KTM Ísland

Eigum legend á lager! Til afgreiðslu strax.

KTM 300 EXC - árgerð 2026, götuskráð.

Verð 2.690.000.-

KTM Ísland þakkar fyrir frábæra keppnishelgi á Flúðum

KTM Ísland vill koma á framfæri innilegu þakklæti til allra þeirra sem komu að skipulagningu og framkvæmd fimm tíma keppninnar sem haldin var við Syðra Langholt á Flúðum um helgina.

Það var einstaklega ánægjulegt að sjá þann mikla fjölda fólks sem lagði leið sína á svæðið, hvort sem það var til að keppa, fylgjast með eða taka þátt í fjölskyldustemningunni. Sérstaklega var gaman að sjá börnin og þá miklu þátttöku sem var í barnakeppninni, sem sýnir vel þann vaxandi áhuga sem er á sportinu meðal yngri kynslóðarinnar.

Helgin var sannkölluð fjölskylduhátíð þar sem fólk á öllum aldri naut þess að hjóla og vera saman. Stemningin var frábær og greinilegt að svona viðburð hefur lengi vantað í dagskrá sumarsins hjá torfæru- og endurofólki landsins.

Þátttakan var mun meiri en á síðasta ári og mættu mun fleiri keppendur og gestir á svæðið. Það segir sitt um vinsældir viðburðarins að um 40 keppendur komu alla leið frá Egilsstöðum til að taka þátt í helginni.

KTM Ísland óskar öllum keppendum, aðstandendum, sjálfboðaliðum og skipuleggjendum til hamingju með frábæran viðburð og hlakkar til að sjá enn fleiri taka þátt á komandi árum.

Takk fyrir frábæra helgi!

Ameríska Motocrossið farið af stað – Jett kominn til baka og Danger Boy mættur í 450!

AMA Pro Motocross tímabilið hófst um helgina með fyrstu keppni sumarsins á Fox Raceway í Pala, Kaliforníu, og strax er ljóst að fram undan er eitt mest spennandi motocross-sumar síðari ára.

Mikil athygli var á endurkomu Jett Lawrence sem sneri aftur til keppni eftir meiðsli sem héldu honum frá Supercross tímabilinu. Lawrence hefur verið einn allra sterkasti ökumaður heims undanfarin ár og margir biðu spenntir eftir að sjá hvort hann næði strax sínum gamla hraða.

Ekki var minni eftirvænting eftir frumraun Haiden Deegan, betur þekktur sem „Danger Boy“, í 450 flokknum. Deegan hefur verið ein stærsta stjarna 250 flokksins undanfarin ár og nú fær hann loksins tækifæri til að etja kappi við stærstu nöfnin. Fyrsta viðureign hans við Lawrence vakti mikla athygli og margir telja að þar sé að myndast nýtt stórt einvígi í amerísku motocrossi.

Hápunktar frá keppninni í Pala má sjá hér:

Pala National - Highlights | MX Large Your One Stop Motocross News Site.

Flúðir Fimm Tímar lokið – dramatík fram á síðasta hring

Þvílíkur dagur og þvílík keppni á Flúðum þar sem úrslitin réðust ekki fyrr en á allra síðasta hringnum. Mikil barátta var allan tímann á milli liðsins með Ingvari Sverri og Zach Osborne annars vegar og Alex Salvini og Mána Frey hins vegar.

Strax á fyrsta hring varð Ingvar fyrir alvarlegu óhappi og handarbrotnaði. Þrátt fyrir meiðslin sýndi hann einstaka hörku og hélt áfram keppni með brotna hönd næstu klukkutímana, sem er afrek út af fyrir sig. Ingvar og Zach náðu engu að síður að halda forystunni lengst af keppninni, en eftir því sem leið á tók meiðslin að hafa áhrif.

Þegar aðeins einn til tveir hringir voru eftir hafði lið Alex Salvini og Mána Freys tekið forystuna. Fyrir síðasta hring tók Máni Freyr við og virtist stefna með sigurinn í höfn. Zach Osborne hafði þó ekki sagt sitt síðasta orð. Hann keyrði gríðarlega hratt í lokin, náði forskoti Mána upp og tókst að komast fram úr þegar stutt var eftir af síðasta hringnum.

Með því tryggðu þeir Ingvar Sverrir á GasGas og Zach Osborne á Beta sér sigur í einni mest spennandi keppni sem sést hefur lengi.

Til hamingju með sigurinn, Ingvar og Zach.

Úrslit

🥇 1. Ingvar Sverrir og Zach Osborne
🥈 2. Máni Freyr og Alex Salvini
🥉 3. Einar og Josh Spinks

Stærsta keppni ársins er í dag á Syðra Langholti við Flúðir.

Ræst verður kl 12:00 og flaggað út kl 17:00. Fyrir þá sem komast ekki er hægt að fylgjast með
stöðunni live á þessum link.

Hvið hvetjum alla til þess að mæta á svæðið, frítt inn.

enduro.co.is

Dagur fyrir Duke!

KTM 990 Duke fékk nýjan eiganda í dag — og þvílíkt hjól!

Það hefur verið gríðarleg aukning hjá okkur í Duke línunni undanfarið og mikill áhugi á götuhjólum almennt.

Það er greinilegt að fleiri eru að leita í kraftmikil, létt og skemmtileg hjól sem henta jafnt í borgina sem lengri túra — og Duke línan heldur áfram að hitta beint í mark.

Við óskum nýjum eiganda innilega til hamingju með þetta glæsilega hjól

Það verður sannkölluð hátíð fyrir íslenskt mótorhjólaáhugafólk þegar Trans Atlantic Offroad Challenge / Flúðir Fimm Tímar fer fram í Syðra-Langholti í Hrunamannahreppi á morgun laugardag.

Frítt er inn á viðburðinn í ár. Ræst verður klukkan 12:00 og flaggað út klukkan 17:00.

Stórhátíð mótorhjólafólks í Syðra-Langholti á laugardag Það verður sannkölluð hátíð fyrir íslenskt mótorhjólaáhugafólk þegar Trans Atlantic Offroad Challenge / Flúðir Fimm Tímar fer fram í Syðra-Langholti í Hrunamannahreppi næstkomandi laugardag, þann 3…

Við lokum kl 15:00 á morgun vegna Flúðir 5 tímar.

Endilega verið snemma á ferðinni, við
ætlum eftir lokun beint á Flúðir í PlayDay og barnakeppnina.

Húfa + gleraugu + loftsía að eigin vali fyrir motocross / enduro hjól.

Aðeins 24.900 kr.

Vertu READY TO RACE um helgina!