24/08/2026
Takk fyrir frábært sumar!💙💛
Nú er síðasta námskeiði sumarsins í fimleika- og leikjaskóla Gróttu lokið og við kveðjum sumarið full þakklætis.
Það hefur verið ótrúlega gaman að taka á móti öllum þeim flottu krökkum sem komu til okkar í sumar. Mörg þeirra komu aftur og aftur og voru hjá okkur á þremur, fjórum og jafnvel fimm námskeiðum – og það finnst okkur kannski segja meira en mörg orð.
Dagarnir voru fjölbreyttir og skemmtilegir – fimleikar, leikir, föndur, sund, hjólaferðir, fjöruferðir og alls konar ævintýri. Stórt TAKK til frábæra starfsfólksins okkar sem lagði metnað í að gera dagana skemmtilega og skapa góða stemningu fyrir krakkana.
Við viljum líka senda Sundlaug Seltjarnarness sérstakar þakkir fyrir frábærar móttökur í sumar. Við vorum tíðir gestir og alltaf var tekið jafn vel á móti okkur.
Og síðast en ekki síst – takk kæru krakkar og foreldrar fyrir sumarið og fyrir að velja að eyða hluta af því með okkur í Gróttu.
Við hlökkum strax til næsta sumars!
