Knattspyrnudeild Fram

Kæru FRAMarar!

Stelpurnar okkar taka á móti Val á morgun miðvikudag kl. 19:15 á Lambhagavelli. Frítt er á leikinn í boði Metadata.

Framliðið er á góðu skriði í deildinni þessa dagana og hefur unnið þrjá leiki í röð. Stelpurnar þurfa ALLAN ykkar stuðning til þess að halda áfram á sigurbraut!

Við ætlum að ná í þessi 3 stig og hvetjum alla FRAMara til þess að mæta á Lambhagavöll annað kvöld og hjálpa stelpunum í sinni baráttu 💙

Eins og áður segir er frítt á leikinn í boði Metadata og kunnum við þeim bestu þakkir fyrir. https://metadata.is/

Áfram FRAM!

SKÓSÖFNUN ⚽

Áttu fótboltaskó sem þú notar ekki lengur?

Gefðu þeim nýtt líf!

Knattspyrnuliðið Ascent Soccer vinnur að því að veita ungu fólki í Malaví tækifæri til að láta drauma sína rætast í gegnum knattspyrnu. Þó hæfileikar finnist alls staðar í heiminum eru tækifærin því miður ekki þau sömu.

Ascent Soccer komu til Íslands í júlí til þess að taka þátt í Reycup og á morgun þriðudaginn 28. júlí kl. 15:00-17:00 munu krakkarnir frá Malaví einnig koma í heimsókn í Úlfarsárdalinn og spila æfingaleiki gegn Frömurum á Lambhagavelli.

Með því að gefa notaða fótboltaskó getur þú hjálpað ungum leikmönnum í Malaví að halda áfram að æfa, keppa og þróast.

Tekið verður á móti skóm í íþróttamiðstöð Fram í Úlfarsárdal til 5. ágúst.

Kæru Framarar.

Nú er komið að 16. umferð Bestu deildarinnar. Við Framarar tökum á móti FH-ingum á Lambhagavelli í kvöld kl. 19:15.

Í síðasta leik unnum við Valsmenn 2-3 á útivelli. Eftir þau úrslit sitjum við áfram í 3. sæti deildarinnar tveimur stigum á eftir KR og með leik til góða. Við ætlum okkur að sjálfsögðu að ná 2. sætinu af KR-ingum og til þess þurfum við sigur gegn FH-ingum í kvöld.

Við vonumst til að sjá ykkur sem flest í Úlfarsárdalnum í kvöld og treystum því á að þið pikkið í alla þá Framara sem nálægt ykkur eru og hvetjið þá til að fjölmenna á völlinn. Stuðningurinn í stúkunni getur gert gæfumuninn og við þurfum allar hendur á dekk til þess að tryggja okkur sigurinn í leiknum.

Veðrið í Dalnum er guðdómlegt og hvergi betra að vera en í sól og bíðu í stúkunni á Lambhagavelli. Sjopppan verður á sínum stað, glóðvolgir Framborgarar og pizzur á boðstólum og hægt að fá heita og kalda drykki eins og hvern og einn lystir.

Áfram Fram!

Kæru FRAMarar!
Strákarnir okkar taka á móti FH á morgun kl. 19:15
Mætum í Dalinn og hvetjum strákana okkar til sigurs!
ÁFRAM FRAM 💙⚽️

Kæru FRAMarar!
Stærsti leikur sumarsins hjá stelpunum okkar hingað til fer fram á laugardaginn - UNDANÚRSLITIN Í MJÓLKURBIKARNUM 💙
Nú kemur ekkert annað til greina en að mæta í dalinn og hvetja stelpurnar áfram - ná í þennan sigur og komast á Laugardalsvöllinn!
Þær þurfa á ykkar stuðning að halda! Fyllum stúkuna - mætum í bláu og öskrum ÁFRAM FRAM! 💙💙

Kæru FRAMarar!
Stelpurnar okkar heimsækja Víkinga á morgun, sunnudaginn 19.júlí kl. 14:00 💙
Okkar lið er á góðu skriði þessa dagana og þurfa ALLAN ykkar stuðning! Við ætlum að ná í þessi 3 stig og hvetjum við alla FRAMara til þess að mæta í Víkina og hjálpa þeim í sinni baráttu 💙
Áfram FRAM!!

Freyr Sigurðsson og knattspyrnudeild Fram hafa skrifað undir nýjan samning sem gildir út árið 2029.

Kæru Framarar, það er okkur sönn ánægja að tilkynna að Freyr Sigurðsson hefur framlengt samning sinn við félagið.

Freyr kom ungur að árum til okkar frá Hornafirði og hefur heillað hvern Framara á fætur öðrum með frammistöðu sinni á vellinum, allt frá fyrstu dögum sínum hjá félaginu.

„Það hafa verið mikil forréttindi að fylgjast með leikmanni eins og Frey í Fram treyjunni og sjá hann vaxa og dafna síðustu tímabil. Við erum ótrúlega ánægð með að hafa tryggt okkur krafta hans áfram“ segir Sigurður Hrannar Björnsson, formaður meistaraflokksráðs karla.

Klru FRAMarar
Hlíðarendi er staðurinn og Valur - FRAM er leikurinn!
Á morgun, laugardaginn 18.júlí kl.19:15 er alvöru Reykjavíkurslagur sem við ætlum að sjálfsögðu að fjölmenna á!! 💙
Strákarnir okkar hafa staðið sig frábærlega á þessu tímabili og eiga svo sannarlega skilið ykkar stuðning. Mætum í bláu og sækjum þessi 3 stig! 💙💙
Áfram FRAM!