PHYU's Yoga Studio

❤️Ashtanga Yoga ကို လေ့ကျင့်လာတဲ့ရက်တွေ ပိုများလာလေ၊ Asana ပိုလုပ်နိုင်ဖို့ထက် ကိုယ့်ကိုယ်ကို ပိုနားလည်လာဖို့ ဦးစားပေးလာတယ်…🙏

🌿နေ့စဉ် ကျမ ဖျာပေါ်ရောက်တိုင်း ကိုယ့်ရဲ့ ခန္ဓာကိုယ်၊ စိတ်၊ အသက်ရှူတဲ့ပုံစံ၊ အတ္တ၊ ကြောက်ရွံ့မှု၊ ကြိုက်ခြင်း၊ မကြိုက်ခြင်း အလေ့အထတွေကို အမှန်အတိုင်း မြင်ရတယ်။

🌿တချို့နေ့တွေမှာ အဲဒီအရာတွေကို မြင်ရတာအဆင်ပြေတယ်။ တချို့နေ့တွေမှာ နေလို့အဆင်မပြေဘူး။

🌿 ဒါပေမယ့် Ashtanga Yoga က အဲဒီအရာအားလုံးကို အရှိအတိုင်းလက်ခံပြီး ကြည့်တတ်အောင် သင်ပေးတယ်။

🧘‍♀️စိတ်တွေမငြိမ်တဲ့အခါ Sequence က အာရုံကို ပြန်စုစည်းပေးတယ်။

🧘‍♀️အတ္တစိတ်တွေများနေတဲ့အခါ Working Asana တွေက နှိမ့်ချမှုနဲ့ စိတ်ရှည်မှုကို ကြီးထွားစေတယ်။

🧘‍♀️တွေဝေပြီး မရှင်းလင်းတဲ့အချိန်မှာ Daily Discipline က လမ်းမချော်သွားဖို့ ကူညီပေးတယ်။

🧘‍♀️မောပန်းတဲ့နေ့တွေမှာ Slow Practice က အသက်ရှူခြင်းကို ပေါ့ပါးပြီးနက်ရှိုင်းစေဖို့ လေ့ကျင့်ပေးတယ်။

🧘‍♀️နေ့စဉ် ထပ်ခါတလဲလဲ လေ့ကျင့်ရခြင်းက Intensity ထက် Longevity ကသာ လေ့ကျင့်မှုကို နက်ရှိုင်းစေတယ်ဆိုတာကို သတိရစေတယ်။

အဲဒါကြောင့်ပဲ နေ့တိုင်း ဖျာပေါ်ရောက်အောင်လာပြီး Ashtanga Yoga ကို ဆက်လက် လေ့ကျင့်နေဦးမှာပါ။

ယောဂမှာ Posture တစ်ခုကို ဘယ်နေ့မှာရမလဲဆိုတာကို အတိအကျမသိရပေမယ့် အဲဒီနေ့ရောက်တဲ့အထိ ဘယ်လိုစိတ်ထားနဲ့ ဆက်လျှောက်မလဲဆိုတာကိုတော့ ကိုယ်တိုင်ရွေးချယ်နိုင်ပါတယ်။

လူတစ်ယောက်ရဲ့ Pose ကိုမြင်တဲ့အခါ Pose ကိုပဲ မမြင်ပါနဲ့။ အဲဒီ Pose ရဲ့နောက်ကွယ်က အားထုတ်မှုကိုပါ မြင်အောင်ကြိုးစားပါ။

အဲဒီ Pose ရဲ့နောက်ကွယ်မှာရှိနေတဲ့ မရေမတွက်နိုင်တဲ့ လေ့ကျင့်ချိန်တွေ၊ ကျရှုံးမှုတွေ၊ စိတ်ရှည်မှုတွေနဲ့ မလျော့တဲ့ ဇွဲ လုံ့လတွေရှိနေပါတယ်။

ဒါတွေကို မြင်လာတဲ့အခါ Pose ထက် လူတစ်ယောက်ရဲ့ ခရီးကို ပိုပြီး လေးစားတတ်လာပါလိမ့်မယ်။ နှိုင်းယှဉ်မှုထက် နားလည်မှု ပိုများလာပါလိမ့်မယ်။

The pose is the shape you see.
The effort is the beauty you don’t.

Don’t just look at the pose.
Look at the person it took to get there. ❤️🙏

📅 August Yoga Timetable
💻 Online Classes | 🧘‍♀️ Studio Classes

သစ်ပင်တစ်ပင်မှာ အသီးတွေကို နောက်ဆုံးမှ မြင်ရတာပါ။

Yoga practice ဆိုတာလည်း ဒီလိုပါပဲ။

နေ့တိုင်း လေ့ကျင့်နေပေမယ့်
နေ့တိုင်း ရလဒ်ကို ချက်ချင်း မမြင်ရနိုင်ပါဘူး။

ဒါပေမယ့် ပုံမှန် စဉ်ဆက်မပြတ်လေ့ကျင့်ပါ။
တစ်နေ့မှာတော့ ကိုယ်စိုက်ပျိုးခဲ့တဲ့အရာတွေရဲ့ အသီးအပွင့်တွေကို မြင်လာရပါလိမ့်မယ်။

