Dr. Swe Zin: Smart Coach

သုတဓမ္မ စာမေးပွဲ ဖြေဆိုခွင့်ကတ် ထုတ်တာနဲ့ ပတ်သက်လို့ ကျေနပ်တာ၊ မကျေနပ်တာတွေ အသံပေါင်းစုံ ကြားနေရလို့ ကျမ အတွေ့အကြုံလေးကို ဝေမျှပေးချင်ပါတယ်။

ကျမက အတွက်အချက်သမားမို့ ပထမဆုံးနေ့ကို လူများမယ် မျှော်လင့်ပြီးသားမို့ ပယ်ပါတယ်။ စာဖြေသူအများစုက သက်ကြီးပိုင်းမို့ ဝီရိယကောင်းမယ်၊ စောစောလာကြမယ်ဆိုတာလည်း တွက်ချက်ပြီးသားပါ။ Facebook ပေါ်မှာလည်း ကြိတ်ကြိတ်တိုးတဲ့ သတင်း ဖတ်လိုက်ရလို့ ပိုသေချာသွားပါတယ်။ ဒါကြောင့် ဒုတိယနေ့မှာ နေ့လယ် ၁၂ နာရီလောက် သွားဖို့ ပြင်ဆင်ပါတယ်။

ဒါပေမယ့် မိုးတွေသည်းနေတာကြောင့် မသွားတော့ဘူးလို့ ဆုံးဖြတ်ပြီးကာမှ သွားချင်စိတ် ဖျောက်မရတာကြောင့် ထွက်သွားလိုက်တာ ၁ နာရီ ၅၀ မှ ရုံးကို ရောက်ပါတယ်။

ဖောင်ဖြည့်ပြီး တင်ဖို့အတွက် မေးမြန်းကြည့်ရာမှာ တာဝန်ရှိသူများက သိပ်မကြာဘူး တင်လိုက်ပါဆိုပြီး အားပေးကြပါတယ်။ တကယ်ပဲ တင်ပြီး ၃ မိနစ်မှာ နာမည်ခေါ်တာကြောင့် မပင်မပန်း သက်သောင့်သက်သာ ထုတ်ခွင့် ရခဲ့ပါတယ်။

စေတနာအပြည့်ထားပြီး စိတ်ရှည်လက်ရှည် ဆောင်ရွက်ပေးကြတဲ့ ဝန်ထမ်းများနဲ့ လုပ်အားပေးသူများ အားလုံး ကို ကျေးဇူး အထူးတင်ရှိပါတယ်။

မေတ္တာနဲ့ အကြံပြုချင်တာကတော့ ပိတ်ရက်တွေကို ရှောင်ပါ။ စားသောက် ပြင်ဆင်ပြီး နေ့လယ် ၁ နာရီလောက်မှသွားပါ။ စိတ်အေးလက်အေး စောင့်ပါ။ လူသက်သာပြီး အဆင်ပြေပါလိမ့်မယ်။

သူတော်ကောင်းစိတ်ထားနိုင်ဖို့ရာ အကောင်းမြင်စိတ် ရှိဖို့လည်း အရေးပါတာမို့ အကောင်းမြင်စိတ်နဲ့သာ ရှေ့ဆက်ဖို့ တိုက်တွန်းပါရစေ။

စာမေးပွဲမှာလည်း စိတ်လက်ကြည်သာစွာနဲ့ မေးသမျှကို ဖြေဆိုနိုင်ပြီး အောင်ပန်းဆင်နိုင်ကြပါစေရှင်။

မေတ္တာဖြင့်
ဒေါက်တာဆွေဇင်

မင်္ဂလာပါရှင်!
သုတဓမ္မ စာမေးပွဲ ဖြေဆိုခွင့် ကတ်ပြားသွားထုတ်ရင်း အမှတ်တရ မှတ်တမ်းတင်ဖြစ်ခဲ့တာပါ။
#သုတဓမ္မဒီပလိုမာ

"တခြားသူတွေကို ချစ်ခြင်းမေတ္တာ ဝေမျှနိုင်ဖို့... ကိုယ့်ရဲ့ 'Energy ခွက်' ထဲမှာရော ခွန်အားတွေ အပြည့်ရှိနေပြီလား?"

