndum upp, skríðum, klifrum, höngum, hlaupum, hoppum og snúum okkur í allar mögulegar áttir. Svo líður tíminn og hreyfingarnar verða færri og einhæfari. Við sitjum meira og lengur, keyrum á milli staða og þegar við hreyfum okkur er það oft á svipaðan hátt. Sama mynstrið endurtekið aftur og aftur. Þannig, í rauninni, erum við að þjálfa það.

Líkaminn er gerður til að hreyfast í allar áttir. Við beygjum okkur, réttum úr okkur, færum okkur til hliðar og snúum upp á okkur. Við snúum okkur eftir einhverju í aftursætinu, teygjum okkur upp í skáp, stígum yfir eitthvað eða grípum okkur þegar við missum jafnvægið. Þannig viljum við geta hreyft okkur í daglegu lífi, án þess að þurfa að hugsa um það.

Vandinn er að ef við hættum að gera ákveðnar hreyfingar verðum við smám saman verri í þeim. Mjaðmirnar verða stífari, við eigum erfiðara með að snúa okkur og bakið er ekki eins vant því að beygja sig og áður. Og þá kannast margir við að eitthvað sem virðist ósköp saklaust verður allt í einu til þess að maður „festist í bakinu“, fær tak í hálsinn eða finnur að líkaminn er bara ekki eins tilbúinn í hreyfinguna og maður hélt.

En lífið hættir ekki að kalla á þessar hreyfingar. Við þurfum enn að moka snjó, bera innkaupapoka, lyfta einhverju upp af gólfinu eða snúa okkur snögglega. Þess vegna er svo mikilvægt að halda áfram að nota líkamann á sem fjölbreyttastan hátt.

Ef einhverjar hreyfingar hafa tapast með tímanum er ekki þar með sagt að þær séu farnar fyrir fullt og allt. Við getum byrjað að æfa þær aftur, byggt okkur smám saman upp og kennt líkamanum aftur það sem hann hefur kannski ekki gert í mörg ár.

Lestu alla greinina hér: https://www.sjalfsraekt.is/frodleikur/

06/09/2026

Hvernig virkar skráning í tíma hjá okkur? ✨

Hér höfum við tekið saman það helsta sem gott er að vita um skráningar, afskráningar og biðlista hjá Sjálfsrækt.

Við hvetjum þig sérstaklega til að skrá þig á biðlista þó tíminn sé fullur. Pláss losna reglulega og þá færðu sjálfkrafa tilkynningu í Abler appinu ef þú kemst inn.

Og ef þú sérð fram á að komast ekki í bókaðan tíma, mundu að afskrá þig svo einhver annar fái tækifæri til að nýta plássið 🤍

Við hlökkum til að taka á móti þér í Sjálfsrækt.