August လမှာလည်း Flow Yoga, Ashtanga Beginner, Ashtanga Mysore, Deepen Practice နဲ့ Handstand အစရှိတဲ့ထဲက ကိုယ်ကြိုက်နှစ်သက်တဲ့အတန်းတွေမှာ ဆက်လက်လေ့ကျင့်ကြရအောင်။

Keep showing up.❤️
Keep practicing.💙
Keep growing.💛

🧘‍♀️ ယောဂမှာ အခက်ခဲဆုံးလေ့ကျင့်မှုက ခက်ခဲတဲ့ Pose တစ်ခုကိုရဖို့ လေ့ကျင့်ခြင်းမဟုတ်ပါဘူး။

ဘာကိုမှမလုပ်ဘဲ ကိုယ့်စိတ်နဲ့အတူ တိတ်တိတ်ဆိတ်ဆိတ် ထိုင်နေနိုင်ခြင်းပါ။

ကျွန်မတို့ဟာ ဖုန်း၊ social media၊ ရုပ်ရှင်၊ သီချင်းနဲ့ အလုပ်တွေအကြားမှာ အမြဲတမ်း တစ်ခုခုလုပ်နေတတ်ကြပါတယ်။

ဒါကြောင့် တိတ်ဆိတ်သွားတဲ့အခါ ကိုယ့်စိတ်က မသက်မသာဖြစ်လာတတ်ပါတယ်။

ဒါပေမယ့် တစ်ခါတလေ ဘာကိုမှ မလုပ်ဘဲ ကိုယ့်စိတ်နဲ့အတူ တိတ်တိတ်ဆိတ်ဆိတ် ထိုင်ကြည့်ဖို့ လိုအပ်ပါတယ်။ အဲဒီအချိန်မှာပဲ ကိုယ့်အတွင်းစိတ်နဲ့အတွေးတွေကို ပိုပြီးရှင်းလင်းစွာ မြင်လာနိုင်ပါတယ်။

The body can hold a pose.
Can the mind hold the moment?

ခန္ဓာကိုယ်က Pose တစ်ခုကို ထိန်းထားနိုင်တယ်..
ဒါပေမယ့် ကိုယ့်စိတ်က လက်ရှိအခိုက်အတန့်မှာ တည်ငြိမ်စွာ ရှိနေနိုင်ရဲ့လား?

🌿 Ashtanga Yoga Beginner Challenge
One Week • Unlimited Practice • 50,000 Kyats

အလေ့အထကောင်းတစ်ခုဟာ ဆက်တိုက်လေ့ကျင့်တဲ့ တစ်ပတ်ကနေ စတင်ပါတယ်။

လူအများစုက ယောဂကို စိတ်ဝင်စားပြီး တစ်လ၊ နှစ်လလောက် လေ့ကျင့်ကြပေမယ့် အချိန်မပေးနိုင်ခြင်း၊ ပုံမှန်မတက်ဖြစ်ခြင်းတွေကြောင့် ဆက်လက်မကျင့်ဖြစ်တော့တာများပါတယ်။

ဒါဟာ ယောဂရဲ့အကျိုးကျေးဇူး မရှိလို့ မဟုတ်ပါဘူး။
ပုံမှန်လေ့ကျင့်မှု အလေ့အထ မတည်ဆောက်နိုင်သေးလို့ပါ။

ယောဂဟာ ခဏတာလုပ်ကြည့်ရုံထက် ကိုယ့်ဘဝရဲ့ အလေ့အထတစ်ခု ဖြစ်လာတဲ့အခါမှ ခန္ဓာကိုယ်၊ စိတ်နဲ့ နေထိုင်မှုပုံစံမှာ အမှန်တကယ် ပြောင်းလဲမှုတွေကို ခံစားလာရမှာပါ။

ဒါကြောင့် Ashtanga Yoga Beginner Challenge ကို ဖန်တီးပေးထားပါတယ်။

🗓 Date: August 18 – 23
📅 Days: Tuesday / Wednesday / Saturday / Sunday
☀️ Morning Class: 6:15 AM – 7:15 AM
🌙 Evening Class: 4:45 PM – 5:45 PM
💰 Investment: 50,000 Kyats
✨ Unlimited Practice for One Week

Ashtanga Yoga ဟာ သတ်မှတ်ထားတဲ့ Sequence အတိုင်း ထပ်ခါတလဲလဲ လေ့ကျင့်ရတဲ့ စနစ်ဖြစ်တာကြောင့် တစ်ပတ်အတွင်းမှာ
✨ ကိုယ့်ခန္ဓာကိုယ်ကို ပိုနားလည်လာမယ်
✨ အသက်ရှူခြင်းနဲ့ လှုပ်ရှားမှုကို ချိတ်ဆက်တတ်လာမယ်
✨ ယောဂကို ရေရှည်ဆက်လက်ကျင့်နိုင်မယ့် အခြေခံတစ်ခု ရလာမယ်

တစ်ပတ်က စတင်ဖို့အတွက် လုံလောက်ပါတယ်။
တစ်သက်တာ Practice တစ်ခု ဖြစ်လာနိုင်ပါတယ်။ 🌱

ကိုယ့်ကိုယ်ကို Challenge လုပ်ချင်သူများ—

☀️ မနက်ပိုင်း → Comment “Morning Challenge”
🌙 ညနေပိုင်း → Comment “Evening Challenge”
လို့ ရေးပေးခဲ့ပါနော် 🤍

Start your first week. Build your lifelong practice. 🧘‍♀️