SVFR

18/09/2026

Sandá að hrökkva í gang!

Nils Folmer Jorgensen sá frábæri veiðimaður skrapp aðeins í Sandá í Þjórsárdal í gær. Óhætt er að segja að skreppurinn hafi verið þess virði, Nils landaði 6 löxum, þar af einum 101cm! Nils sagði okkur að það væri mikið af fiski við Ósinn að bíða eftir að komast up...

17/09/2026

Við vorum að fá þrjár stangir í Langá 21. -23. september í endursölu vegna forfalla.🎣

Áin nálgast 1.200 laxa og iðar af lífi. Síðasti séns til að næla sér í veiðileyfi á þessu tímabili.

Verð fyrir eina stöng í tvo daga með félagaafslætti: 152.000 kr.

👉 Hægt er að ganga frá kaupum beint í vefsölu:
https://bit.ly/Langavefsala

Einnig er hægt að hafa samband við skrifstofu SVFR á [email protected]

🎣 Fyrstur kemur, fyrstur fær!

14/09/2026

🎣97 cm höfðingi á Miðsvæðinu í Laxá í Aðaldal🎣

Feðgarnir Máni Freyr Helgason og Helgi Jóhannesson voru við veiðar á Miðsvæðinu í Laxá í Aðaldal fyrir skömmu og var markmiðið einfalt, að Máni næði að landa alvöru stórlaxi.

Norðlenska haustið tók vel á móti þeim og sýndi allar sínar bestu hliðar. Á einum tímapunkti snjóaði meira að segja í fjöllunum í kring. Þegar líða tók á seinni kvöldvaktina lægði vindinn og héldu þeir í Símastreng, en þar höfðu þeir einmitt séð laxinn stökkva deginum áður.

Máni valdi fluguna Cascade og ekki leið á löngu þar til laxinn tók af krafti á nákvæmlega sama stað og hann hafði stokkið. Eftir góða viðureign kom laxinn á land og mældist 97 cm. að lengd, og markmið ferðarinnar náð. Er þetta jafnframt stærsti lax sem veiðst hefur á Miðsvæðinu í sumar.

Til hamingju Máni!

07/09/2026

🔥 Frábær veiði í Sandá – síðustu septemberhollin á sérkjörum 🔥

Það hefur heldur betur verið líf og fjör í Sandá í Þistilfirði undanfarna daga og vikur en síðustu holl hafa skilað flottri veiði, þar sem stórir laxar hafa verið áberandi.

Tæplega helmingur þeirra laxa sem hafa veiðst frá miðjum ágúst hefur verið 75 cm eða lengri.

Einnig höfum við fengið fjölmargar sögur af löngum og spennandi viðureignum við alvöru Þistilfjarðarhöfðingja þar sem laxinn hafði betur að lokum. Stórlaxarnir eru því klárlega á stjá!

Nú bjóðum við þrjú síðustu septemberhollin í Sandá á sérkjörum!

🎣 13.–16. september
🎣 16.–19. september
🎣 19.–22. september

📩 Áhugasamir geta haft samband við skrifstofu SVFR á [email protected] eða í síma 568 6050.

04/09/2026

Nú er tími stóru laxanna runninn upp í Miðá, en þessi glæsilegi 105 cm höfðingi kom á land um þetta leyti í fyrra! 🔥

Við lumum á einu lausu holli 9.–11. september.

🎣 Þrjár stangir – seldar saman
🪶 Eingöngu veitt á flugu
🏡 Veiðihús með heitum potti

Áhugasamir hafi samband á [email protected] eða í síma 568-6050.

👉 Skoða í vefsölu: https://bit.ly/mida_vefsala

02/09/2026

Efri Flókadalsá 10. - 13. september - Laust vegna forfalla🎣

Félagsmaður sem á bókað í Efri Flókadalsá 10. - 13. september getur því miður ekki nýtt hollið og býður öðrum félagsmönnum að kaupa það af sér á kostnaðarverði.

Veiðin í sumar er búin að vera mjög góð og er búið að skrá 898 bleikjur í veiðibókina, sem er tæplega 60% aukning frá því á sama tíma í fyrra. Laxinn er einnig mættur sem gerir þetta holl enn meira spennandi.😃

Hollið er frá fimmtudegi til sunnudags og því kjörið tækifæri til að lengja helgina og skella sér í veiði. 🎣

Verð er 303.300 kr. og fylgir veiðihús í sjálfsmennsku með.

Áhugasamir geta haft samband við [email protected]

28/08/2026

128 laxar eru nú komnir á land í Gljúfurá og þar með er veiðin komin yfir lokatölur síðasta árs, sem voru 117 laxar! 🙌

Miðað við góða veiði undanfarið eru spennandi tímar framundan, en við eigum eitt óselt holl 2.–4. september.

🎣 3 stangir
🏡 Frábært veiðihús með heitum potti
🐟 Kvóti: 2 laxar á stöng á vakt
🪱 Fluga og maðkur leyfð

Skoða í vefsölu 👉 https://tinyurl.com/yefpkuhb

26/08/2026

Veiðin er búin að vera mjög góð í Sandá í Þistilfirði í ágúst og er enn að veiðast nýgenginn lax, um alla á! 🎣

Eigum tvo spennandi laus holl í september sem gætu boðið upp á hörku veiði.

Sjá frétt í fyrstu athugasemd👇

25/08/2026

Sandá í Þjórsárdal iðar af lífi 🔥

Eftir vætusama daga undanfarið er óhætt að segja að Sandá sé hrokkin í gang! Frábært vatn og fiskur á víð og dreif í blússandi tökustuði.

Atli Már Óskarsson var við veiðar í gær og hafði vart undan við að setja í og landa, en stærsti laxinn mældist 88 cm! 👊

Nú er að hrökkva eða stökkva – lausar stangir bíða þín í vefsölunni!👉 https://bit.ly/sanda2 🎣

21/08/2026

Spennandi laus holl í ágúst, og laxinn er mættur í Sandá í Þjórsárdal!

🎣 Laxá í Aðaldal - Miðsvæðið. 24.-27. ágúst.
🎣 Gufudalsá 27. - 30. ágúst.
🎣 Vatnsdalsá í Vatnsfirði 24.-26 og 26. - 28 ágúst.

Sjá frétt í fyrstu athugasemd

SVFR er félagsskapur veiðimanna sem sameinar áhugafólk um stangveiði af öllum gerðum. Upplifðu náttúruna og spennuna við veiðar með okkur!