Life Coach တစ်ယောက် ဖြစ်တဲ့အတွက် client တွေရဲ့ ဝေဒနာတွေကို စာနာစိတ်နဲ့ နားထောင်ပေးရင်း တစ်ခါတစ်လေ ကိုယ်တိုင်လည်း burnout ဖြစ်ပြီး ပင်ပန်းနွမ်းနယ်သွားတတ်တာ လူသားဆန်တဲ့ သဘာဝတစ်ခုပါ။

မကြာခင်ကပဲ "Healing Space for Burnout Adults" Workshop လေး တက်ဖြစ်ခဲ့တယ်။ အဲဒီမှာ ရခဲ့တဲ့ ခံစားချက်လေးတွေက အရမ်းကို တန်ဖိုးရှိပါတယ်။

Body Scan လုပ်ကြည့်တဲ့အခါမှ ကိုယ့်ခန္ဓာကိုယ်က ဘယ်လောက်တောင် ပင်ပန်းနေပြီလဲဆိုတာ သတိထားမိခဲ့ပါတယ်။

ကိုယ့်စိတ်ကို ပြန်သုံးသပ်ကြည့်တဲ့အခါ ဒေါသ သိပ်မရှိပေမယ့် ကိုယ့်ကိုယ်ကိုယ် တွယ်ငြိတဲ့ တဏှာကိုတော့ မဖျောက်နိုင်သေးတာ တွေ့ရပါတယ်။

ကတဲ့ activity လုပ်တဲ့ အချိန်မှာတော့ လွတ်လပ်ပေါ့ပါးပြီး ပျော်ရွှင်မှုကို ခဲစားလိုက်ရပါတယ်။

ကျမတို့ ကိုယ်တိုင်ရဲ့ နှလုံးစိတ်ဝမ်း ငြိမ်းချမ်းနေမှသာ တခြားသူတွေကို မေတ္တာတရား ဖြန့်ကြက်နိုင်မှာပါ။

ဒါကြောင့်... ချစ်သူတွေ၊ မိသားစုတွေနဲ့ အဆင်ပြေဖို့ ကြိုးစားနေရတဲ့ သင်လည်း တစ်လမှာ တစ်ရက်လောက်တော့ Stress တွေကို အနားပေးပြီး ကိုယ့်ကိုယ်ကိုယ် ပြန်လည် 'Recharge' လုပ်ဖို့ မမေ့ပါနဲ့နော်။

ကိုယ့်ကိုယ်ကိုယ် အနိုင်ရတဲ့သူဟာ အေးချမ်းမှုကို ပိုင်ဆိုင်နိုင်ပါတယ်...။

ချစ်ခြင်းအားဖြင့်
ဒေါက်တာဆွေဇင်(Smart Coach)

🤱အမေဆိုတာ ကျွန်မတို့ဘဝရဲ့ ပထမဆုံး "Safe Zone" ပါ

ကျွန်မတို့ လူသားတွေရဲ့ ပထမဆုံးသော ဆက်ဆံရေး (Relationship) ဟာ အမေနဲ့ စတင်ခဲ့တာပါ။ အမေ့ရဲ့ ရင်ခွင်ထဲမှာ ရခဲ့တဲ့ နွေးထွေးမှု၊ လုံခြုံမှုတွေကနေတစ်ဆင့် ကျွန်မတို့ဟာ "ချစ်ခြင်းမေတ္တာ" ဆိုတာ ဘာလဲဆိုတာကို စတင်သင်ယူခဲ့ကြရပါတယ်။

အမေနဲ့ သားသမီးကြားမှာလည်း တစ်ခါတလေ နားလည်မှုလွဲတာ၊ စကားများတာတွေ ရှိနိုင်ပေမဲ့ "အမေ" ဆိုတဲ့ တည်ရှိမှုက ကျွန်မတို့ စိတ်ပင်ပန်းတဲ့အခါ ပြန်နားခိုရာ ဆိပ်ကမ်းတစ်ခု ဖြစ်နေဆဲပါပဲ။

ဒီနေ့ အမေများနေ့မှာ အမေ့ကို "ချစ်တယ်" လို့ ပြောဖို့ မမေ့ပါနဲ့ဦး။ အမေက ဘေးမှာ ရှိနေသေးတယ်ဆိုရင် ဒါဟာ အကြီးမားဆုံး ကံကောင်းမှုတစ်ခုပါပဲ။

🎁 ဒီနေ့ အမေ့ကို ပျော်ရွှင်စေမယ့် အသေးအဖွဲလေးတစ်ခု (ဥပမာ- ဖုန်းဆက်တာ၊ လက်ဆောင်ပေးတာ၊ အတူတူ ထမင်းစားတာ) သင် ဘာလုပ်ပေးခဲ့လဲ?*

အမေဆိုတာ ကျွန်မတို့ရဲ့ ပထမဆုံးသော သူငယ်ချင်း၊ ပထမဆုံးသော ဆရာမနဲ့ ထာဝရ လက်တွဲဖော်ပါ။ အမေများနေ့မှာတင်မဟုတ်ဘဲ နေ့တိုင်းဟာ အမေ့အတွက် ဖြစ်နေပါစေ။

ချစ်ခြင်းအားဖြင့်
ဒေါက်တာဆွေဇင်(Smart Coach)

ကဆုန်လပြည့် ဗုဒ္ဓနေ့မှစ၍ နှလုံးစိတ်ဝမ်း အေးချမ်းပြီး အောင်ခြင်းမင်္ဂလာအပေါင်းနှင့် ပြည့်စုံကြပါစေ. . .
ချစ်ခြင်းအားဖြင့်
ဒေါက်တာဆွေဇင်(Smart Coach)